قصة ابو خليفه الرشيدي

18-01-2015, 02:24 PM

السلام عليكم ورحمة الله وبركاته

اسعد الله اوقاتكم بالخير والمسرات

اليوم جيت لكم بقصه جديده

والروايه على ذمت الراوي وكماء وصلني

ابو خليفه الرشيدي

كان ابو خليفه الرشيدي شاعراً وفارسً عاش مع عتيبه في عالية نجد
في اوائل القرن الرابع عشر الهجري وكان من هواة القنص وله سلقه سبوق وصقر
وكان كريماً يوقد النار مبكراً ويعمل القهوه ويرتاد مجلسه اصحابه من القوم وكان لايمر به يوم
ألا وياتي بصيد لان سلقته سبوق ولاتفوت لها طريده
وذات ليله لدغتها افعى فماتت السلقه وحزن عليها خليف حزن شديد ولم يوقد ناره الصباح كعادته

وفي الصباح أتى اليه صديقه الشاعر / سلطان التهامي الروقي ,, فرأه حزيناً ولم يوقد ناره
ولم يستقبله ببشر كعادته فساله مالذي احزنه فلم يجيبه خائفاً ان ينتقده (يزرى عليه )بحزنه
على كلب فأخبرته زوجته بموت السلقه وانه حزين عليها فأراد ان يسليه ويستثير بشاشته
وسروره فقال .

يابو خليفه مير فاديك ماراح=الجروه اللي صيدها فـ المضاحي
من طاول الدنيا تبذه بالانجاح=ولاقط منها واحدٍ مايباحي
الموت اخذ شالح ومشلح وشلاح=اللي سعدهم في نهار الصباحي=
هم منوة الراعي المطرف ليا صاح=لاحل بأطراف الضعاين صياحي
ليا حل فـ طراف المضاهير صياح=وجتنا الجموع اللي تبذ المناحي
يدفع دحاميل السرب لين تنزاح=ويشبع بمركاضه خفوق الجناحي

فأجابه ابو خليف

والله ما ابا منها تجاير ولا ارباح=ولاني باغيها تزيد المراحي
ابي بها عبه وطربه ومرواح=تحت خفوق الطير رفض الجناحي
لازم يوحى لك من النشر صياح=بنمراً تقالبها هبوب الرياحي
بكره ليا من المطر بالشفاء طاح=والوسم طاح ومن الذنايب وناحي
مع دلتين بنهنه ليا فاح=يبري الغليل وينشط اللي صحاحي
وحمراً ترادي كنها الظبي الابراح=ليا رفعو لفاطحهن الرماحي

وسلامتكم

ذكر الشاعر سلطان التهامي الروقي
مشلح وشالح وشلاح
وهم أبناء / متعب الضيط شيخ العضيان من الروقه من عتيبه

هذا والله اعلا وأعلم

(( القصه كما وصلني ))