هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

اثر قاف القصيد ليا عطا دوٍ خلا ينحاس
يحير قايله ما يفتهم قصده ومضمونه

يجامله المجامِل لجل ما تزرا عليه الناس
عن اللايم يلوم ولا يبا الشانين يشنونه

بعدها ياهجوسي بالكفوف اضرب على المرواس
وشل ياليل دان وخل من حولك يغنونه

لعله يطرد الضيقه عن الخاطر ويجلى الباس
وراس الاصبع المظلوم ما ينعض بسنونه

أعجبتني هـ الابيات رووعه رووعه
صح لسانك شاعرنا

^
^
طرب مدري عجب مدري مشاعر شاعره واحساس
تحرك والهوا لاهب هز الشوق وغصونه

حروف مْن الذهب مدري اللآلىء مدري الألماس
قريت ومادريت الا بقافي تلعب جنونه

يجيبه موج بَحْر وعذب شعرْ ولفحة النسناس
وهجسٍ لاسرابي ماقصر مسراي من دونه

نجوم الليل انا بـ اسهر معك واكتب على القرطاس
واوسع خاطري من خافقٍ ما باح مكنونه

الجووهره ,عبدالله الدّنّيش ,ناصر الهواوي معجبون بهذا

هلا يامرحبا ماهز هندي مع كلامه راس
ليا جابوه مع دربٍ الى دلهي يودونه

لمروية الذوائق مترعة من هالبديع الكاس
ليا قيل الذهب مٍن مَن قالوا ذيك دندونه

ليا داعب جفون الهجس من بعض الظروف نعاس
وغنت شاعرتنا قاف طير غفوة جفونه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
وتستاهل شاعرتنا اكثرمن ذلك بون مجامله

الجووهره ,عبدالله الدّنّيش ,شاعرة نجد معجبون بهذا

الفكر سرت ليله اعتى طواريه
وهو لو يمر اردى طواريه ساري

ولا قلت له لا وين؟ والا بعد ليه؟
عن ما ازعجه واجزاه انا كنت داري

وهجس الشعر شاف وطرا له يخاويه
وسرت معه كل المشاعر تباري

ما القى عصاه الا وهو في حراويه
لدارٍ بها يسكن تبين مواري

فيها غريب ووده ليا اصبح ايجيه
عميت عليه وهو مفتح وقاري
ــــــــــــــــــــــــــــــــــــــــــــــــــ ــــــــــــــــــــــــــــــــــ
وبس اللي وده يكملها يفعل هههههههههه

الجووهره ,عبدالله الدّنّيش ,شاعرة نجد معجبون بهذا

تستاهل الطيب ياشاعرنا ومسااك الله والجميع بـ الخير
بعض من ماعندك طال عمرك
وصح لسانك
ولاهنت على هـ الابداع والامتاع

وسلمت ودمت,’’

الجووهره ,عبدالله الدّنّيش ,ناصر الهواوي معجبون بهذا

ياليل ماجت لي على الكيف ياليل
ومن طاع نفسه دمّرَتْه بْهواها

لـ عْقولنا بحياتنا سطوةٍ حيل
تضرب على الرغبه وتلعن ثواها

ماعندها للروح لو شي تمثيل
والعاطفه تِضعف وتتلف قواها

بعض العقول, وبَعْضها يسر وحليل
تنعم وتحلم من ورى مستواها

هنيّها ماحسّبت للمقابيل
تشرب من كْفوف الملذّه دواها

الجووهره ,عبدالله الدّنّيش ,خيال مطير و 1 آخرون معجبون بهذا

ناصر الهواوي

ياللروعه صح لسانتس ابدعتي وامتعتي ولاهنتي شاعرتنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
جيتك وانا ما كنت عنك امتغيِّب
اقصدك يا سجن التسالي والابداع

لو رحت لي يومين عندك قريب
وغيري غيابه شهر وايام وسياع

حبيب انا لك وانت عندي حبيِّب
لكن واحدنا غدا اسداس وارباع

وقاف الغزل لا رِحِم عيا يشيب
وازجر هجوسي عنه لاشك ما طاع

والظن يكذب والاماني تخيب
ما غلي سعر شراه بالرخص لك باع

ما كان قبل اللي تجدد كذيب
لكن سدر مخه على صوت قرقاع

الجووهره ,عبدالله الدّنّيش ,شاعرة نجد معجبون بهذا

صح بدنك شاعرنا
وصح لسانك على هـ الابيات
ماقريتها الا بعد ماكتبت عن الرواسي ابيات مختلفه معنى ومبنى
وبعدها مـ اتوقع توافقني الرأي

الجووهره ,ناصر الهواوي ,عبدالله الدّنّيش معجبون بهذا

^
^

أبيات بين الحقيقه والفكاهه
والعذر والسموحه من معازيبنا,يشهد الله عزيزه علي الرواسي
وانا عضوه قديمه فيه...

يـ ناصر ابن عْبيد حال الرواسي
مـ عاد شجّعني على حضرتي فيه

يرثَى لحاله عقب ذيك الاماسي
اللي من الابدااع طابت لياليه

مابين راسيّه ومابين راسي
هذي تسلينا وهذا نسليه

لْحزة تواجدهم نجيه بْحماسي
وكلٍ يشارك من جديده وماضيه

واليوم باقي فيه راسك وراسي
ومازلت بـ الابدااع تنعش وتحييه

والعالم الله منتهي وش تْواسي
خلاص وش رايك نروح ونَخَليه؟

الجووهره ,ناصر الهواوي ,عبدالله الدّنّيش معجبون بهذا