طويق

اقتباس:

المشاركة الأصلية كتبت بواسطة ناصر الهواوي

مجاراه لنادرة ابو منصور
ــــــــــــــــــــــــــــــــــــــــــــــــــ ـــــــــــــــــــــــــــــ
مرحبا ما جا لبرق الصيف بالمزن انشعاقي
وما ترزم من رعود وما انهمر ماه بصبيبه
بشاعرٍ لبى الندا مشكور والترحيب باقي
ما يكفي لو على شط الخليج طويق اجيبه
وانحره من شان ابو منصور واومي للطراقي
لجل من شافه يقول المادبه جدا غريبه
تو زان الكيف والقاف انسكب والبال راقي
وكل شي قلت مالي فيه اقول اليوم لي به
ياهجوس الشعر هات القاف ترحيبٍ الحاقي
لجبر كسر الخاطر اللي يشتكي فرقا حبيبه
كل غافي هم /بالشكوى درى بالحال افاقي
والمقيم من الطواري للسفر مس النجيبه
مرهق من الشوق من حيني وزودٍ في ارهاقي
دمعةٍ في جفن /دفقتها من الفرقا قريبه

،
،،
،
ابو عبيد
شرفتني بهالمجاراة الفاتنة
لسانك ما ينلجم ويمينك ما تنشل
تقبل مروري وتقديري واحترامي
،
،،
،

الله الله مجاراة رائعة
صح لسانك مدد يابو عبيد

صح لسانك مليون شاعرنا
ابدعت يعطيك العافية ولا حرمنا جديدك