هنا .. سجن القوافي !!

الجو روعة وانت اروع من الجو
‏والغيم عالي وانت اعلى من الغيم

‏يسعد عيوونك جيت في هاجسي تو
‏حفلة مطر وانا وقلبي معازيم

خيال مطير ,ناصر الهواوي معجبون بهذا

روعه يالجوهره صح ذوقك وهلا بك
صح نقلك يالخيال ومرحبا بك
ــــــــــــــــــــــــــــــــــــــــــــــــــ ـــــــــــــــــــــــــــــ
ساكن ورايق والهواء عذب ورشاش
في مجمله ينقال جوٍ رومنسي

بس الفكر من كثر ما فيه منداش
ياليت ما يطري على البال منسي

واقول له لو لد للخلف ما هناش
ويقنع لو ان الراس من ساس عمسي

الجووهره ,خيال مطير معجبون بهذا

لو ضاق صدري طفت برياض الاشعار

أحيا بها وأقطف نوامي ثمرها

يسلى بها فكري على الذوق يختار

ما أحتار كيف أنضد غرايب زهرها

أنقِّي الصَّافي وأصفِّيه تكرار

وأرويه من جرح شباتي حفرها

وأهديه للغالي مع الحب تـذكار

هي جذوة الفكرة وأنا أرسم صورها

وان ضاقت الدنيا تخطيت الاسوار

وأتعبت روحي لين أعدِّي خطرها

سَلَّمت ربي حيلتي قبل الاشوار

وأكرمت نفسي لا الزمان يحقرها

أشقى بها وأرقى بها عند الاحرار

فوق الظَّلام العين يصفي نظرها

ما نيب أضيق بحمل الأيام لو جار

ما أعاتب الدنيـا وأعاند قدرها

الشوق في نفس تَعَرَّض للاخطار

يبلى الجَهَد وعقالها ما زجرها

بيني وبين أحلامها النُّور والنَّار

وأسرار وأطوار المسار تعسرها

غَمَّضت عين تنظر الشين والعار

وأطلقت روحي للجمال يغمرها

يا نعمة الباري تواشيح الاطيار

في مهجة حب الخليقة عمرها

في كل شي أحلام وأنغام وأنوار

وأفكار ما يدري بها من هجرها

ما توجع الماشي طويلات الاسفار

لي صار عدلات الدروب يخبرها

هزاع محمدالعاصمي ,الجووهره ,ناصر الهواوي معجبون بهذا

ارحب يالخيال وصح نقلك
ــــــــــــــــــــــــــــــــــــــــــــــــــ ــــــــــــ
ضيق الصدر مهما حصل مايزيله
الا الذي سبب له التك والضيق

ماجور صدر دوم ضيقه نزيله
راعيه وجهه شاحب وناشف الريق

ما يشبه الــ ليل البشر طول ليله
يفرح ليا طالع سنا صبحه امويق

له سجة ابـ بحر الطواري طويله
يسبح مجاديفه عذاب الطواريق

الجووهره ,خيال مطير معجبون بهذا

السلام عليكم
يسعد صبآحكم
شآعرنا الهواوي
خيآل
وينكم؟؟
مو عادتكم يطول غيآبكم
عسى مانعكم خير
ان شاء الله

خيال مطير معجب بهذا

السلام عليكم ورحمة الله وبركاتة
صباحكم ورد وشلونكم جميعا عساكم بخير
كنا على الشات في يوم من الأيام ودخلت علينا الشاعرة
غمام بعد غياب طويل قلت أنا مداعب لها بيت واحد فقط
غمام وين انتي لك شهور في غياب=ماحرك الهاجس شعورك وجيتي

ردت في الحال ......
يالعاصمي طبع اليالي له اسباب=تجمع لنا الفرقا شعورن مقيتي
ون حالت الأيام من دون الاصحاب = الله يزينها الحين و ميتي

رديت عليها في الحال......
هلت على خد الوله دمع الاهداب = دمعة وفاء جارت علي وطريتي
صوت الشعر ينده يدور للأسباب=ليتك معى حلو القوافي بقيتي
ماجارت الفرقاء على غير الأحباب = ياليلة الفرقاء علينا فتريتي

وسلامة قلوبكم

ناصر الهواوي ,خيال مطير ,الجووهره معجبون بهذا

وعليكم السلام ورحمة الله وبركاته
هلا بك شآعرنا هزاع
نورت بعد الغيبه عودا حميدا
وصح لسآنك وصح لسآن
شآعرتنا الغاليه غمام
أبدعتووووووو
وهذا حال الدنيا اجتماع وفراق
الله يذكر الجميع بالخير
ويرد الغايبين بالسلاااااامه

خاصه رحووووووووله
أشغلني غيابها هنا وفي تويتر
صار لها سنه مختفيه.
اتمنى تكون بخير. الله يحفظها
استودعناها الله الذي لا تضيع ودآئعه

ناصر الهواوي ,خيال مطير معجبون بهذا

اقتباس:

المشاركة الأصلية كتبت بواسطة هزاع محمدالعاصمي

السلام عليكم ورحمة الله وبركاتة
صباحكم ورد وشلونكم جميعا عساكم بخير
كنا على الشات في يوم من الأيام ودخلت علينا الشاعرة
غمام بعد غياب طويل قلت أنا مداعب لها بيت واحد فقط
غمام وين انتي لك شهور في غياب=ماحرك الهاجس شعورك وجيتي

ردت في الحال ......
يالعاصمي طبع اليالي له اسباب=تجمع لنا الفرقا شعورن مقيتي
ون حالت الأيام من دون الاصحاب = الله يزينها الحين و ميتي

رديت عليها في الحال......
هلت على خد الوله دمع الاهداب = دمعة وفاء جارت علي وطريتي
صوت الشعر ينده يدور للأسباب=ليتك معى حلو القوافي بقيتي
ماجارت الفرقاء على غير الأحباب = ياليلة الفرقاء علينا فتريتي

وسلامة قلوبكم

ارحب يابو محمد

ناصر الهواوي ,الجووهره معجبون بهذا