آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
31-08-2016, 03:09 AM | #1 |
|
(مشفي الجرواني / محمد العواد) صوت وصدى
( صوت وصدى ) جتني أبيات من الشاعر المعروف مشفي الجرواني يقول فيها : تبي الوناسه والطرب والسعاده=ابعد عن الواتساب والمول والسوق ولا ترتبط بالمختبر والعياده=إعنز على اللي تشدق الخلق له فوق يالعبد عالج غفلتك بالعباده=لا تغضب الخالق على شان مخلوق وسق القدم بأرضٍ يذعذع براده=مابين ربدا والحدق وإم زرنوق في فيضةٍ يازين ريحة رشاده=متخالفٍ بأطرافها كل زملوق مدهال من تزهى رقبتها القلاده=وضحاء خيار الذود مع شمّخ النوق مع خوة اللي ما بطبعه نكاده=صميدعٍ مايقبل الهون والبوق لوهو بوقت الخوف يوم العقاده=له منزلٍ بين المخاليق مرموق لا فيه لا خفه ولا به قراده=به من دها اللي بأول العيد مشنوق مشفي الجرواني ---------------------- ---------------------- و ردي عليها : جتني قصيده تستحقّ الاشاده=ابيات للي منبع ابياته الذوق شاعر خذا لجزل القصيد السياده=له منزلٍ عندي مهو لـ اي مخلوق ومن معنى كلامه اخذت الافاده=وين انت ياللي بكثر الاشغال مخنوق ترا الوناسة والطرب والسعاده=فرقا الديار وزحمة الناس بالسوق مع درب راع المعرفه والركاده=صميدعٍ ما جلعد بشور مطفوق في خايعٍ قفرٍ يذعذع براده=يازين مع شمس الضحى مرتع النوق ما لوم من شفّه وغاية مراده=وضحٍ هواها ساق راع الهوا سوق يا شافهن يرمي علاج العياده=من كان دايم بابرة دواه مدقوق ويدله بهن عن كل هم ونكاده=بارضن كساه النبت من كل زملوق هذا ومن دافع هوايه وعاده=الطير له عندي مواجيب وحقوق يعطي على دخل انبساطي زياده=فرخٍ وحش ما قيّض العام بسبوق ان وفق المولى بفرصة هداده=ورّد على برقا الجناحين من فوق يا ادّيت للخالق فروض العباده=سق القدم ياصار مابالقدم عوق محمد العواد
|
التعديل الأخير تم بواسطة محمد العواد ; 31-08-2016 الساعة 04:20 AM
|
31-08-2016, 04:35 AM | #2 |
(-• زائــر •-)
|
الله الله
ياسلام عليكم قصائدد اكثر من رااائعه صح لساااانه وصح لسااانك يالعواد جميعكم مبدعين وقصائدكم قمه فالروعه والجمال لاهنتوا تقبل مروري وتحياتي وقبلها سجل اعجابي وتقديري عايض العتيبي |
|
31-08-2016, 12:19 PM | #4 |
|
محمد العواد
صح لسانك ولسان الجرواني قصايد جزله وكلها ابداع لاهنت على الطرح المميز تقبل مروري واحترامي لك |
|
31-08-2016, 05:22 PM | #6 |
|
|
|
31-08-2016, 05:24 PM | #7 |
|
|
|
31-08-2016, 09:31 PM | #8 |
|
الله الله
محمد العواااد صح لسانك مليون وصح لسان الجرواني صوت وصدى ولا اروع سجل اعجابي وتقديري يسبقهم ختم التميز والاعجاب |
|
|
|