آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
13-02-2019, 01:40 AM
|
#24897 | |
  حزب الرعد
|
اقتباس:
المشاركة الأصلية كتبت بواسطة خيال مطير
حتى انتِ صرتي مثلهم , شغلك عندي ياجهير
هههههههه من عآشر القوم صآر منهم وترآني أمززح هههههه وحلوه جهير هههههه ربي يسعدك خيال |
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك 
|
|
13-02-2019, 02:15 AM
|
#24898 | |
حزب الرعد
|
خيآل بما انك طرحت هنا
أبيآت للشآعر عبد العزيز المقبل الله يرحمه جبت لك تسليه من قصآئده نبده عن الشآعر الشاعر / عبدالعزيز بن صالح المقبل من النواصر بني تميم اكتسب من والده العديد من الخصال الحميدة كالكرم والشجاعة والحمية من ألقابه شاعر طويق عشق طويق وتغنى فيه بالكثير من القصائد توفي رحمة الله عام 2008 من قصآئده فيها يتوجه الشاعر المرحوم بالدعاء والاستغاثه ل جلب الخير والمطر وذكر ف القصيده (خضير) وهو احد العماله المصريين الموجوديين لديه,, الله كريم(ن)ينعش الحال ياخضير من مدلهم(ن)بارقه لــــه رفيفي,, حس الرعد به مثل حس الطيايير وصواعقه مثل القنابــــــل تخيفي,, خير(ن)بلا شر(ن)يــــــــرم العثامير يصبح جفاف العود خضر(ن) مريفي,, نشوف زيان النفل لـــــــــه نواوير كــاس(ن) نباته مثل زل القطيفي,, ألله وعــــــــد باليسر بعد التعاسير في محكم كتابــــــــــه مهوب تحريفي,, اللي عقل يوسف ليعقوب من البيــــــر ورد البصرله عقب ماهو كفيفـــــــــــي,, ولين ل داوود الحــــــــــديد بتصاخير وأرجف على فرعون موسى رجيفي,, وعنز ل نوح من الغـــــــرق بالتعابير ليحان ســـــــاج فوق موج(ن) مخيفي,, عنده لتصريف الليالي مقاديـــــــــــر متكفل(ن) بأرزاق خلــــــــق(ن)لطيفي,, ورزقي عليه وضامي(ن) عادي الصغير ماهوب رزقي عند وجــــــــــه كسيفي,, ياالله انا طالبك يامعطي الخيــــــــــــر ياخيـــــــــــــــر ماهوب مدك ضعيفي,, أظهر لنا نوى فتوفــــــــــــــــه مزابير يأخذ بليل وباقي(ن)له رفيفـــــــــــــي,, |
|
|
|
|
13-02-2019, 02:18 AM
|
#24899 | |
حزب الرعد
|
من قصآئده رحمه الله
يصور فيها الرفقه الطيبه والطلعة البريه اللي تنومس البآل لي ضاق صدرك واشغلتك الهواجيس حـــــذراك تنصى واحـــد دون واعــي أختــر صديق مثل فــــرخ القـــرانيس يدوس بــــالأقــــدام روس الأفـــــاعي واركب على جيب يشــق الطعــاميس واضرب دباديب الـــزراج الــوساعي واليا زرهج الجيب والبنص له ديس خــلك للفـــــات الـدركســـون واعــي الله يجيرك من صـــدوق العــواكيس لي قام يلعب مع طمــان ورفــــاعي وابعد عن وجيه اللصوص النواحيس اللي مثل شكـــل الضبـــــاع المقاعي حتى تجيلك صيـــهدٍ ما بعـــد حـيــس نـزل زهــابك فيه وابــن الشـــراعي ما جاه قبلك من الخــــلايق مناويس الا مواطي ضــــاريــات السبــــاعي ودن الدلال ودن جـــــوفـا محـاميس لي ساح في نومه قصير الـــذراعي واشعم لها رمث جرومه ميـــابيس لي ما سنا ناره يجي له شعــــاعي واحمس بها بنٍ يزيل الحواسيــس من شم ريحه جاك بالرجل ساعي وأن كان في رأسك بقايا رساريس ترى النجر صوته يزيل الصــداعي سجه بـروض خــــالي ما بعد نيس محدن وطــاله من المخاليق قاعي روضٍ زهــوره لاعبتها النسانيس ريح الخــزامى من دماثيه فـــاعي يزيل عنك امراض هالك الدواعيس والمكيفــات اللي هــواهـا صنــاعي والعلم جاك وخــل عنك الهــــلاويس أضعاف العقول اللي تلاها الضياعي |
