هنا .. سجن القوافي !!

صح لسانك ي ريوف مبدعه فديتك ~
صح لسانك وبدنك ي شاعرنا الهواوي وعيدك مبارك ~
صح لسانك ي غشام وي بن سهل مبدعين وجزلين ~
صح ذوقك واختيارك الراقي ي مهره فديتك ~
حياك الله يالنجلا وش هالعشا الفاخر ودي انسجن عشان مانحرم من كرمك يالغلا فديتك ~
حيّا الله الجميع منورين السجن ~
ودي وتقديري للجميع ~

اقتباس:

المشاركة الأصلية كتبت بواسطة ناصر الهواوي

المهره هلابك وبماجبتي ومن العايدين تسالي تفتح النفس
غشام هلابك ومرحبا ووسع صدرك والحبس لطوال الشوارب هههههههههههههههه
اهلا ياغزلان وحياك الله ولاهنتي
الطير حوران لله درك وصح الله لسانك
ريوف مرحبا تراحيب المطر لله درك على هالفاخره ابدعتي يابنت الرجال بمعنى الابداع
ــــــــــــــــــــــــــــــــــــــــــــــــــ ــــــــــــــــــــــــــــــــــــــ

لا اوحيت طاريه والا اسمٍ على اسمه خافقي فز=مع قو حدب الضلوع ترجها شدة هزيزه
وتشتب من بينها لاحل ذكره شعلة القز=حتى النفس به يضيق ويزعج السامع وزيزه
واخز في عين ذاكرتي مراميس الزمن خز=واسترجع احداث وقتٍ فات في مده وجيزه
والد خلفي وكز الرجل تمشي قدمها كز=اثر حنين البشر للي مضى فيهم غريزه
في حافة القلب من جوى مسوي حبهم حز=ومثبتٍ داخله صوره وصارت له ركيزه
تهز الاشواق وجداني لكم يامنتي هز=لاتحسب ان القطيعه والتغلي منك ميزه

الهواوي

صح لسانك ياابو عبيد
جزل ومبدع
يعطيك العافيه

الهواوي
غزلان
غشام
ابن سهل
المهره..
صحت السنتكم وقلوبكم وابدانكم
تسلمون ولا هنتوا
على التسالي الرائعة

غزلان معجب بهذا

صح بدددنك يالغلا وحيااااااك ي ريووووف

ريوف معجب بهذا

مساء الخيرات للعيال والبنات هههههههههههههههههههههههههههه
هم تسالي

وينك يانزيل المعتقل ما بديت من امس=لعل السعاده لك صباحات واماسي
انا البارحه مع درب طرقي وراسي عمس=بعيدٍ عن اللي يطرد بشوفه اعماسي
نبا الترف ينعش جهر والا شويش بهمس=انا مسمعي عليه مترعرع وعاسي
يقال الحرير من انعم الاقمشه باللمس=ومع ملمسه /الين حرير احسبه قاسي
معاليق قلبي تلهن الغلا بالخمس=وتو زع على خمسة تواصيفه اخماسي
عيوني من التركيز بعيونه اضحت همس=محياه ورد وتوت مع لول والماسي
عن غيره فوادي من عرفته حصل له طمس=على مايبي فصل على قدي الباسي

صح لسانك المهره
صح لسانك غزلان
صح لسانك ابو عبيد

صح لسانك ريوف
صح لسانك الطير

الهواوي تنشد عني وانت اللي ساجني ههههههههه

ان كان تنشد ي الهواوي عن الحال=اول ليالي العيد وانا حزيني
شفني بوسط السجن من عدة ليال=محدن يزاورني ولحدن يجيني
وانته تغزّل في هوى لابس الشال=اشغلتهن واشغلت للمسلميني
طعني وكب الزين ياطيب الفال=بالله لاتخرب على العاشقيني
قلبي مولع في هواهن ولازال=اضيع انا لاشفت للمترفيني
اللي ليأمن هزت لحبة الخال=وقامت تنطّلها يسار ويميني
رحنا ضحيتها بلا حرب وقتال=وان متّ قلنا من فدا نور عيني
الوقت لأ عاندك والحظ لامال=تفلس من الثنتين دنيا وديني