سجل حضورك ببيت شعر على ذوقك

لو تسمح ارسم لي لما فات صوره
الحاضر الناظر ما يحتاج تصوير

غطى ظلام الشك والحقد نوره
ولا حصلوا ما ضاع فيه المداوير

هذا جزا من لا يطيع المشور
عواقبه تصير شرٍ بلا خير

كديميس السيحاني ,خيال مطير ,شاعرة نجد معجبون بهذا

طيور الموده صبحتني صباح الخير
تغاريدها من لذة النوم صحتني

تعمد تهيضني وأنا واصله من غير
تعدت على وهج المشاعر وبكتني

كديميس السيحاني ,ناصر الهواوي ,خيال مطير معجبون بهذا

ياطير لاتنشد عن الحال ياطير

شايب وتو العمر فاول شبابه

اكتب صباح الخير والا مسا الخير

صبحي وليلي في عيوني تشابه

كديميس السيحاني ,شاعرة نجد ,ناصر الهواوي معجبون بهذا

ياحلو سجعتس بـ الضحى ياليمامه
بينك وبين الورق بالصوت به فرق

ونتس ماهي مثل ونة حمامه
دم الوريد الراعبي يسرقه سرق

لو ان في مظهرتس لطف ووسامه
ما اوحيت لتس طاري كما طاري الورق

رغم اني الحقها العتب والملامه
كيف احرقت في نوحها خاطري حرق

كديميس السيحاني ,خيال مطير ,شاعرة نجد معجبون بهذا

لو تنطبق سبع السموات عـ الارض
مـ امدّ لك عقب الهجر راحة ايدي

فرضت حبك يـ الغلا فـ الحشاا فرض
قسم قسم يجري غلاك بْوريدي

لين انقرض من قسوة ايامنا قرض
حكْم القدر مكتوب لو مانريدي

كديميس السيحاني ,ناصر الهواوي ,خيال مطير معجبون بهذا

ليت الذاكره ترجع بي لـ كم شهر ورى
لو اني قبل ما ابي لها للورى رجوع
لكن رغبتي من باب وينه وياهل ترا
جوعه والضما يشبه لهذا العطش والجوع
لجل البارحه بي طاري اللي مضى سرى
بنومي لكن في واقعي لو لحست الكوع
ترآءالي اللي باعني بعد ما شرى
ياللهول ما اغلا البايع وما ارخص المبيوع

كديميس السيحاني ,شاعرة نجد معجبون بهذا

علق بشماعة ظروف الزمن سم الافاعي@
ولا يهمك من يثير الشك ويزود ارتيابه

شاعرة نجد ,ناصر الهواوي معجبون بهذا

ما اظن احد يطرب لقيفان دايخ
والقاف هو سبب لممليه دوخه

لو كان شطر لشطر بالحيل شايخ
ولبداع من قاله من القاف بوخه

شاعرة نجد معجب بهذا