سجل حضورك ببيت شعر على ذوقك

يجيب لي شباك طاريه نسمه
يا حي من هبَّت علينا طراته

إذا نسيته شفت بالقلب سهمه
و سنآه في عيني يبيِّن غلآته

رحيل ,خيال مطير ,شاعرة نجد و 1 آخرون معجبون بهذا

الجووهره

داام الغيـاب اللـي حصـل سبّـة ظـروف
مـعـذور,وظــروفــك تــشــابــه ظـــروفـــي

معذور,لـو سـر الغلا صـار مكـشـوف
بـ اســبــاب بُــعــدك بيّـحـتـنـي حــروفـــي

كسَرت لـ اجلك يـ الغلا حاجز الخوف
مـ عـــاد يمنـعـنـي عـــن الـبــوح خـوفــي

ظْـــــروف,والا بـيـنـنــا وقّـــــف صــفـــوف
عـلــى أنـتـظـارك لـــو يــطــوّل وقــوفــي,

الجووهره ,رحيل ,عبدالله الصقري و 1 آخرون معجبون بهذا

خيال مطير

ياعبيد يا وجدي على شاي قبل أمس
شاي مزج ياعبيد بالزعفراني
امصلحه مركوز الأنهاد بالخمس
راعي ثمان كأنها القحوياني
وجدي عليها وجد من حمل الجمس
في حملته ياعبيد سبع المعاني
يوم الطرد عدت ثلاث بعد خمس
قامت تقطع قربته جدعاني
مدوله الدربيل مع مطلع الشمس
وجاه العريف وحدره لسفواني

الجووهره ,رحيل ,عبدالله الصقري معجبون بهذا

واعيني اللي كل ماذعذع من الغربي هبوب
يحلى لها لون الغروب اللي يذوب قبالها
وياويل حالي كل مايحلى لها لون الغروب
تطري لي الريم اللعوب وسالفة ترحالها
وياجرقلبي كل ماتطري لي الريم اللعوب
حرمت أمد إيدي على حاجه وانامااقوا لها

الجووهره ,رحيل ,عبدالله الصقري معجبون بهذا

ليت الليالي ما ابعدتني و لا ابطيت
ولا هل طرفي ولا شكى القلب ظرفه

الجووهره ,رحيل معجبون بهذا

أبيات من قصيدهـ جديدهـ

لاتنبش الجرح أماانه,خل جرحي يطيب
تراك ياروح روحي سبّة جروحي

عالج موااجع خفوقي,سو نفسك طبيب
وافتح عياده عشاني يابعد روحي

طبيب نفسي واجي لك وانت تسأل وأجيب
مابين سينك وجيمي يذهلك بوحي

الجووهره ,عبدالله الصقري ,خيال مطير معجبون بهذا

أنا بعمري ماجرحت إنسان
واحب كل الناس واغليها
قلبي كبير وصدري الميدان
صابر على الدنيا ومافيها
لاشفت دمعه في عيون إنسان
احاول اخفي العبره واداريها
ياريت لي قدره على النسيان
وانسى جروح القلب واشفيها

الجووهره ,عبدالله الصقري معجبون بهذا

ياغياب الشمس والوان الشفق
لك معي عادة تكرر كل يوم
تجلب الذكرى لقلب انسرق
تسرق السلوى وتعطيني هموم
دوم تتركني وحيد بلارفق
واتعزوى وسط ليلك بالنجوم
انتظر نور صباحه ماشرق
كن ليلي من سنا الصبح معدوم
بوحي

الجووهره ,عبدالله الصقري معجبون بهذا