آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
10-12-2018, 02:51 AM
|
#23185 | |
 
|
انا البارحه يا طـول ليلـي غـدا ليليـن---تبين شعاع الشمس ما ارتحـت لرقـادي اعد النجوم الساريـه والعـرب ممسيـن---واعد الاسامي وارفع الصـوت وانـادي ابتعبك يا فكري مع الصـوت والتلحيـن---اجاوب حمام الورق واشدي مع الشـادي سرا النوم من عيني مع هجعـة الساليـن---وصارت هجوس القلب سرداد مـردادي هواجيس وافكارٍ تشيـب برمـش العيـن---تخلينـي اقصـد لـو مانـي بقصـادي ولولا الحيا هليت دمعي علـى الخديـن---وبكيت الرجال اللي لهم جد و امجـادي ابا ابكي عليهم داري ان الدهـر يوميـن---وللعمـر عنـد الله نهـايـه وميـعـادي وببكـي عليهـم جعلهـم كلهـم حيـيـن---عسا الله يعديهـم خطـر كـل حسـادي وانا ما بكيت الا علـى ربعـي الغاليـن---و لاني بحسب حسـاب عـاذل ونقـادي اقوله و انا ماعشت بين العرب مسكيـن---انا ابخس بمصداري و انا ابخس بميرادي ولا اهين نفسي لو على السيف ابو حدين---اموت بشرف لعيون مركـوز الانهـادي وارد الوفا مطبوق والصـاع بالصاعيـن---ومن لا نشد عنـي مانـي عنـه نشـادي معي ذاكره واحس و الوصل قطعه شين---و لاخيـر باللـي للمعاريـف جحـادي انا اقول يا قلبـي تصبـر الـى بعديـن---برجوى الكريم اللي لـه العبـد عبـادي متى الوضع يتحسن متى يدخل التحسيـن---متى نجتمـع لـو صدفـةٍ دون ميعـادي على الله متى بنقـول هيـا بنـا ذالحيـن---اسج القدم مع عزوتـي عقـب مقعـادي اسجـل عـدد رحلاتنـا كلهـا واقـيـن---ولا فيـه يـومٍ مرنـا قلـت لا عـادي وقمت اتمنى و اطلب الله و اقـول اميـن---يعودك يا عيد اربعـه وتسعيـن ميـلادي نهار الاحد واحد و الاثنيـن يـوم اثنيـن---و يـوم الثلاثـا ثلاثـه ايـام الاعيـادي مع الاربعاء عيد رمضان اربع وتسعيـن---تذكرت فيهـا خـوة الربـع الاجـوادي مسكنـا طريـقٍ بـره الساعـه الثنتيـن---على سـت سيـارات و الخـط منقـادي تجاه الشمـال الله اعلـم ميـه وسبعيـن---ورا تمير دون الشعب في فيضة الـوادي نزلنا صلاة العصر ديـره وجـوٍ زيـن---عـز الله لقينـا ديـرةٍ جوهـا هــادي و انا بيـن ربـعٍ كلهـم بالوفـا وافيـن---وجيه قحطـان ونعـم بـذولاك الاولادي شيوخٍ من ادنى كل ابوهـم يميـن يميـن---ثلاثـة عشـر رجـال رقـمٍ وعـدادي سلامي عليهم عد غرس النخـل والتيـن---وعدد ما جنا حب الثمر كـل حصـادي وسلامي عليهم عد من يسكنـون الصيـن---و ما باع وارد موسكـو وسـط بغـدادي و سلامي عليهم عد من ينطقـون السيـن---و نطق العرب للغين والصاد و الضـادي وسلامي عليهم عـد مـن بيـع بالتثميـن---و ما بثه التلفـاز و اعلـن بـه الـرادي و سلامي عليهم عد ساس الحجر و الطين---سلامٍ عطوره غرشة المسـك و الكـادي حقيقه ثلاثه ايـام تسـوا ثـلاث سنيـن---لها جلسةٍ تغني عن الشـرب و الـزادي مقيميـن مرتاحيـن سالـيـن متسلـيـن---سوالف و شبـة ضـو يندلهـا الغـادي صماليل سمرٍ نورهـا يجـذب الساريـن---علـى جالهـا مدخـن ودلـه وبـرادي ومن مرنا قلنـا هـلا مرحبـا واهليـن---تفضل و هـذا سلمنـا سلـم الاجـدادي قحاطين مذكوريـن بالاصـل مشهوريـن---و بالفعل نعرف يومها حـرب وجهـادي سلاطين عنتـر نجـد منـا ومعروفيـن---وشيخ المشايـخ شيخنـا سـم الأكبـادي لنا يشهد ابن حميد و الشيخ ابـن حثليـن---و كلٍ عرف ذيب ابن شالح و ابن هـادي نعم و القبايـل مثلنـا و العـرب داريـن---احد ثور و احدٍ مثـل عنتـر وشـدادي و ركزنا النصع قدام نمشي و حن عجلين---ومن صاد قلنا له كفو عاش من صـادي الله يرحمه |
|
الخط يبقى زمنا بعد كاتبه ،،، وصاحب الخط تحت الأرض مدفون 
|
|
10-12-2018, 02:54 AM
|
#23187 | |
  حزب الرعد
|
هلا هلا بالزوار الغآلين
خيآل ، رحووله تسلموون على التسآلي الجميله ويسلم الذوووق الجمييل |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
10-12-2018, 02:59 AM
|
#23189 | |
حزب الرعد
|
عسا الله يجملنا مع اصحابنا الغالين
وعسا من هقى فينا نجي فوق هقواته عسا علومنا بالطيب تذكر مع الوافين وعسا الله يرزقنا ،، / بعفوه وجناته |
|
|
|
|
10-12-2018, 03:03 AM
|
#23190 | |
|
اقتباس:
المشاركة الأصلية كتبت بواسطة الجووهره
ومشكوور خيال ع الفطووور
بس ليه كذا مامعاه شاهي ، مويه ، الله يستر ما اغص ههههههههه وحليب |
|
|
|
|
10-12-2018, 11:22 AM
|
#23191 | |
حزب العاصفه
|
نعم يالخيال هي المحيزره وهي القفره وكانو بالماضي يدفنونها اما بالتبن او بالرمل ومثل ما قال مده طويله
وتستخدم مع الجريش والعصيده والمرقوق واعتقد ان وجودها الآن نادر جدا// قريبه جدا من المش المصري مع اختلاف المواد تسلم وعافاك الله |
|
|
|
10-12-2018, 11:53 AM
|
#23192 | |
|
حزب العاصفه
|
إي وخالقك صفت ههههههههههههههههههههههههه
ــــــــــــــــــــــــــــــــــــــــــــــــــ ـــــــــــــــــ اهلا بالجوهره والمهره والخيال ونور والنجلا ورحيل ومن مر من هنا ــــــــــــــــــــــــــــــــــــــــــــــــــ ــــــــــــــــــــــــــــــــــ للجوهره يالهجس يلزم تسالي=واسمع حنين ومصدره من يسليه يحن بين الحدب من فقد غالي=وعزي لقلبٍ لج من فقد غاليه له عنه شهر وشهر واربع ليالي=وعيشٍ بليا الترف مالله بحاليه شهرين عن صوت اريش العين ذالي=وعامٍ على روياه ما اطول لياليه قالوا تصبَّر قلت ياهملالي=الصبر من يصبر على حر صاليه |
|
|
|
|
«
الموضوع السابق
|
الموضوع التالي
»
العرض العادي
|
|
