هنا .. سجن القوافي !!

مدح في الذيب ,, راق ت ليـــــــــــــــــــــــــــــ



قال بركات الشريف في قصيدته الشهيرة النصيحة:









يا ذيب وان جتك الغنم في مفاليك
فإكمن ليـن إن الرعايـا تعـداك
من أولٍ يا ذيب تفـرس بأياديـك
واليوم جاء ذيبٍ عن الفرس عداك






وقال الشريف عبد المعين:









الذيب ذيب وعضة الذيب تشفيه
والكلب كلب وعضته في القرابه







وقال أحد الشعراء:









الحر الاشقر برقعوه السلاطين
وذيب الغداري كسر الوقت نابه







وقال شالح بن هدلان القحطاني يرثي ابنه ذيب:









يا ذيب أنا بأوصيك لاتأكل الذيب
كم ليلةٍ عشاك عقب المجاعه
كم ليلةٍ عشاك حرش العراقيب
وكم شيخ قومٍ كزّته لك ذراعه




وقال الشاعر محسن الرقعي:









حنا بريه باللقاء نشبع الذيـب
فى ساعةٍ تنسى العذارى حياها
فى ساعةٍ وإن فرعن الرعابيب
نروي حرابٍ والمعادي شكاها






وقال ناصر بن بويتل الفراعنة السبيعي:









يالذيب عان محمد اجه ويعشيك
سود الجنادع في مطاوي برحنا







وقال عيد بن سمير الحربي:









يا ذيب هجرس والمراقيب وفها
تالي الدهر حقك غدابه ضراوي







وقال رشيد الزلامي:









وأقنب قنيب الذيب في رأس مرقب
من حر مابه قام ينهش جنوبـه







وقال دبيان بن عساف السبيعي:









يا نديبي على منسوعة الغارب
فج الأزغان ما فيها شواذيبي
ما تداني عصا ركابهـا دارب
زين مرواحها تهذل كما الذيبي







وقال الشاعر خلف بن هذال العتيبي:









يا ذيب لاتجـذب علـي الذيابـه
حول وأنا بأبدي على الرجم يا ذيب
يا ذيب أنا لـي وقفـةٍ وانقلابـه
رجلي مضريّها بروس المراقيـب
الذيب خاوى من عصور الصحابه
له خوةٍ تصدق مع أهل المواجيب
بديت أنا في رأس رجـمٍ عوابـه
وأبكي بدمعٍ غرّق الكـم والجيـب







وقال نايف صقر العتيبي:









الذيب ياما بات فـي صـدر رجـال
علـى دروب متعبـيـن المطـيـه
عقب اذبحه جوعه على روس الاقذال
وجر العوا في كـل صـوب ونحيـه





وقال أحدهم:









يا ذيب ياللي تالي الليل عويـت
ثلاث عوياتٍ على ساق وصلاب
سايلك بالله عقبها ويش سويت
يوم الثريا راوست والقمر غاب





وقال أحدهم معاتبا الذيب:









الله يلوم الذيب ما كب شاتي
وراه ما دوّر له خمعٍ تنصاه






وقالت البنت:









يا ذيب ياللي جر صوت عوى بـه
مدري طرب وألا من الجوع يا ذيب
يا ذيب لا تقهرك عنهـا المهابـه
يا مجفّل الغزلان حنـا المعازيـب
البوش كلـه يـم خشـم اللهابـه
في فيضة السرداح والبل عوازيب






وقالت زوجة زريب الجذع ترثيه:








