سجل حضورك ببيت شعر على ذوقك

الشامخه معجب بهذا

لله درك يالعذب مبدع
ــــــــــــــــــــــــــــــــــــــــــــــــــ ـــــــ
خطٍ يروح ويجي لازم يسوى له مسارين
طالع ونازل لمن يقفي وللراجع مساره

احيان اسافر معه ما اعرف انا رايح على وين
وليا تذكرت بـ اول مدخل احدثت استداره

لمنزلٍ لي زمانين وزمانين وزمانين
ما شفت ديار من حوله ولا من شب ناره

الشامخه ,عذب معجبون بهذا

تسلم اخوي ناصر ولا عليك زود ماشاء الله عليك مبدع في كتاباتك وفي تواجدك صح بدنك ولاتهون

الشامخه معجب بهذا

لاهنت يالعذب لاهنت الله يسعدك

ادير الافكار باللي صار واللي بعد بـ يصير
واحاول استنطق لصامت احاسيسي بنفسي

احيان ود المشاعر للزمان الفايت اتطير
وتقيف تقول: بآلامه وغرباله تحسي

واقول هذا شعور بموقفٍ قد مر لا غير
ذا طبع الايام لو لانت يجي فيها تقَسي

الشامخه ,عذب معجبون بهذا

يضيق صدرك نوب كنك تبي شي
وتبحث عنه بالقايمه ما تشوفه

ودامه كذا ياضيقةٍ بي تلاشي
ماعاد لي في ما تولى حسوفه

بمستقبلك يمكن يصير انتعاشي
بيمنى الأمل حزن الليالي تلوفه

الشامخه ,عذب معجبون بهذا

ناصر الهواوي ,الشامخه معجبون بهذا

صباح الخيرات :)
صحت السنتكم وتسلم يمينكم ، ودام ابداعكم،
ماحدٍ مرتاح غير اللي يزيد إدراكه
‏أن من يركض ورا أوهام الحياة هبلته
‏
‏كل منّا في عراك ٍ داخلي . . و عراكه
‏يصنع اعدا من وهم، و هموم بمخيلته
‏
‏يااا وجودي بس يوم وجيهنا ضحّاكة
‏قبل تطلق هالحياة ظروفها المنفلته.

عذب ,ناصر الهواوي معجبون بهذا

كنا ولا زلنا حبايب بسيطين
‏محدٍ على الثاني يطيق الكلافه

‏حنا في بعضنا طيبين ووفيين
‏وعلى بعضنا مانشيل الحسافه..

عذب ,ناصر الهواوي معجبون بهذا