سـماء نجد

الجووهره معجب بهذا

الجووهره معجب بهذا

الجووهره معجب بهذا

الجووهره معجب بهذا

الجووهره معجب بهذا

سماء نجد
وسمآء الابدآع
مدونه رآئعه وجميله
مبدع خيآل باختياراتك
لكل ماهو رائع وجميل

كنت هنااا

خيال مطير معجب بهذا

هلا وغلا
هذا من ذوقك ولطفك
وإنه لمن دواعيــ .. سروري أن أرحب بكِ في مدونتي ألمتواااضعهـ
منورهه يالأمـــيرهه , "

أنا هواي و بس بنت الجزيرة

كتب أحد الشعراء هذه القصيدة بعد عودته من المغرب، فقال:

ياللي تنشد عن علوم الذي طاف
كل البحور وكل دوله وديره
خذ من علومي علم اوصافه اوصاف
جزل سمين يشتعل له سعيده
الزين عقب المغربيات ينعاف
غيد لهن بالزين ذكره و سيره
فيهن حلا طاغي ولين و تعطاف
وفيهن حنان يشعل القلب غيره
حلوات وصف وفاهمات بالاعراف
زيننات منطق صافيات السريره
بنات قوم طيبهم غصب ينشاف
اولاد مغرب بالليالي العسيره
ياللي تنشد عن علومي بالانصاف
هرجي يكفي صامله عن كثيره
الزين في لميا وتغريد و الطاف
ماهوب في حصه وكشره و منيره



فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف
واترك جمال الغيد لاهل البصيره
الزين موبس في الملامح والاوصاف
الزين روح وعفه وطيب سيره
مانيب من يهوى سريا وانصاف
انا هواي وبس بنت الجزيره
بنت الخليج اللي تماري بالاعراف
وحنا نماري باسمها كل ديره
مالي غرام بقول وخا وبالزاف
اذبحتني عند الطرحه المستديره
احب قولة ياهلا وعل وماخلاف
من بنت ثوبي بنت الارض النضيره
اللي تحلاها الظبي حلو الاطراف
جمال في عفه ورقه وغيره
واللي بها سحر مهو سحر عراف
ياعل عين ماتراها ضريره
عطف وحنان وذوق في لين الاعطاف
والى كشفت لثامها شفت أميره
صعب على اللي بالردي شاف ماعاف
وحلوه علىاللي سنه الله ضميره
شمس الى من اشرقت والدجا طاف
غابت نجومك غصب لو هي كثيره
السيف مايزهى سوى كف سياف
والخيل دون حصانها مستخيره
بس أنت دورلك على قدك لحاف
وان طعتني دور بدلنا عشيره