ايمن السيد

خله على وضعه القايم ولا يحتاج تجديد
اشوفه اطلال خرب احب من شوفه عماره

لو انه يجيب بي لــ شفت باقي لبنه العيد
وبين الضلوع الرهايف شوفته تقدح شراره

عنده يسرِّح خيالي مع فضاه ويبعد ابعيد
بليلٍ غطا الصبح فاتن والجبل يوحش سماره

علمي بما اقول قبل سنين باصح الاسانيد
نهار جاني خبر ممشاه من دون اختياره

اخذت شهرين ما صدقت لو ما احتاج توكيد
تشهد على العلم غربانٍٍ تناعق فوق داره

وتفتح عوات الرياح الباب واصكه تراديد
لين انهدم مع مرور الوقت من صفقه جداره

خلاه خط المسند حين مره بايمن السيد
لو قدر انساه كان اللي رسم غير قراره

خيال مطير ,شاعرة نجد ,الجووهره معجبون بهذا