ماقدرت انساك

تدري إني ما قدرت أنساك بالمره مع أني
كل يوم أحاول أشغل نفسي بحاجه جديده

لكن النسيان شي أكبر من عزومي ومني
يا شريط بذاكرة راسي وراسي يستعيده

ويش أقول ووش تقول ليا اسألوا عنك وعني
ما بقى لي لأجل أجاوبهم ولا جمله مفيده

أتمنى رجعتك ولا معاي إلا التمني
والتمني للفقير اللي جلس على الحديده

أبتسم لا مر طاريك على بالي وأغني
إبتسامة طفل جنب أمه يصلي صبح عيده

أنت ياللي منك دموعي ومنك ضحك سني
ما قدرت أذوق بعدك طعم الأيام السعيده

في وجودك يختلف وياي حتى طعم بني
في يديك الملح والسكر تنقصه وتزيده

يوم حاولت أمسكك بيدي فشلت وخاب ظني
آدمي والآدمي ما هو بماخذ شي بيده

كل هذا ما هو بمعناه مابيك امتهني
دايم أدعي لك لو يديني عن يدينك بعيده

حبي أكبر من طمع نفسي بدنيا في تدني
الطمع ما زود ابنادم ولا نقص رصيده

والا أنا ساكن بريدك بعد ما حبك سكني
كل يوم أخط صفحة يا رسالة يا قصيده

ما بقى لي من حبيبي شي يرضيني لكني
بتشرف وأعتبر نفسي رساله في بريده

وأنت حاول ما تواخذني على إزعاجي لأني
كل ما قفلت موضوعك بدا قلبي يعيده

إعرف إني مت فيك ليا دفني من دفني
والحقيقة يفعل الله ما يشاء وما يريده

شموخ المشاعر~ ,الملكة ,محمد الغنامي معجبون بهذا

الله الله
سمو الحرف
صح لسانك وصح لسان شاعرها بدر المحيني
انتقاء ذوق ياذوق
سلمت يمينك




تنقل لقناديل ذائقه
مع تعديل الاسم
ماقدرت انساك

الملكة معجب بهذا

الله عليك سمو
دوم كلماتك تلامس القلب
ابدعت في انتقاءك
يعطيك العافية
.

أبتسم لا مر طاريك على بالي وأغني
إبتسامة طفل جنب أمه يصلي صبح عيده

تشبيه رااائع جداا

وقصيده قمة الروعه والجمال

ابدعت وامتعت سمو الحرف والابداع

وسلمت وسلمت اناملك

على الاختيار الجميل

والنقل المميز

وتستاهل ختم التميز

صح لسانك ولسان شاعرها
ابيات في قمه الجمال والفخامه
يعطيك العافيه
تقبل مروري واحترامي