هنا .. سجن القوافي !!

اقتباس:

المشاركة الأصلية كتبت بواسطة مساعد الجليدي

هات القلم وكتب على البوك عـنوان

ابـيـات شـعـرٍ كـايـفـات مـحـبـوكـه

:::::

سحرِ البـيان ومصدره قـلب ولسان

يوم ان بعـض الناس هـرجه يلـوكه

:::::

جرحي قـديم وجـدده خدرالاعـيان

اللّي على المجدول يفـرك فـروكه

:::::

ابـو ثـمـانـن كــنهــن حــب رمّـان

والخـد شـمسٍ مـكهـفه فـي دلـوكه

:::::

عشقت من عينه تقـل عين شيهان

اللّي الياجـيـته اتونّـس اضحـوكه

:::::

بنـت الكحـيله ماتـقـارن بالاثمان

مهرة عرب مثل الجنيه محكوكه

:::::

بنت الرِجال اللّي لهم شان وعنان

قومٍ لهم في حومة الحرب صوكه

:::::

دايـم رصاصتهـم عـلـى حـد مابـان

من نـاشـته باالحـرب لامـج هـلـوكه

:::::

امّا تشـيل الـراس مـن فـوق الامـتان

والاّعـلى اشـداده تـمـثـنـت اوروكه

:::::

مروين حد السيف بالكون شجعان

كـم شيـخ قـومٍ فـرقعـوله احـنـوكه

:::::

هذا الصحيح وكـل ماقـلت وكـدان

وكبد الحسود بوسطها راس شوكه

:::::

والخيل قـرّح واجرد الخـد مـيدان

والخيط يعرف من سماكة اسلوكه

:::::

مع السلامه والسموحه يالاخوان

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

:::::

التوقيع مساعد الجليدي

الله الله

صح لسانك يالجليدي

ابداع في ابداع

أبيات للتسلية :

كفى صدّك و حرّاته ... حبيبي يا غصين البان
تعذبني وانا الولهان ... شربت المر كاساته
تواسي القلب دقّاته ... اسير الشوق و الحرمان
ايعين الله على لمحان ... صويبٍ صبت غاياته
عليك اشتاق مأساته ... ولاينسى زمانٍ كان
زمان الود والله زمان ... شربنا الطيب بنّاته
سقانا الحب آهاته ... سقى الله امواصل الخلان
يداعبني شقا الحرمان ... او ذكرى الشوق حراته
ضحيه و العمر فاته ... مع الذكرى بلا اعلان
جريح الروح والاغصان ... صريع الحب ميزاته
شـكا حبك متاهاته ... غريقٍ والهوى طــوفان
صدودك ضيع البرهان ... فدتك القلب خفقاته
اداري الحب شطاته ... مريح انته وانا الولهان
خفوقي خافقه عنوان ... على ما به و عبراته
تدلل ياغصين البان ... غديت إلخافقي سلطان مُعَنّا ونته راحات ... اوصدى همسه و دقاته

كبيورديه تسليه للسجين
وأرجو السموحه من الاخوان والاخوات
اللذين تم ذكر اسماهم في القصيده
فكاهيه امل ان تقبلوها بصدر رحب

العذر يامسجون ضمن المساجين=اليوم قصرنا معك بالزياره
في كل يوم الربع دايم قريبين=واليوم كلن مبعدن عن دياره
نجلاء تمشا عانها بالبساتين=الها على الكرنيش غاره وغاره
والشيخ ابو مشعل كبير السلاطين=العرس جاه وغادياتٍ جفاره
سرح معه برسيمٍ اخضر وكيسين=وضاع التتن والبوك والاستماره
عقب توقف موتره نقص بنزين=جاه المرور وكلبشه من نهاره
وحمد ومهره عندهم شبه تمرين=موضبين الددسن ام الغماره
ركبو عليها اليوم بين الصلاتين=واشتالو العزبه وطاسه غضاره
يبون طلحٍ منقلع حول ميتين=متمشيه والجيب مامن خساره
التيس فالصندوق معه الوراعين=وابو علي فالبر سواق طاره
وغزلان في جده تقاس الامرين=تشكي على الجدران فرقاء الاداره
وان جات تظهر خشمها يالموامين=خطرٍ يميع خشيمها من الحراره
ولا مهاوي ياعسى حضها زين=دغبوسها عينه تقادح شراره
معاقبن فيها بغسل المواعين=لارحم ابو جده ولارحم داره
واهل الجنوب بشرهم يا احمر العين=بياضهم ماينعرف من سماره
جوهم مع الظلعان قطعت شياطين=اوادمٍ مسكانهم فالجحاره
واهل الشمال مدلهين الحزينين=كلٍ من الراحه بناله عماره
صدورهم رحبه سوات الدواوين=وصغيرهم مليان شر ونعاره
وانا غداء ليلي من اليوم ليلين=عقب الحلى ذقت العناء والمراره
بقالتي راحت مع الربع الادنين=عفت المكاسب كلها والتجاره
اطق بيبان الغزاه الملاعين=تلقاني ارثع صبح في كل حاره
لاكن نويت ارتاح واوقف الدين=واسحب على خشم العميل الستاره
هذاه عذري واقبله يا احمر العين=من عقب قصرنا معك بالزياره

ههههههه.. صح لسانگ محمد... مهورة وحمد هذا وقت بر يا مجرمين مركبين الاولاد مع التيس ههههههههه.. ابيات روووعه و ممتعه صح كلك شاعرنا ..

هههههههههههههههههههه صح لسانك حلوووه يالغنامي طيب بوريك ع المحشه ههههههه

صح لسانك ياغنوم
ههههههههههههههههههههه
مالقيت الا الدسن والتيس ههه
يعطيك العافيه
قصيده روعه
تقبل تحياتي واحترامي

صح الله لسانك يامساعد
مبدع الله لا يضرك
ياهلا ياريح المسك وصح الله لسانك
الغنامي صح الله لسانك
مداعبه حلوه وممتعه واحلا شي الشيخ ابو مشعل كبير السلاطين
عساه ان شاء الله يفتل شنباته ويرد عليك هههههههههه

مهاوي :: اشكرك على تواجد وصح بدنك .. يالذيبه
غزلان :: هلا والله وحياك ربي . هذي مجرد مداعبه مداعبه
المهره :: اكيد ددسن غماره وين تشيلون الصغار .. صح بدنك ولولا غلاكم مامزحت علاكم هههههه
شيخة المزايين النجلاء . هلا وغلا حياك الله صح بدنك ياراعية البل .. بعدين انا ماعلي من ابو مشعل فتل شنباته ولا مسح لحيته
لاجات فتل ونقض انا اكبر شاعر=اصقع الشعار واحد واحد
اكبر مهايطي هههههههههههه