هنا .. سجن القوافي !!

هلا مرخبا ما ركزت بالبروق عيون
وعدد ما خفق خافق بلحظه وداعيه

تحيه بطعم الشهد وبنكهة الليمون
لمن مَن هنيا مر صوغه جماعيه

يقولون بالماضي يا قادر ويا مشطون
عند اهل القرى واهل الحقول الزراعيه

الا يالحمام اسعف حشاد الصدر بلحون
اجعلها عن الضيقات قوه دفاعيه

قبل الصبر ينفد منه ويبيِّح المكنون
وييقن بالفلس والغبن ويطش اواعيه

الجووهره ,خيال مطير معجبون بهذا

مســـــــــــــــــــــــــــــــــــــاء الخير للجميع ,,, مداعبة من المســــــــتشار ..
من الذاكره ..


جزل ياشاعرن مايكتب الا الجزل ويسوقه
تعــــمقت بـــحروفه والمــــعــاني ساقها بـابــداع

جميلات المعــــاني دلت بفنه و مــنطوقه
قصـــيدة وافــــيه جــــل القوافي جابها بــيراع

تحياتي لمنظومه ومـــكتوبه و طــــاروقه
مثل انور لمــحسوب الدرر والشعر نورشــعاع

عذوبات القصايد تحت كفه جات مسيوقه
نعم شاعر درر والقاف عنــده ينثرة بااطباع

سلام لاانورالسيفي بفكرة تجيه مدفوقه
و هو قد الكلام وشاعريه برقها لـــماع

عسى ردك يجينا دون احراجات مسبوقه
على رسلك على مهلك ترى نبض القصيد اقناع

الشاعر موسى أبو مشهور الصائغ

هلابك عد مازار المضمر عزبه لنوقه
وعدد ماشارفت شمس الدنا من نايف المطلاع

حكيم الشعر وافانا هناه وزارنا ذوقه
ولامس نبض تحضن له جميل الروح والاضلاع

ابو مشهور من اسمك خذينا للندى شوقه
ورود الطيب والنقوة ودافي حسك الفواع

سلامي يوصلك عاني يملكه السنا طوقه
مشاعر جنة الخافق وديدن من سما لاقاع

مدحت الشعر وأركانه وسال الدمع من موقه
شويعر توه بعمره ينادم فالسما مرباع

تشيله همة الوافي وينحر للوطن عوقه
يدوس الصعب من شانه ويرخص في فداه اوضاع

أنور السيفي

الجووهره ,ناصر الهواوي معجبون بهذا

- يادرة - بــــلاد - الخــليج - الرغيـــدة -
- - يالسلطنه - يادار - تاج - السلاطين-
- -دار - الشرف - دار -العقول -الرشـــيدة-
- -سكانها - بالطيب - والعز - وافــيـــن -

- - منهو - يلوم - اللي - تغنا - القــــصيدة-
-في - محبته - لعمان - اعمى - نظر -عين-
- - هذا - من - احساس - المشاعر- اعيدة-
- حبيت - دار - السلطنه - من - شـــرايين-
- - وحبي - لاهلها - مو - مجرد - نــشيدة-
- حب - و -علاقة - قلب - بين - البطينين

- - الشامخه - مهد - الرجال - الســــديدة -
- هي سلطنة - عمان - عــــــــز - الشريفين-
- -حبي - لها - سيدة - وسيدة - وســـيدة -

- محبتن - مالفـــــت - يــــــسار - و يمين-

- - يقولها - الصايغ - وهـــــذا - جــديدة-
- بسم - الغلا - والود - بسم - المحـــبين-

- - شاعر - هوى -اعمان - يجري -بوريدة

ـــ - سطر -حروفة -و-المشاعر - من - العيــــن -

من ( قصايد موسى ابومشهورالصايغ )

الجووهره ,ناصر الهواوي معجبون بهذا

هل تذكرون هذا الشاعر اخر علمي فيه في الحويه ان كانه حي عساه طولة العمر ون كانه ميت الله يرحمه واللي يعرف عنه يكلمني ع الخاص لانه رفيق خالي الشاعر خالد بن صحن المطيري الله يرحمه ..

