مجاراتي مع شخص مجهول

اقتباس:

المشاركة الأصلية كتبت بواسطة مـهـا

صح لسان العشاق الكناري: ) ابدعت شاعرنا وابدعت الشاعرة المجهولة.. لاا تحرمونا مجاراتكم الممتعة.. دمت بكل خير..

هههههههههههههههههههههه مهاوي


صح بدنك يالذووق

شاكر حضورك الفخم والمميز

دمتي بخير وسعاده

لاهنتي

صح لسانك يابو بندر
وصح لسان الشاعره
القلوب الخضر
يعطيكم العافية

محمد الغنامي

دامـك معـي ويـش أبـا بفـلان وفـلانـه
ياللي وجودك عـن الخفـرات يكفينـي
عاشق وقلبي سكنتي وسط شريانه
أنــا دخـيـلـك مـثــل حـبــك تحبـيـنـي
بيـنـي وبيـنـك غــرام ومـــزح ومـيـانـه
يعنـي ليـا جيـت كلـي بالله اخذيـنـي
تــراء الجـفـاء فالمحـبـه مالـهـا خـانــه
جروحـهـا ســم فـقـلـوب المحبـيـنـي

الشاعر المجهول

جتنـي بيوتـك وانـا شفـقـه وولهـانـه
بمعانق العشق من قلبٍ مشقينـي
يالعاشـق المغـرم المجـنـون بفـلانـه
كـم مـرةٍ قلـت لــك حـبـك معنيـنـي
تعال قـرب وشـف سهمـك ونيشانـه
له ضربتن في صميم القلب تدميني
مال الجفـا فـي سمانـا يمكـم خانـه
والله يـديـم المحـبـه بـيـنـك وبـيـنـي


هيضتوني يالثنينه وهذي كيبورديه طازجه


ورد المحبه تقاطف وسط بستانه
والله يديم المحبه بين الاثنيني

خلن يعاهد بحبه صوب خلانه
اعهود حبن توثق للمحبيني

مدام بيت الوصل مفكوك بيبانه
خشو وصكو عن اكثار العذوليني

وانا قريت وعرفت الصدق عنوانه
حبن على كفتن فيها متساويني


صح السنتكم يالثنين

شاعر فتل ونقض وابداع

تقبلو ماوضعته هناء

حبيس المشاعر

قرناس الحرار

صح بدنك ولاهنت على الحضور
دمت بخير وسعاده

حبيس المشاعر

صح بدنك وصح لسااانك على المجاراه العذبه
ابدعت وامتعتك بماجدت
دمت بخير وسعاده يالذيب

الله الله صح لسانك ياحبيس المشاعر
لاهنت ع المجاراه الرائعه
تقديري لسموك
النجلاء

صح لسانك ولسان الشاعره

ابدعتووو .. تحياتي لك

صح لسانك يا ابو بندر ولسان الشاعره

مبدع دائما

تقبل مروري