لبّيه يا ضحكنا ، ولبّا [ مواجعنا ] !

حتى لو انّا قطعنا الصوت بنعاني !
الذكريات القديمه باقيه معنا !


وحتى لو انّا افترقنا كيف ينساني ؟
وشلون ابنساه وكلِ شي يجمعنا ؟!


كل الاماكن تردّد اجمل اغاني
كنّا نتسابق ونهديها لمسامعنا !


ليه نتباعد مادام الكون ذا فاني ؟
ليه عن دروب الوصل نعلن تراجعنا ؟


يعني وش اللي بعد للحين ما جاني ؟
وحظٍ جمعنا بالامس اليوم يقمعنا


ما همّني لو ظروف الوقت تعصاني
وما همّني لو عيون الكون تتبعنا


عندي الاهم شوفتك يا بعد من جاني
لبّيه يا ضحكنا ، ولبّا [ مواجعنا ] !

الوفاء

يسلم ذوقك واحساسك الراقي

قصيده في قمة الروعه

صح الله لسان شاعرها وتسلم يمينك ع نقلها لنا

تحياتي لك

النجلاء

يسعد قلبك الوفاء
اختيار موفق وصح كلك على النقل المميز

فوفو القمر

جميل جداما وجدته هنا
قصيده حيل رائعه
تقبلي اعجابي واحترامي

ياهلا بالحضووور ولا عدمناكـ يالغلا ..

صح لسان شاعرها وسلمت أناملكـ يالغلا ..

ودي لروحكـ ..