انه الشاعر عايض بن جزاء العتيبي

الجووهره ,ناصر الهواوي معجبون بهذا

هذه القصيدة

التي كتبها الشاعر/ مشعل حسين المرشدي ( المحنك )

في الشاعر الكبير المعروف (شاعر الوطن) خلف بن هذال العتيبي

عندما غاب عن مهرجان حفل الجنادريه 1432هـ

قصيدة الشاعر مشعل المرشدي

غاب الحمـاس بغيبتـك ياأبـن هـذال
ولاعــاد لمتـابـع هــل الحـفـل لازم

شعرك يبن هذال فـي كـل الأحـوال
يـودع فحـول الشعـر يـمـه تــرازم

النـاس مـن غيبتـك صايبهـم ذهــال
من ربع قرن وموقف الشعر حازم

قد كنت موقدهـا مـن الجـال للجـال
وكلـن علـى صوتـك يشـد المحـازم

الحـفـل مايـسـوى ولاربــع مـثـقـال
صار العوض عقب اللواء فالملازم



وإليكم قصيدتين
مجاراة لهذه القصيدة




وإليكم المجاراة الاولئ للشاعر / بادي العتيبي


جتنـي بيـوت المرشـدي طيـب الفـال
مشعل حسين اللي على الطيب جازم

شاعـر وشيـخ(ن) للصعيبـات خيـال
يقـدم نهـار(ن) فـيـه منـكـف وهــازم

نسل الشيوخ اللـي لهـم مجـد وافعـال
اهـل السطـر والعـز وقــت المـكـازم

في شاعر(ن) يفتـل وينقـض وحـلال
وابـيـوت غـيـره عـنـد بيـتـه تـقــازم

خـلـف ولــد هــذال والـحــق يـنـقـال
شيـخ(ن) قصـيـده بالجـزيـل يـتـلازم

يبقـى هـو الاول علـى مـر الاجـيـال
شـاعــر وطـنــأ للمـعـاديـن خــــازم



المجاراه الثانيه لايحضرني اسم شاعرها

الله وأكبر قلت شي علـى البـال
ولا مست جرحن في خفوقي ملازم

الشعر من بعده ما يسوى له ريال
حتى ولو راويـه واثـق وحـازم

أتعبت من بعدك شواعير وابطـال
تتعب تشيـل حمولهـا واللـوازم

شعرن يسطر للمواقف والافعـال
من طنخته يمـه حروفـه تعـازم

وياللي نويت الطيب في كل مـوال
ما غير ابو هذال للطيـب عـازم

الجووهره ,ناصر الهواوي معجبون بهذا

ارحب يالخيال
ــــــــــــــــــــــــــــــــــــــــــــــــــ ـــــــــــــــــــــــ
امطار والجو يالخيال رومنسي
لو كنت انا ما اعرف معنى الرومنسيه

اللي ذكر فايته واليوم هو منسي
له ذكرياتٍ حشا ما هيب منسيه

تعن لــ اصبح وتطري كل ما يمسي
تلعب بفكره صباحاته واماسيه

مشاعره هــ السنه مسارها عكسي
حتى الاماني تجي قشرا وعكسيه

الجووهره ,خيال مطير معجبون بهذا

يطرب بــ هالجو من لا يطربه ما يطرب الناس
ويشعر لو ان الشعر مشمل وهو وجهه جنوبي

لا باس ياللي تحاشت ضيقته بالصدر لا باس
ماهوب بس انت كم غيرك ترشفها بكوبي

ما فيه مخلوق ياقلب الشقى ما عنده احساس
لكن كلٍ له بشكواه من مابه سلوبي

وبس

الجووهره ,خيال مطير معجبون بهذا

صبآح الخيرات
ونسمات البرد الجميله
وهلا بالجميييييييع
منوووووووورين
وصحت الالسن والاذوآق
ودآم الحضور والابدآع

ناصر الهواوي معجب بهذا