آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
25-02-2016, 12:17 AM | #1 |
في ذمة الله
|
طاروق ناري
محاوره جديده
كنت مستدعي بندر الحافي لكن صار عنده مشوار وتأخر علينا وماقصر عبدالله الذيابي : عبدالله بن طلال : يا حضرة الشعـار و الجمهـور=ســلام والمـحـراف مـحـرافـي كـلـن يـبـا يلـعـب عـلـى معـنـاه=ســلام و المـحـراف محـرافـي المـوت راح ببنـدر بـن سـرور=مـابـاقــي الا بــنــدر الـحـافــي ياللي تسوق المزن من منشاه=جعل العوض في بنـدر الحافـي في ملتقى اللي بيتهـم معمـور=يامرحبـا مـن خـاطـرن وافــي عبدالله بن طلال :والـلــي يـــدور لـلـوفـا يـلـقـاه=يامرحبا في من خاطرن وافي الـلـي تـوفـى بيـرقـه منـشـور=والجو لاهـل المعرفـه صافـي والحر من بيت السعـد مجنـاه=والجو لأهـل المعرفـه صافـي اقفى زمن بسكوت ابـو غنـدور=واقفـى زمـان الببـس والكـافـي عبدالله الذيابي :يابعد الارض عن السماء بعداه=اقفـى زمــان البـبـس والكـافـي الرعـد يرعـد فـوق ديـر الـزور=والبـرق فــي سنـحـان ينشـافـي والذيب عينه ف الطلي والشـاه=والبـرق فــي سنـحـان ينشـافـي ماجـور يــادار الجـهـل مـاجـور=الـلـي عليـهـا يـــذري الـسـافـي عبدالله بن طلال :ياطيـب دار اهـل النـقـاء طيـبـاه=اللـي مايـذري حولـهـا السـافـي الوقـت يمـضـي والحـيـاه تــدور=والخـيـر بـيـن والــردى خـافــي والسيف قص الراس من علباه=والخـيـر بـيـن والــردى خـافــي دار الجهل غارق بسبع ابحور=وطبـع البحـر غـدار يــا كـافـي عبدالله الذيابي :شط البحر ماينشـرب مـن مـاه=وطبـع البحـر غـدار يــا كـافـي السيف مايغني عن الشرشور=السيـف راح بوقـت الاسـلافـي ومن لا عرف يمناه من يسراه=يـروح مـع مـرواح الاسـلافـي ياطيب راس اللـي يعـد النـور=اللي لبس بشت الفخر ضافـي عبدالله بن طلال :واللي شرب جزر البحر يهناه=يعيـش يلبـس بشتـه الضـافـي يغني كتاب الله عـن الدستـور=الـيـا لـفــى للمجـتـمـع لافـــي واللـي كتـب لـه خـط مايقـراه=الـيــا لـفــا للمجـتـمـع لافــــي لاكبرت اللقمه علـى الحنجـور=يبلـش بهـا ســواق الاسعـافـي
واللي يشيل الـداب فـي مخبـاه=لا يبـتـلـي ســـواق الاسـعـافـي المـعـذره وانـتـه بـعـد مـعـذور=اخـلـفـت مـيـقـافـك ومـيـقـافـي اللي بغى كحل المريض اعماه=اخـلـفـت مـيـقـافـك ومـيـقـافـي |
سبحان الله والحمد لله ولا اله الا الله والله اكبر
|
25-02-2016, 01:08 AM | #2 |
|
صحت السنتكم ياطيور شلوى
ولاهنتوا محاوره وخالقي كعناقيد مزنٌ متلبده بالجمال والجزاله والابداع سلمت وسلم الذيابي وعساكم ع القوه.. " نجومي اضعها بنحر متصفحك.. وتقييمي بناصيته.. " |
|
25-02-2016, 01:27 AM | #3 |
|
ابو مشعل
صح الله لسانك وصح الله لسان الشاعر عبدالله الذيابي مبدعين مشاء الله عليكم يعطيكم العافيه ولاهنتو محاوره من الدرجه الاولى تستحق التقييم والنقدير تحياتي لك النجلاء |
مصممتنا المبدعه والمتألقه رحيل الف شكر لك ع التصميم الرائع |
25-02-2016, 09:53 AM | #6 |
|
الله الله
صح لسانك يابو مشعل وصح لسان عبد الله الذيابي مبدعين وجزلين طاروق جميل جداً مروري وتقديري |
|
|
|