هنا .. سجن القوافي !!

صباح االرطوبه والعذوبه ووبل رشاش
يذهب ضيقة صدورٍ من الوقت منتكه

في هجسي عيا ما كان به والفكر منداش
يصدد ويقفي لــ نخيته يبا الفكه

وانا واهسي لو ودكم بالحقيقه ماش
واخاف المعاني يا جماعه تجي ركه

انا قبل ارى اني في قوه وصملة جاش
عليها اعتمد بعد الولي وطلعت هكه

تلمست شملول الصبر في يدي وانحاش
ابذل كل جهدي وامسك الصبر وافكه

وبس

خيال مطير ,الجووهره معجبون بهذا

اللي نبي عادوا وشلنا الزغاريد
وضلعاننا ردت صداهن وراحوا

وتبددت مع الهواء الطلق بــ البيد
فرحه بغت تكمل ولكن ما اتاحوا

ولا هيب تستغرب//تكرر تراديد
كان الغياب اول محرم واباحوا

ورغم ان الاجوا تشبه لجو مدريد
لا طير غرد به ولا ورق ناحوا

الجووهره ,خيال مطير معجبون بهذا

السلام عليكم ورحمة الله وبركاتة
مساء الخير ......شيء من الشعر ارجوا ان يحوز على رضاكم حبايب قلبي
ودي اكون معكم دئما ولكن ظروف الحياة تصدبي اقدم اعتذاري وقد اثرت فيني ابيات الشاعر ناصر الأخيرة والتي معناها يافرحة ماتمت يعني ما امداكم تجون الا وغبتوالعل القادم يكون جميل بإذن الله

الله على قلب (ن) نبض في حناياك=يوم الغلاء صوبي وقلبك يبيني
ويوم المحبة واضحة في محياك=ويومك على جور الزمن لي عويني
منولا ضرب المثل في مزاياك =تضرب بك الأمثال للعاشقيني
ومنولا لقبلت تضحك ثناياك = واليوم اشوفك ناوي الغدر فيني
بان الجفالي منك بانت خفاياك=بعت الغلاء همك رسم في جبيني
خلاص ابعد ماندور حلاياك =بعدك بتشرق دمعتي وسط عيني

وسلامة الجميع

الجووهره ,خيال مطير ,ناصر الهواوي معجبون بهذا

ارحب يابو محمد ارحب وصح الله لسانك ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
يقولون هون كل ما كاد لك ويهون
واطرد كل ضيقه بابتسامه صناعيه

لجل اهل الشماته والنقاقات ما يدرون
وتبلش في لسان الخبل والهبع والعيه

ادعم بالسكوت الصبر ويقال لك دندون
ومشاعرك لبسها انظباطات نوعيه

كأنك على ما قالوا البدو ما بك لون
لو ما بك يفوق آلام حمى قلاعيه

الجووهره ,خيال مطير معجبون بهذا

مساء الخير والامطار والاجواء الممتعه
وصحت الالسن والذوائق'،

ناصر الهواوي ,الجووهره ,خيال مطير معجبون بهذا

الهواوي

يقولون هون كل ما كاد لك ويهون
واطرد كل ضيقه باتسامه صناعيه

لجل اهل الشماته والنقاقات ما يدرون
وتبلش في لسان الخبل والهبع والغيه

ادعم بالسكوت الصبر ويقال لك دندون
ومشاعرك لبسها انظباطات نوعيه

كأنك على ما قالوا البدو ما بك لون
لو ما بك يفوق آلام حمى قلاعيه

انا
مشغووله وَبَالله مستعينه ومَنْه العون
وهيضني الهواوي وجابني00000حيه

بابياتٍ رهيبه تلمس احساسي المسجون
قسم كنّها منّي مكتوبه ومبنيه

فيها بيتها الثالث ذهب والذهب موزون
صح لْسان راعيها وصحّت معانيّه

نعيش الحياة اشكال سبحان رب الكون
وجسور الصدور مْن الخفيات ممليه

000حيه)مجار يـ ابوعبيد
تراني ماقلتها شاعرنا الخلوق 😀

وصححح لسانك'،،

ناصر الهواوي ,الجووهره ,هزاع محمدالعاصمي و 2 آخرون معجبون بهذا

نهر ,خيال مطير

ياسلام ياسلام
صح لسانكم

ناصر الهواوي ,الجووهره معجبون بهذا

مساء المطر وازكا عطر للجميع
اهلا يالجوهره وصح بدنك
ارحبي شاعرتنا المبدعه وصح كلك على المجاراة الفاخره
ارحب يانهر وصح بدنك بس ما يكفينا منك هذا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
هلا مرخبا ماشاف برق الخيال عيون
وعدد ما خفق خافق بلحظه وداعيه

تحيه بطعم الشهد وبنكة الليمون
على الاربعه تبعث بصوره جماعيه

ولها تتمه
توني جاي من مشوار
وتعبان شوي الله يعطيكم العافبه

الجووهره معجب بهذا