** مقتطفــااااتـــي **(خاص)

الضو مشبوبه ولو يبطي البرد
لريح السمر في مجلس البيت بنّه

فـ المزرعه في جلسةٍ حولها الورد
والكيف كايف ريح هيله وبنّه

عبدالله الدّنّيش معجب بهذا

ودي يزاورني خيالك الى نمت
وأن صار أنام الليل مع طول يومي

مَـ دام مابه غير ذكراك لاقمت
وطيور شوقي في سمايه تحومي

ومَـ داام تأسرني ظروفي ومادمت
مثلي ظروفك في ضحاها نجومي

خل الخيال يْحاكي الروح في صمت
يجمع شتاتي لاتردّت عْزومي

عبدالله الدّنّيش معجب بهذا

ولي كورونا يوم زان الجو واعلنّا السفر
جيتي وهديتي وسويتي وفتتي العظام

عشْرة ايام وكنّها عامين وان ضاق الصدر
صليت واستنجدت بالله واستعنته قبل انام

والله كريم وزالت وزانت وعديت الخطر
والهجس حضّر واقتحم ميدان صدري اقتحام

طبت ولعبت وحرك الالهام ماسوَّى الحجر
شعر ومشاعر والعزيمه فووق لو ماجت تمام

يالله عسى بكره ومابعده ومابعده مطر
لو ضاعت السفْره يعوّضنا المُخيم والخيام

عبدالله الدّنّيش معجب بهذا

هونك علي يالمشاعر عجتك ثارت
وضْلوع صدري جريد ولافته عجه

الله واكبر على الايام لـ دارت
عقب السلامه والاستسلام محتجه

صارت ولا ادري قسم بالله وش صارت
بس اختفى همس صوت الامس فـ الضجه

عبدالله الدّنّيش معجب بهذا

العافيه حلوه وانا اشتقت لـ النار
ولْشبّةٍ فالمزرعه ريحها غير

حذّرني الدكتور مـ اطلع من الدار
لكن تهيض خاطري دوون تفكير

وشبيت ضوي واستلم هجسي الطار
وغنيت لو يلحق على الصوت تقصير

والهَمْت واستلهمت من عذب الاشعار
اللي يفجر سيلها الصدر تفجير

والشوق شاق وساري الفكر محتار
مابين بين وبين والصاير يْصير

مع سكة الاقدار من غير مـ اختار
واكبت مع ركْب المسيره عسى خير !

وين القصيد اللي لياحان بركان
زلزل مشاعر كل شاعر وغنى

ايوالله اني خاطري تو مازان
وابيات شعري جات منا ومنا

والغيم غيّم والمطر هل ودان
هيض سنا برقه خفوق المعنّى

واشتقت يوم الشوق من طبع الانسان
الا بليد حْساس نام وُتهنى

راتع ولا لاعه من البعد حرمان
عايش حياته داله ومرجهنّى

حطَّني فوق كفك يالغلا كـ الفراشه
وغن لي من مواويل القصيد الجديد

واكسب الاجر في قلب العنى وانتعاشه
ياعسى يالعل اتّْجي على مانريد

أحْسب العظم بس اللي يجي به هشاشه
لين هشهش فوادي غيبتك يالبعيد

بشويش ياطير الغصون النديه
من غصن لـ غصْن وتنقّل وانا اشوف

بالله هوونك داام مافي يديه
أطير مثلك,راعني سو معروف