مرسى ( هاجوس فكري ) الرواسي

قرائي الاعزاء

أينما اكون يكون حرفي معي

واتمنى أن يجد زائر متصفحي متعة التصفح

هنا في مرسى

( هاجوس فكري )

رواسي نجد

في رواسي نجد مرسى هاجس افكاري ينادي = مرحبا يالزاير , الفنجال باليمنى نمده
إن تصفحت القوافي و إن تصفحت المبادي = ما لك الا مايسر لخاطرك و العلم عده

,
,,
,

ملكة الرواسي معجب بهذا

خذ جديـد النظـم والنظـم القديـم=سيّد الإحساس خـذ منـي جـواب
في عيون الشعـر ياعيـن العديـم=بارق الأشواق مـا دونـه ضبـاب
كم بصدري للرعـد تسمـع هزيـم=كل ما ناضت بروقك فـي السحـاب
وكم على شانك بنظم الشعـر اهيـم=كل ما ناظرت صفحـة مـن كتـاب
وكم نظرت احزانـك بدمعـة يتيـم=كل ما افهم قولك بفصـل الخطـاب
وكم من اجلك ادعيت انـي غشيـم=و استثيرك عطف مع لين الجنـاب
و مستحيل انهرك لو في الجو غيـم=و انت لك في الصدر روضاتك رحاب

ملكة الرواسي معجب بهذا

ياشيب عيني منك يا الريم شيبـاه=جننتني من قبل لا اصمل واجننـك
مر(ن) توردني متاهـه ومضمـاه=و مر(ن) تفر الفكر معك بتفننـك
حيرتني و الفكـر حايـر بدنيـاه=عسى تزبّني مثـل يـوم ازبّنـك
لو كان وصلك بس حرف و مناجاه=وما فيه من مثلي بالأيمان طمّنـك

ملكة الرواسي معجب بهذا

في ميزتك يانهر ما توصف بخيـل=لفيت ضامي والصدر يبغى انشراح
على ضفافك حط لي فـيُّ ضليـل=متعة نظر واعل من عذبٍ قـراح
و اصبح اسيرك طول ليلي والمقيل=ما اطلبك رأفة لجل تطلق لي سراح

ملكة الرواسي معجب بهذا

العمر توّه لو تسمويـت شايـب=ما دامت الانفاس تأخذ و تعطـي
و الجرح غاير لو يقولون طايب=بنى عليه الصبر لو هو بقى نـيّ
و حطي لذكرى العام قبر ونصايب=ما قيل بأن الميّت ابقى من الحي
و القبر لو هبت عليـه الهبايـب=ما تاخذ الانفاس منها ولا شـي

ملكة الرواسي معجب بهذا

ان كان حدسك حي ياشوق ما مات=كم بيت من نظمك يجي نبع من زم
في ساعة الافكار كم راحت وجات=توارد (ن) فيها الخواطر على الجم

ملكة الرواسي معجب بهذا

الا ياحروف الصمت اقدم لـه الاعـذار=ولا يحتسب غلطة ( على البعد) مقصوده
عشقته بليا طوع منـي و دون اختـار=سلاطين حبه حرف لو ما اعرف سدوده
تلاقي صدف و اثر الصدف تتبع الاقـدار=ولا كنت اضن انـي تعديـت لحـدوده

ملكة الرواسي معجب بهذا

وين انت ياللي معاك الفكر شد الرحال=اقسم برب البشـر غيبتـك ياشينهـا
ماعاد باقي لصبري يا وليفي مجـال=هذي رسالة و تشرح لـك عناوينهـا
لا تحسب اني دلوه وسالي بكل حـال=لو ضحكتي للملا بانـت مضامينهـا
أناشد النود و إن هبت هبوب الشمال=و البوصلة تتجه للغرب فـي حينهـا
و اقول طال البعاد ايوالله اليوم طـال=و ش فايدة صفحة المرسى وتلوينها

رحيل ,ملكة الرواسي معجبون بهذا