يا ذيب ياللي في علو المضابيع
يا خي خل زريب ريف الهشالي

عبدالله الصقري ,عبدالله الدّنّيش ,الجووهره و 2 آخرون معجبون بهذا

ناصر الهواوي ,شاعرة نجد

ياكثر ماهيّض هجوسي ابو عبيد
وانا اتحاشَى واتردد وارده

يجذب وجودي للرواسي بتحديد
ويلهمني ابداعه ومزحه وجده

ياقاف شعري وسّع الخاطر وزْيد
هات الجديد وصب كيفه ومده

وكلٍ على ليلاه ونجيب ونعيد
في ساحة الابداع شعرٍ نعده

وياطير حلق وانعش الجو تغريد
واطرب خفوقٍ جافي الوقت هده

عبدالله الصقري ,عبدالله الدّنّيش ,رحيل و 3 آخرون معجبون بهذا

الجووهره ,ناصر الهواوي ,خيال مطير

هلا بك يالخيال وبما جبت وصح ذوقك
ارحبي شاعرتنا والله ما ادري من يطرب الثاني لكن انتي مبدعه بدون مجامله الله يحفظك
وانا احب اجاري واللي يجاري ما ابتكر مجرد تقليد لمن قبله ههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
يامرحبا ما حنت النيب بالبيد=بقافٍ وصل فيِّ الطرب منه حده
بثقه من الابداع من قايله شيد=لو معول الناقد سطا ما يهده
اعجب بمفردته ومعناه واعيد=قرايته ويبيح الصدر سده
ليا نويت اقلل القول واهيد=جت نجد بالمغري لهجسي تمده
وبيح حفيلي دون شرطٍ ولاقيد=والقلب صارت كل ذكرى تشده
تجنب به لعروى وتشمل به لفيد=والى الجبيل وبه تغرّْب لجده
ونوبٍ الى ديرة منال المساعيد=وترجع به الى اصفر عفيف وتهده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ
بس على شاني قلت ساعود فقط هههههههههههههه

عبدالله الصقري ,عبدالله الدّنّيش ,رحيل و 1 آخرون معجبون بهذا

الجووهره

‏رشة مطـــر والجو غيم وبرادي
‏جو ٍ يعـــالج كـــل نفس ٍعليلة

‏والخير مقبل للحضر والبوادي
‏والنفس زانت كل لحن ٍ تشيله

عبدالله الصقري ,عبدالله الدّنّيش ,رحيل و 1 آخرون معجبون بهذا

ناصر الهواوي

مساء الخير
وهلا بالجميع
والحمدلله على السلامه شآعرتنا
طهور ونور ان شاء الله
وصح لسآنك ودآم ابدآعك

وهلا بك شآعرنا الدنيش
وعودا حمييدا
وصح لسآنك على هالرآئعه
ودااام ايدااعك

شاعرنا الهوآوي
صح لسانك ودام ابداعك
والله يسلمك ويسلم أبو منصور

خيالنااا
يعطيك العافيه ويسلم ذوقك
ودام حضورك وابدااعك

عبدالله الصقري ,عبدالله الدّنّيش ,رحيل و 1 آخرون معجبون بهذا

ناصر الهواوي

مرحبا بك يالجوهره وصح بدنك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

إن قلت واشيب عيني فالرموش آخر من يشيب
وان قلت واشيب راسي من زمان الراس شايب

وان قلت ياوجد حالي فالهوى ما قيل به عيب
لكن حبل الوصل في هالزمان الشين عايب

صاف الغلا بعد ما زاد التغلي به عذاريب
والوقت والظرف والفهم الخطا صارت سبايب

يطري لو اني بتال الليل واقضب طارة الجيب
واسري واعود لكثر الضيق والهوجاس جايب
ــــــــــــــــــــــــــــــــــــــــــــــــــ ـــــــتوقيع حضور فقط هههههههههههههههه

عبدالله الصقري ,عبدالله الدّنّيش ,الجووهره و 1 آخرون معجبون بهذا

رحيل

السلام عليكم واسعد الله مساكم

لا والله يا ابو عبيد مانسيتكم
الله ينسى اللي ينساكم ):
بس تعرفون بيت وورعان مع البرد هههههههههه
الله يعين بس

وصح لسانك شاعرنا مدد

ارحبي نجد الف الف سلامة عليك حبيبتي
اجر وعافية وصح لسانك ..

جوج مبروك لك بس الدبوس لا هههههههههههههههه
دعابة دعابة بروك لكم
وصح الذوق يا ذوق

الدنيش صح لسانك مليون


الملكه ارحبي منوره عودا حميدا


خيالنا دام هالوجود وصح الاختيار

عبدالله الصقري ,عبدالله الدّنّيش ,الجووهره و 1 آخرون معجبون بهذا

ناصر الهواوي

إليا طرق ليـل الشتـا بابي
هلت طواري طاهــر النيّه

لو يبتسم لـ الناس بـ غيابي!
ليّ ابتسامته .. الحقيقيه

عبدالله الصقري ,عبدالله الدّنّيش ,الجووهره و 1 آخرون معجبون بهذا

ناصر الهواوي