قل هو الله احد

10-02-2020, 06:57 PM

قصيده بمناسبه
ــــــــــــــــــــــــــــــــــــــــــــــــــ
نبتدي باسم الله الواحد الفرد الصمد
منتصر للرسل باهلاكه لعاد وثمود

وقدم موسى دوك فرعون ذل ولا صمد
اغرقه باليم ما فادته كثر الجنود

وعزنا في ماحوى (قل هو الله احد)
وبالرسول اللي دعاه احمد وصار امحمود

وبالمليك اللي عسانا فداه ابو فهد
تسبق افعاله مقاله لمن يبي الردود

راس منهم للوطن درع واركان وعمد
محتمين الجار فزعاتهم تبر اللهود

وفي ولي العهد ياوي والله من ولد
همته عدت به لقمة المجد ويزود

وفي رجالٍ تعرض ارواحها بالمجتلد
في سبيل الله بيعت ومن دون الحدود

ومن بعدها ياسلامي سلامٍ معتمد
ريح هيل وعنبر ومسك خالط ريح عود

لكل من شد الرواحل وشرف هالبلد
مستجيب لسادة الحفل نادر مع سعود

الاسود اللي ربو في كنف ذاك الاسد
شايبٍ بالطيب من خلقته يرقا سنود

ابو نايف لاعدمناه وافي بالوعد
الصياني فوقها الحيل ويبرك قعود

ياعسى يفداه من لا لفا الضيف ارتعد
البخيل اللي على المرجله ماله زنود

وختمها صلوا عدد مالوجه الله سجد
وسلموا/مابالمخايل ترزم من رعود

للرسول اللي على الدين جاهد واجتهد
وحن تحت اقدام رجليه من فرقاه عود

عبدالله الصقري ,روابي ,ملكة الرواسي و 1 آخرون معجبون بهذا