هنا .. سجن القوافي !!

لاتحدث عن غلاك الله لاينزع غلاك
من خفوقي,من عروقي,ياهوى قلبي وذوقي

ليتني يانور عيني غيمه بْعالي سماك
تبرق بْفاخر حروفي,تمطر بْحبي وشوقي

الظروف اللي تعدت عن هواي وعن هواك
والعمل حكمه قوي والوقت من طبعه سبوقي

ياعسى تالي العمر احْسّن من أوّلْهْ وعساك
تختصر باقي الصبر وتْهَدّي اللعب وتروقي

راحت الأيام كنها بس لحظه من ضحاك
تسرق العمر السروقي وانت ماتبغَى تفوقي

خيال مطير ,الجووهره ,كديميس السيحاني و 1 آخرون معجبون بهذا

ناصر الهواوي

صباح الخيرات والمسرات ع الجميع
ارحبي شاعرتنا وصح لسانك وصح بدنك حييتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
تحمطر بنا الدنيا وغربالها الايام
تنخلنا وداخت روسنا من تحمطرها
لوقارنت بين اليوم واللي حدث من عام
ضقت من العلوم وشيبت رمشك صورها
لكن كِلْ جميع اومورك لربك العلام
يفكك من اشيا خافبه ما تصورها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
خذ الحكمه هههههههههههههههه

خيال مطير ,الجووهره ,كديميس السيحاني معجبون بهذا

الواحد لحاله تصيبه ممله
لوهو بشاليهٍ على شاطي النيل
والا يبهر له على الجمر دله
بروضٍ زهره تهبه الريح ويميل
بس اعتبر تقديم ما راح كله
عسى القريحه حاضره للتماثيل
لـ دق سلف الجيب الاسود وتله
وزانت مع السرعه عليه المواويل
ــــــــــــــــــــــــــــــــــ
ضيعتها ما ادري وين تبي ههههههههههههه

خيال مطير ,الجووهره ,كديميس السيحاني معجبون بهذا

ما هنا احد ؟؟
بس
ـــــــــــــــــــــــــــــــــــ
الصبر محمود العواقب بلا شك
لكن سوق الصبر يالربع وينه
ينتك صدري كل مالي طرا تك
كنه يحز الكبد حد السنينه
لا واهني اللي من الشوق مفتك
ما حاربت نوم المخاليق عينه
الوجد في باطن حناياه ما حك
الراعبي ما جاوبه في ونينه
وبسسسسسس

خيال مطير ,الجووهره ,كديميس السيحاني معجبون بهذا

لعيون الزوار هههههههههه
ما ادري وهذا جايزٍ لي بهالوقت
لو هو قبل ماهو لمثلي يجوزي

ذقت المراره بعد ما للحلا ذقت
وتجرعه ما عاد لي فيه عوزي

ليا اسفهليت وتوقعتني رقت
سدد لصدري رائع القاف بوزي

وحرك مشاعر ساكنات وتشوقت
ولا احد برجعة ما مضى له يفوزي

ماني بغيبوبه ولا اشوفني فقت
ولا استطعت لوضعي اليوم روزي

الوجد يمقت صدر من عايشه مقت
ليا ناح من حوله من الورق جوزي

خيال مطير ,الجووهره ,كديميس السيحاني معجبون بهذا

السلام عليكم
مساكم / صبحكم الله بالخير
صحت السنكم و دام تواجدكم وابداعاتكم


☺️

خيال مطير ,ناصر الهواوي ,الجووهره معجبون بهذا

تسليه للسجين
والزوار

(( خربشات شايب ))


الذيب يعوي في سفوح جبال صال
تسمع عواه ولا بغيت تسايره

يهرف من الغدوة ليا وقت الأصال
و في ليله يضمد جروحٌ غايره

و في يدك حبل الوصل و دروب الوصال
لا تعتذر له بالظروف الجايره

و ان كنت تبخل بالرسايل و اتصال
البخل ما عز النفوس الحايره

و اما الكرم محمود و من ارقى الخصال
و الصد و الهجران وسط الدايره

ينفك نصب السيف من حد النصال
و ما انفك عقد العهد في سرايره

تبي تقطعني على دروبك وصال ؟
ما عاد بافي ف الحزام الثايره

خيال مطير ,ناصر الهواوي ,الجووهره معجبون بهذا

ياصباح القشطه والبسطه والخيرات والمسرات ع الجميع
ارحب يابو منصور تراحيب المطر بعد الغيبه الطوييييله
صح لسانك حتى تقول بس
ذكرتني بـ نجم يسمونه مذنب هالي يقول يشاف كل 76سنه مره واحده هههههههه
لكن يقولون ايضا من حضر ما غاب لكنك غبت وجبت الدره الرائعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
ياجارتي فوق النخل علليني
بما يسر البال ويضيِّق ابليس

صوت الطرب هاتيه سجعٍ بليني
بهمسٍ تحرك له جميع الاحاسيس

للقاف اظنه صار تاثير فيني
اللي بعد مده لفا به كديميس

خطوه بخطوه معه ماشي لحيني
وانحست والا الدرب عن عمد قد حيس

ومن بعد هذا يالقريحه عطيني
فرصه/اشوف اللي بقي داخل الكيس

من شوق من وجد وحنين ونيني
وتفاعلاتٍ بي خلاف الكواليس

واهماها جعل الصبر يحتويني
والذاكره تنسى السنين الاماليس

وبس هههههههههههههه

الجووهره ,خيال مطير معجبون بهذا