أتمنى والمنى للنفس ما تشفي غليل

‏

الحياه دروبها عسرات والتوفيق صدفه=والبخت نطّحته الهقوات والمسرا طويل
اتحزم بالأمل طول المسير المُر وأسفه=كل وسواسٍ يراودني عن الحلم المهيل
خاطري عطشان وصل وبي من الأقدار رجفه=والطريق اللي سلكته موحش نهارٍ وليل
والموارد بعضها ما تسقي الظميان رشفه=لو يموت من الظمأ والماء قراحٍ سلسبيل
والزمن يمضي وعمري راح ف الأوهام نصفه=أتمنى والمنى للنفس ما تشفي غليل
لي على حظي حقوق ومنه ما عينت وقفه=طول عمري ما اذكر ان الحظ سوا لي جميل
إمتردي يوم أنا من صلب شيخانٍ وترفه=ما امتدح ذاتي لكن الحق هذا بالدليل
الله يجازيك يا وردٍ بعدما ما حان قطفه=ما لحقت اقطف لنفسي منك لو شيٍ قليل
في خفوقي جرح دامي ما يوقف يوم نزفه=ما يجيه من الشفاء والراحه إلا بَخس كيل
يالله بحظٍ يشوف معَ هموم البال صرفه=وأستريح من العناء واودع الشعر الجزيل
ما حدا نفسي عليه إلا الشقاء وايام صلفه=لا سقى ذيك الليالي من مزون الغيث سيل

سلمى

عبدالله الدّنّيش ,محمد الغنامي ,ريم الفلا و 7 آخرون معجبون بهذا

سعود العتيبي ,رحيل ,عبدالله الصقري ,الجووهره ,ملكة الرواسي ,عديم ,النجلاء

الله الله
والنعم فيك شاعرتنا وصح الله لسانك مدد
كايفه ونايفه وجزله
دمتي ودام ابداعك ورقي حرفك الشامخ
تقديري وتقييمي وختم التميز
+ بنر يعتلي الصفحه الرئيسيه
النجلاء

صح المنطوق مع تقييمي .. ونعم يابنت الأكارم

أبدعتي إحساس شاعري خانق

ناصر الهواوي معجب بهذا

كعادتك شاعرتنا ابداع
صح لسانك مليون

أبدعتي أمتعتي شآعرتنا سلمى
صح لسسآنك مليوون ولا يكفوون
ويعطيك العآفيه على هالرآئعه

الله الله
صح لسانتس
ولله درتس شآعرتنا

مبدعه بحق هالدره النادره قليله جدا
الله لايضرك ياسلمى
لاهنتي ودمتي وسلمتي
تحياتي واعجابي

والموارد بعضها مـا تسقـي الظميـان رشفـه
لـو يمـوت مـن الظمـأ والمـاء قـراحٍ سلسبـيـل
والزمن يمضي وعمري راح ف الأوهام نصفه
أتمـنـى والمـنـى للنـفـس مــا تشـفـي غـلـيـل
لي على حظي حقوق ومنه ما عينـت وقفـه
طول عمري ما اذكر ان الحظ سوا لـي جميـل

عساك سالمة ياسلمى
وصح لسانك وحرفك ومعناك
.. شي خيال بصراحة
دمتي بخير ودام ابداعك وصح لسانك