سلام يا الحر العديم القطامي

سلام يا الحر العديم القطامي
ياللي توجه للبداوه عذاريب

فكر قبل ذكر البداوه شمامي
ورفع جنابك عن علوم الزواريب

الكار كار البدو وقت الزحامي
وقتٍ مضى ما فيه شكٍ ولا ريب

قطاعة الفرجه كبار الاسامي
لا الضيف والجيران مثل المعازيب

اقطاعهم واضعانهم كالغمامي
نزالة القفر المطرف اليا هيب

على ظهور ملاعبات الخطامي
وعلى سروج مسودسات المضاريب

اهل سهاف الشول عز الانامي
فج النحور مقوسات العراقيب

لا جا نهار الورد والعج قامي
وردوا بها عدٍ عذي المشاريب

وطاحت تواديها وثار العصامي
وغطى نفلها نايفات المراقيب

وحطوا لها العبوه على جال زامي
الريهجان ام الشطن والمغاريب

يا زين شوف ادليهم والمقامي
وشوف البنات المترفات الخراعيب

هيم البطون مرودعات الوشامي
نجل العيون الناعسات الرعابيب

تلع الرقاب اللي سوات الادامي
ما شالن الشنه ولا شالن الصيب

نبذه عن البدوان يا ابن الكرامي
اوردتها يا اهل الوفاء والمواجيب

عيد بجاد بن شده

رحيل ,محمد الغنامي ,النجلاء معجبون بهذا

الله الله
مبدع وجزل يابن شده
صح الله لسانك ودام ابداعك ومداد قلمك الشامخ
تقديري لسموك
النجلاء

عيد بن شده
صح لسانك واعتلاشانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه

الله الله
صح لسانك شاعرنا ودام ابداعك
لاهنت