القطـــــــاعــــة

الدوسري
صح الله لسانك مليون ولا يكفون
ابدعت وامتعت ولاهنت شاعرنا المبدع
دمت ودام مداد قلمك ورقي حرفك الشامخ
تقديري لسموك
النجلاء

عبدالله الصقري معجب بهذا

صح لسانك شاعرنا
مبدع واكثر من جزل
ننتظر جديدك

عبدالله الصقري معجب بهذا

صح لسانك واعتلا شانك
قصيده جزله وكلها فخامه
من شاعر جزل ومبدع
يعطيك العافيه
تقديري لك

عبدالله الصقري معجب بهذا

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

عبدالله الصقري معجب بهذا

اقتباس:

المشاركة الأصلية كتبت بواسطة عادل الدوسري

لا خلاف أن صلة الرحم واجبة في الجملة,
وقطيعتها معصية من كبائر الذنوب,
وقد نقل الاتفاق على وجوب صلة الرحم وتحريم القطيعة....فلنصل ارحامنا أحبتي


بديت بإسم الواحد الفرد الصمد
عالم بالأنفس شرّها من طيبها

سبع السماوات أعتلاها بلا عمد
والأرض صمّ جبالها ترسي بها

يا خالق الانسان خلقه في كبد
والروح سبحانك علمت بغيبها

انت المعين اللي ليا طال الأمد
والنفس تعلم شكّها من ريبها

يا الله دخيلك من بلا ضعف الجهد
والحال يا رب البشر تدري بها

وإنك توجّـهني على راي ٍ سدد
لا بان في المخطين راي مصيبها

وانا حياتي كلها صبر و جلد
إلين حلّ الشيب قبل مشيبها

والوقت زهـّـد بي وانا كلي زهد
يوم الليالي كشرت لي نيبها

ليت النصايح ما يعقبها الولد
كان الشبيبه تلتفت في عيبها

و يجيك نسل الطيب لا حل الوعد
في وقفة ٍ كل العرب تحكي بها

يا ربعنا الأدنين وش باقي بعد؟
من القطاعه نصبح ونمسي بها

يا ربعنا تالي العمر خام و لحد
وغيب المنون الله عَـلـَم في ريبها

وصل الرحم والزرع حصّاده حصد
وإلا القطاعــه فعـلها يهـوي بها

والعين ما تنظر ليا جاها رمد
وبعض الجرايح ما لقت تطبيبها

واليدّ ما تبطش بلا عون و سند
لو كان تصرف مالها من جيبها

والرمي ماصاب الهدف لولا الركـَـد
ولا كل صيده رميتك بـ تصيبها

والبير لولا الماء ترى محدٍ وَرَد
لولا ضماك البير وش تبغي بها

يا ربعنا ما مثلكم ينسى العهد
و وصية ٍ لابد ما نوصي بها

وصــيّـة الشيــبان تــبقى للأبد
في طاعة الله واجب ٍ نمشي بها

خلوا الوصل يمحى غثاريب النكد
و نهذب نفوس ٍ وجب تهذيبها

ما حن على ما قيل بـ كمالة عدد
حنا على روس العلا نبدي بها

يابو حمد يا شوق مزموم النهد
وصّل بيوت ٍ قمت في ترتيبها

بلّـغ بني عمي متاريس البلد
حصن البلد لا قام يقـنب ذيبها

و إسلم و سلّم لي على ربع السعد
اللابه اللي طيبنا من طيبها

تمّـت و صلوا عـدّ ما يرزم رعد
على النبي من شرقها لمغيبها


وسلامتكم

عادل بوبدر الدوسري

صح لسانك عادلي الدوسري نص فاخر

عبدالله الصقري معجب بهذا

صح لسانكك يا عادل الدوسري

عبدالله الصقري معجب بهذا

قصيده جميله جداً
عادل الدوسري
تسلم على روعة الطرح
شكراً لك

عبدالله الصقري معجب بهذا

صح لسانك يالامير ابدعت وتفننت ب ابداعك بيض الله وجهك وادام حرفك ولاهنت

عبدالله الصقري معجب بهذا