أرسم إحساسك بلحظه

للهوى عشقه و لي عشق وهوى
تم عشقي والهوى ما تم لي

كل محبوب ٍ لمن حبَّه ضوى
ويـل قلب ٍ لا تَهنَّى و لا خِلِي

من حبيب ٍ ما اغنِّي به خَوى
من جليل الحب روحي تمتلي

لا تـذكَّـرتـه و طـآلـعـت النّـوَا
مـا يـسلّينـي و لا عـنِّي سِلِي

آآآه وين ايَّــآم ضمَّـتنــا ســوا
كـل شي ٍ في نـواظـرنــا حِلِي

لا ظمى واحد من الثاني روى
ما يفـرِّقـنـا سوى أمـر الولي

و افترقنـا بس قلبي مـا قـوى
يومه المفقـود واحـد من هلي

افتقـده احسـآس خفَّـآق انكـوى
و اِبتـلى بالحـزن طـيـرٍ معتلي

قال يالمجروح صدرك وش حَوى
حين غَرَّد فوق سآحـة منـزلي

قلت ذا يا طـيـر جرحي و الـدَوا
حـآلــةٍ يـا لـيـت عـنِّـي تنجـلــي

هزاع محمدالعاصمي ,الجووهره ,ملكة الرواسي معجبون بهذا

دايم علِى البال وطاريك ما غاب
وياكبر قدرك في ، حنايا ضلوعي ..

هزاع محمدالعاصمي ,الجووهره ,عبدالله الصقري معجبون بهذا

‏ورجعت أقلب في قديمات الأوراق
‏واللي نسيته .. طاري الشوق جابه ..
‏.

هزاع محمدالعاصمي ,عبدالله الصقري معجبون بهذا

لاتشغل افكارك على شان بكرة
بكرة لبكرة خل عينك على اليوم
عش يومك وعينك لربك و ذكره
ترى العمر محدود والرزق مقسوم

هزاع محمدالعاصمي ,عبدالله الصقري معجبون بهذا

إحســاس بالغـربــه و نشـوة فرح
واحساس امان و ليل مليان خوف

وصدرٍ ٍ لـ ميلاف الـهموم انـشـرح
ماصدّق الـواقـــع وعينــه تشـوف !!!

معـنـــاي ما يستـوعـبــه من جرح
لو يفهمــه ينــلاف بالجــرح لـوف

لو خآضـوا الســالـين بحــر المرح
ما يـجمعــون الـــدرّ من كل جـوف

هزاع محمدالعاصمي ,الجووهره ,ملكة الرواسي معجبون بهذا

خلّ في صدرك ..على الدنيا قبول
واعرف ان الشمس تشرق لو تغيب
.
وعوّد لسانك : ليا ضاقت .. يقول
الأماني في رجا الله ما تخيب

هزاع محمدالعاصمي ,الجووهره ,عبدالله الصقري معجبون بهذا

ما تخون الملامح لو يخون الكلام
دام لك في زوايا القلب حبٍ قديم

الغلا في ( عيون ) العاشق المستهام
واضحٍ مثل برقٍ شق صدر العتيم

عبدالله الصقري ,هزاع محمدالعاصمي معجبون بهذا

كل الحبايب ساكنينٍ بقلبي = مافارقوا قلبي لهم دوم اشتاق
مابيني وبيني اسولف وألبي= ويخاف قلبي وصلهم يقلب فراق
كل الحبايب سلوتي لا وطبي=وشوفهم في داخلي نور وشراق
لا يبعد روحي وقلبي وحبي = من غيرك حيابة له الروح تنساق

بس وسلامتكم

عبدالله الصقري ,الجووهره معجبون بهذا