|
|
|
|
13-02-2019, 02:29 AM
|
#24900 | |
حزب الرعد
|
وعندما ضعف بصره كثيرأ على اواخر حياته حزن ل هذا الامر وقال هذه الابيات,,
ياعل عين(ن) ماتحق الازاويـــــــــــل عسى السويرق يسرق النــــــــون منها لا صار مالي من وراها محــــــــــاصيل يسد معكاز(ن) مع الـــســـــــــوق عنها ماحققت لي زول بعض الازاويــــــــــــــل اللي جـــــــــــــرح قلبي وكبدي طعنهـــــا طعنت سهم ترعب قلــــــــــوب الرجاجيل شلفن على شرشوف كبدي وزنــــــــها من عقبها غدأ بصدري ولاويــــــــــــــــل كن الربابه فيـــــــــــه تلعب لحنهـــــــــا وعندما سمع القصيده الشاعر عبد المحسن بن عبد العزيز العبدان ضاقت سريرته على الشيخ ابوصالح,, ف قال هذه الابيات,, أزعجتني بدعاك ياشاعر الجيـــــــل تدعي على عين(ن) بلأها زمنهــــــا أتعبتها بين العقب والمحاويـــــــــــــل مدهال حذرات الجوازي وطنهــــــــــا واتعبتها عند الجمر والمعاميــــــــــل شيخ(ن) على الشدات تامر وتنـــــــــها وترقب نجوم الليل تبغى التعـــــــــاليل أسهرتها واليوم تدفـــــــــــع ثمنهـــــــــا يكفيك ماضي الوقــــــــت خل المقابيــــــــل خمسين عام(ن) وانت ماسك رسنهـــــــــا يوم أن راع الصيد يغبش مع الليــــــــــــــل وللصيد غـــــــــــــرات يميز سننــــــــــــــها وأزوال هذ الـــــــــــــوقت مثل المخـــــــاييل وطرق الهوى ماتت وفصل كفنهـــــــــــــا أدخل على أنترنت وأسمع لما قيــــــــــل كل (ن) مطاليبه جهازه ضمنهــــــــــــــــا |
|
|
|
|
13-02-2019, 02:31 AM
|
#24901 | |
حزب الرعد
|
وسلاااااااامتكم
ياويلي منكم ههههه اليوم صرت مثل خيآل تسالي معلقآت ههههههههه |
|
|
التعديل الأخير تم بواسطة الجووهره ; 13-02-2019 الساعة 04:09 AM
|
|
13-02-2019, 12:13 PM
|
#24903 | |
  
|
مساكم الله بالخير جميعآ
ابو عبيد من امس ماله طله عساه ان شاء الله بخير صح الله لسانك شاعرة نجد مبدعه دائمآ ريومه ورحوله وجوجو منورات يالغاليات لاعدمناكم خيال علومك ياعزي لك محد مد لك لو فنجال قهوه ولا يهمك ابشر بالخير الحين الغداء يوصل ان شاء الله --------------------- |
|
 مصممتنا المبدعه والمتألقه رحيل الف شكر لك ع التصميم الرائع
|
|
13-02-2019, 01:26 PM
|
#24904 | |
|
اقتباس:
المشاركة الأصلية كتبت بواسطة النجلاء
مساكم الله بالخير جميعآ
ابو عبيد من امس ماله طله عساه ان شاء الله بخير صح الله لسانك شاعرة نجد مبدعه دائمآ ريومه ورحوله وجوجو منورات يالغاليات لاعدمناكم خيال علومك ياعزي لك محد مد لك لو فنجال قهوه ولا يهمك ابشر بالخير الحين الغداء يوصل ان شاء الله --------------------- انا ماحب السمك , اذا غداك سمك , مابيه أبي كبســــــــــــــــة حاشي , لي ثلاث ايام ,ماطب فمي الزاد ويكون ذبح أسلامي |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
«
الموضوع السابق
|
الموضوع التالي
»
العرض العادي
|
|
