الفقر وغرام الصبايا

تعالوووووو أسمعوووووو سوااااااالفي أخر الليل

وأنا صغير جاني الصدق راعه=بس متعالج بالصبخ والكوايا

والحمد لله صار عندي مناعه=الا عن الفقروغرام الصبايا

الفقررابط في كراعي كراعه=نصبح ونمسي من حساب الضحايا

لو كان ماعندي صمود وقناعه=يمديني أهرف مع جميع النحايا

أقول لو الفقر يصفط شراعه=في ذمتي يانا بسوي سوايا

والثانيه للحب سمع (ن)وطاعه=هنا بدينا حث عوص النضايا

لاشفت راعيت الخجل واللكاعه=تلقاني أطا فوق روس الحيايا

أهيم في حبه ولا أطلب شفاعه=لو أنها ترسل سهوم المنايا

أصير في سوقه سوات البضاعه=أنباع ولا ألزم جميع الزوايا

أما تولع بي وزدته ولاعه=ولا تفرقنا بحسن النوايا

وأن شفت راعيت الدلع والمياعه=طنيت لو أن الطنا للطنايا

تلقاني اكتب شعر في كل ساعه=أما قصيد (ن)جزل ولا روايا

وأنــــا صـغــيــر جــانـــي الــصـــدق راعـــــه بـــــــــــس مــتـــعـــالـــج بــالـــصـــبـــخ والـــكــــوايــــا

بصراحه انا كنت شاك في الموضوع بس اللحين تأكدت انك رايح فيهاههههههههههه
صح لسانك وقلبك خضر يا بو بندر

بدر بن عبد العزيز

صح بدنك وهذي سوالف أخر الليل

وانت ماتشوفني في الرمله احيان اقوم من النوم اصيح هههههههههههههه

شاكر لك مرورك الاكثر من رائع

لك ودي

محمد الغنامــــي

صح قلبك ولسانك

قصيدة جزلة من رجل جزل .. يسلم بوحك يالغلا

انا من متذوقي الشعر الجزل وبالحيل راقت لي ..............

يعطيك مليووونـ عافية وسلمت لنا اناملك وقلمك الرااائع

لكـ تقديري وحترامي

أما تولـع بـي وزدتـه ولاعـه

ولا تفرقنـا بحـسـن النـوايـا

رسمة غلا

صح بدنتس ولاهنتي على المرور

شاكر لك حسن بوحك ونباك أخت غاليه وعزيزه

لك ودي واحترامي

صح صح لسانك الى رضاك

تقبل مروري وكل الاعجاب والتقدير

ولك ممني
تريلة ورد
وتريلة ود
وتريلة ند اصلي

صــــــــــــــــح لساانك اخوووي محمد الغناااااامي

ويا اخووي بدر لو سالتني عنه من اول علمتك منتهي محمد

<< ينتضر قصييده من لسان محمد العســل بالمدح فيني <<< يرمــش بعيونه وهو مستحي

محمد الروقي

صح بدنك لين تقول بس

لو سمحت خل التريلات تروح للبيت تنزل الهدايا

شاكر لك مرورك على سوالفي