هنا .. سجن القوافي !!

صح لسانك ابومنصور وصح لسان الهواوي
مجاراة رائعه وابداع غير مستغرب

منكم أستفيد أساتذتي
ان توفقت بمجاراتي وإلا صححوا لي أتوقع اول مره اكتب على هـ البحر
بس لاتحطموني حيل ههههه

‎وقل ل نجد الشاعرة تزعب من العد الرهاوي ،،، هكذا العد الرهاوي
‎مدوا الطاروق من دارين حتى بحر جده ،،، كيف يا صل بحر جد

——————————
جابني صوت المنادي والبحر لونه سماوي
اينعم لونه سماوي
مع سمو الشاعرين اعوم في جزره ومده
لو علا جزره ومده

كم طواريقٍ لعبنا والشعر عذبه يداوي
إي قسم عذبه يداوي
جرة الموال تاصل قمة طويق ويرده
والصدى لازم يرده

والغرام وكثرة الاحلام ماترحم وتاوي
ليه ماترحم وتاوي
والمولع لاتولع وهج شوقه جاب سده
لوتصبر باح سده

والشعر غنّى وغنينا عسى الدرب امتساوي
ياعسى الدرب امتساوي
ياعسى ماضعت وانا لقاف شعري مستعده
ايه دايم مستعده

وسلامتكم،'

ناصر الهواوي ,الجووهره معجبون بهذا

السلام عليكم ورحمة الله وبركاته
ماشاء الله تبارك الله
تشيّد صروح وتزول صروح، وصرح رواسي نجد باقي
وتذهب بنا الايام بعيداً ونعود ونجده كما كان عامراً
تحية طيّبة للجميع وادام الله بقاءكم واجتماعكم الاخوي الادبي
(مصافحة سريعة)

يانجد داعيني قبل فوق شهرين
وغلاك يدفعني بليّا مناديب

ادفع على الفرصة بشارة لو اتحين
ما ارقب حدوث مناسبات ومواجيب

لكن انا مجبور تحت القوانين
غديت مثل اللي وقع فـ المقاضيب

ذيبٍ حبل به حابلين السراحين
وعجز يحصّل عن وطنهم مهاذيب

وقد جاك مع رسل الفضاء لك مضامين
بعد وصلني من نسيمك مكاتيب

ومن حينها يانجد لليوم باقين
ماجا لردات المشاعر مضاريب

لايختلف جوّك وانا باخصك زين
ولو تدفعك هبوب هاك الشخانيب

الجووهره ,ناصر الهواوي ,خيال مطير معجبون بهذا

اهلا بشاعرتنا المبدعه لاوالله ما ضعتي الا اطفيتي وهج الصوت والصدى السابقين
وصح لسانك مليون ولا يسدون
ارحب يابو زياد تراحيب المطر بعد هالغيبه الطويله وصح الله لسانك الى مالا نهايه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
يامرحبا بالشيخ سلطان واهلين
ترحيبة يفوح من عرفها الطيب

من غاب عذره معه لو غاب عامين
واللي كماك يغيب ويعود ويجيب

وما فات مات ولا نبي منك عذرين
ولا يلحق الشايب بكم شكه وريب

عزيز من ربعٍ حشام وعزيزين
اهل الوفا ومكملين المواجيب

تمت وصلى الله على ناشر الدين
ما دوجت في نجد حرش العراقيب

شاعرة نجد ,خيال مطير ,الجووهره معجبون بهذا

ليه يا انتي كلما قلت اسفهل الخاطر
يا حمامه من على الغصن القريب نحتي

بس هو ذا اللي قصيرك من جنابك ناطر؟
ولو بغى سجع وهديل وما يسره رحتي!!

جيت ابا ادعي ما قويت ادعي/ وجوك عاطر
من عيوني لو حصل مهما حصل ما طحتي

كان صح الزين شيف من الجميله قاطر
كان مثل المطيبه بالزين كله فحتي

ياشبه روضة خزامي علها امس الماطر
كل طيرٍ شم ريحتها نصاها محتي

شاعرة نجد ,الجووهره معجبون بهذا

غادرته امس ورحت والحين مريت
على طموم الشايب اللي يقولون

قبل امس وامس اشوفكم واسفهليت
ولا ضير دايم طبع الايام هاللون

ياليت لو ماهيب تجديك ياليت
ما تمتنيه العين والروح مضمون

لا... لو تحقق لك ربع ما تمنيت
واللي طمع بأكثر من الربع مجنون

كم شفت في مضمار الايام واوحيت
وبيحت من ما شفت واوحيت مكنون

انتل وادفع غصب ما ادري تماهيت
مع شفهم واحقق اللي يريدون

فهيت بعد افقت من سكر وافهيت
اللي لما لي قد حصل ما يعرفون

وبس ههههههههههه

الجووهره معجب بهذا

يسعد مساكم
وهلا بكم
وصحت الالسن والاذوآق
ودآم الحضور والابدآع

وهلا بك شآعرنا سلطآن الغبيوي
نورت الرواسي بعد الغيبه الطويله
وعودا حميدا
وصح لسآنك على هالرآئعه

شاعرة نجد ,ناصر الهواوي معجبون بهذا

ارحبي يالجوهره وصح بدنتس
ــــــــــــــــــــــــــــــــــــــــــــــــــ ـــــــــــــــــــــــــــــــ
إيه إيه ما زلت اعيش اللي مضى واقارنه بالجديد
ويظهر لي الفرق واضح بينهن لا شك ما اصدقه

تغير الخلق والاخلاق وانكار المبادي واشتباه الأكيد
واحباط وضغوط نفسيه لمن رز الهدف للرمي ما حققه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ما من واهس هههههههه

الجووهره معجب بهذا

البقااا شآعرناا
ويسعد صبآحك والجميع

وصح لسآنك ودآم ابدآعك
‏ِ
‏صباحكــــم خير من الله وتوفيق
‏يا أهل الوجيه الغانمات الفليحه

‏وثلاث تمــــرات على فكة الريق
‏وفنجــــال بن يقعد الراس ريحه

ناصر الهواوي معجب بهذا