** مقتطفــااااتـــي **(خاص)

لاشفت الغيم يالغالي تفكرت وتذكرتك
قسم بالله مدري كيف تاتي مع رباب الغيم

تقول اني نسيتك ياغلايه واحترق كرتك
ولاتدري وش بْصدري وبعدك كم لحقني ضيم

أسامر ذكرياتك واقضي الأوقات فاكرتك
تضيّعْني واضيّع حضرتك مابين سين وجيم

تعلمت الصّبر من فضل ربي ثم شاكرتك
عطاني بُعدك اللي سم حالي درس فالتعليم

ناصر الهواوي معجب بهذا

بصراحه وبدون مجامله هنا مشتل للورود والازهار النادره
صح الله لسانك ياشاعرة نجد الى مالا نهايه

شاعرة نجد معجب بهذا

صح بدنك شاعرنا
مرور الكبار مكسب و وقار

شكري وتقديري,’’

يسم البدن فرقى الحبايب ويبرا الحال
ولا ادري متى بتْزين واسلم من الفرقى

طواني الهيام,وهد حيلي,وصبري طال
وكسّر ضْلوعي عبرةٍ تنزل وترقى

ناصر الهواوي معجب بهذا

يازين شوف الورد لافتح الورد
وعطى الطبيعه لون مع دفوة الشمس

وجت القريحه تسرد حْروفها سرد
تجمع شتات الروح فـ اليوم والامس

ناصر الهواوي معجب بهذا

مـ احلا نسيم الليل لامن سرى الليل
فـ المزرعه ياسعود والجو هادي

يطيب لي حلو السهر والتماثيل
تطيب لـ استرسلتها من فوادي

واعيش معها جو من غير تمثيل
هو حلم والا علم وش كان, عادي

واعيد واستعيد واحط واشيل
في عالم الذكرَى حدَى الفكر حادي

مدري مع اللي رااح والا المقابيل
والعمر يقضي والليالي جْدادي

وابليس من بعد رْمضان اسرج الخيل
مربوط لين اطْلِق سراحه وعادي

خَذْني وانا ماني بَحَقّ البهاذيل
قبله وانا انعم فوق ريش الوسادي

ناصر الهواوي معجب بهذا

يازين تغريد العصافير فـ عْصير
بعد العصر والا قبل طلعة الشمس

في حزةٍ لها على الروح تأثير
صدري يضيق وخاطري يالغلا عمس

ايوالله انه ماجرى منك تقصير
لكن ظْروف اليوم ماهي بْمثل امس

فرقاك عندي من كبار المخاسير
وصار وحصل لو نضرب الخمس بالخمس

ناصر الهواوي معجب بهذا

ياعين تكفين روقي وابلعي الدمعه
ياسرع من بَعْض الاشياا ماتهلينها

تكفين لـ صارت الاحباب مجتمعه
وش ماتشوفين منها زينها وشينها

لاتكسرين القزاز وتَطْفي الشمعه
ويبين للناس حاجاتٍ تخبينها

شموخ نفسي كسبته بينهم سمعه
ماودي أضعف بعبراتٍ تجيبينها..,’’

ناصر الهواوي معجب بهذا