ظلع ذريّع

مجاراه جديده

والذي لايعرف ( ضلع ذريّع ) يبحث عنه وعن قصته في قوقل


ريم الفلا :

يا ظلع علمني عن اسطورة الداب = هي كذب والا صادقه يا ذريّع
عدّيت قدامك على كل مرقاب = وعجزت لا اعدّيك ماهو تمييّع
لكن دابك سيرته عند الاجناب = كم واحد (ن) يهرج بها لين ضييّع

انا :

القوم شافوا ما عن الدحل مجناب = ووردوا هل العليا برمحٍ رفيّع
بموت (الحنيني) صار (محجوم) الاسباب = قامت رواصيد الافاعي تفيّع
مار احسبي للظلع يابنتي إحساب = له قصّةٍ وسط المكاتب إتبيّع

ريم لفلا :

كم قصةٍ حازت من الناس الاعجاب = وهي من سوالف من يقود التشيّع
يا زين نيات البدو روس الانساب = راحوا قبل وقت الزمان المسيّـع
اليوم حتى الشر ما بين الاقراب = و اسبابها نعرة مهبّل و صيّع

انا :

بعض القصص للناس تروى وتنجاب = ويطرب لها القلب الذكي والطبيّع
منها قصص طَرفه مع السّمع تنساب = مثل انسياب الماء بجوف السليّع
ومنها قصص تشلع من البيت الاطناب = ارنب خلا تنفج ولا تنتريّع

ناصر الهواوي :

لو الجبل يالربع موحيكم اجاب=وقال اسمعي يارابعه مع اربيِّع
دابي اسطوره ضمن اساطير الارهاب=وقد جمعوا سلمى وظلمى اجميِّع
بسلمى لهن فتكٍ بعكفان الاشناب=وفيهن يصدق من فواده وجيِّع
وذريع لبرقا من سنين (مرقاب)=ومرقاب حرب اظن راس النويِّع
ومرقابتس الكوده بحزات الانشاب=وجمران لك مرقاب ماهو (ذريِّع)
منطوق هجس لبدع الامثال ما هاب=واسع خياله حيل ماهو وسيِّع

ياسلام عليكم شعرائنا
صح الله لسان الشاعره ريم الفلا
وصح الله لسان شاعرنا ابو عبيد
وصح الله لسانك يابو مشعل
ابدعتو وامتعتوبمجارياتكم يالجزلين وشوقتنا نعرف قصة
ضلع ذريع
لاهنت يابو مشعل وتسلم يمينك ع الجلب الفاخر
تقديري وتقييمي والنجوم لكم ياشعراء الابداع
تحياتي لك
النجلاء

يعطيك العافيه الاخ عبدالله بن طلال
جدا رائع فيما نثرت هنا من مراد بينك والشعاره ...ريم الغلاء
وكذالك مجارات الاخ والشاعر ابو عبدالله سعدت من خلال مروري من خلال متصفحك

كل الشكر

ابو مشعل

صح لسانك ولسان الهواوي والريم
مبدعين وجزلين الله لايهينكم
مشكور على نقلها
دمت بخير

ابو مشعل
صح لسانك
ولسان الشعراء
مجاراه جزله وجميله
يعطيكم العافيه
تحياتي واحترامي لكم

صحت السنتكم
منو الى مايعرف الضلع ذا
مادبل سبدي غير هو

صح لسانكم ياشعراء على المجاريات الرائعه
دمتم بخير وسعاده دائمه

الشاعر عبدالله طلال صح لسانك ملايين وصح لسان الشعراء
دمت بجمال الحضور وروعة الابداع
لروحك عبق الفل والياسمين