هنا .. سجن القوافي !!

صح لسانك شاعرنا المبدع
ولاهنت على هـ الرواائع العذبه

وصح منقولك خيال
ومرحبا ملكتنا وعيدك سعيد
تقديري,’’

عبدالله الصقري ,ناصر الهواوي معجبون بهذا

أنا وافِيه لو وسوس ابليس يالمقصود
ولكن مسيرة رحلتك كرهتني فيك

ربيع العمر والغيم يمطر وريح العود
ونور الصباح ونسمته والمزارع ذيك

إهي جنتي في دنيتي وغايتي والمود
خلاص انتهينا لاتجينا وانا مـ اجيك

مضى ذكرياتٍ صافيه ماجت المنقود
ترويني وتكفيني ويمكنّها تكفيك

عزمت وقسمت اني على دنيتك مـ اعود
والاحلام والايام,ياقلب مـ اوصيك

عبدالله الصقري ,ناصر الهواوي معجبون بهذا

الله الله
هذي يانجد تروع
صح الله لسانك الى مالا نهايه
وين ربعنا حتى بالمعايد بخلو يالله باللي فيه خيره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يالله تفرجها عن الخاطر الضيق=زاد الحجر كسره وضيقه كرونه
افنيت بالصتمه جميع البصاصيق=من غيبته لين العشاء يرفعونه
واقوم اصلي وادعي الله توافيق=بالمزرعه حتى العشا يرسلونه
ومن بعدها اعود لبدع الطواريق=معها الصدر يسلى وينسا غبونه
اسج معها بعض الاوقات وافيق=مره تزم ومره اتطيح دونه
ونوبٍ يجيب الهجس ما ييبس الريق=وجابت منه نجد العشيه نمونه

شاعرة نجد ,عبدالله الصقري ,خيال مطير معجبون بهذا

صح لسانك نجد وصح لسانك يابو عبيد
ليش يانجد ماتقولين انا وفيه . بدال وافيه
\مدري عنكم انتم شعار وابخص

شاعرة نجد ,عبدالله الصقري معجبون بهذا

الطواريق ماعادت تسلي .. والحنايا تدامى وتحدا
والطواري تتل البال تلي .. كل ماورق اللي وهدا
لاني اشوا ولاني مسفهلي .. اتهيا وانا ضايع جدا
واتسمر على جدران ظلي .. اتشره على رجع الصدا
اتوحا ياعلة صوت خلي .. اتلفت ولا حولي حدا
وانشد الليل يسمران قلي .. لية انا وانت من الصبح احددا
ويش اباخذ من طعوني وخلي .. والملامح تشابة ماعدا
ضل نعناعة قامت تصلي .. في حشاية على قطر الندا
غصنها بسراجيف متدلي .. لة بروحي تفاصيل ومدا
من فداها لوني جيت كلي .. وان خذتني طواريها فدا



.

عبدالله الصقري ,ناصر الهواوي معجبون بهذا

يـا بجـاد شـب النـار وادن الدلالـي _وأحمس لنا يا بجاد ما يقعد الراس
ودقــه بنـجـر يــا ظـريـف العيـالـي _ يجذب لنا ربـع علـى اكـوار جـلاس
وزلـه الـى منـه رقـد كــل سـالـي _وخلـه يفـوح وقنـن الهيـل بقـيـاس
وصـبـه ومــده يــا كـريـم الـسـبـالي _بعد همومي يوم اشمه بالانفاس
فنـجـال يـغـدي مــا تـصـور بـبـالـي _ روابع تضرب به أخمـاس وأسـداس

عبدالله الصقري معجب بهذا

اقتباس:

المشاركة الأصلية كتبت بواسطة شاعرة نجد

أنا وافِيه لو وسوس ابليس يالمقصود
ولكن مسيرة رحلتك كرهتني فيك

ربيع العمر والغيم يمطر وريح العود
ونور الصباح ونسمته والمزارع ذيك

إهي جنتي في دنيتي وغايتي والمود
خلاص انتهينا لاتجينا وانا مـ اجيك

مضى ذكرياتٍ صافيه ماجت المنقود
ترويني وتكفيني ويمكنّها تكفيك

عزمت وقسمت اني على دنيتك مـ اعود
والاحلام والايام,ياقلب مـ اوصيك

صح لسانك ملايين يا نجد


🌹

شاعرة نجد ,ناصر الهواوي معجبون بهذا

مجاراتي لهذي الابيات طويل و معناه مختلف
حاولت يكون مطآبق للمعنى لكن ولدت معه معآني اكثر و اقوى
لكن مجرد ما أنسق اورآقي أنشره و ان طآل
و باذن الله يكمل و ارد

شاعرة نجد ,ناصر الهواوي معجبون بهذا