هنا .. سجن القوافي !!

اقتباس:

المشاركة الأصلية كتبت بواسطة شاعرة نجد

الشعر منْفَس لـ الصدور المغاليق
ياما وياما فرج الهم عنها

يشكي علي صدري من الحزن ويضيق
ودْموع عيني يشكي الخد منها

والله لولى الله ثم الطواريق
اللي على صوتي يبكّي لحنها

لصيبني حالة كآبه,ولا أطيق
نفسي ولا الديره ولامن سكنها

يا نجد هيضتي كما شامخ طويق
بابيات شعرك والمشاعر ثمنها

بالشعر كم حلقت ف الجو تحليق
خوي جنب احيان يأمر وينهى

مستودع اسرارٌ بليا صناديق
غبة بحر به كل درّه خزنها

خمسين عام اغفي مع الشعر وافيق
حتى حروفه طاوع ءليه رسنها

شاعرة نجد ,الجووهره ,ناصر الهواوي معجبون بهذا

اقتباس:

المشاركة الأصلية كتبت بواسطة شاعرة نجد

لاهنت ابومنصور
وصح بدنك وصح لسانك
ولاعدمنا ابدااع المبدعين

وتصبحون على خير
تقديري,’’

صح كلك ولا هنتي
وانتي من اهل الخير

شاعرة نجد ,الجووهره ,ناصر الهواوي معجبون بهذا

ليت الهجوس بخاطري يوم ما دك
و بقى بطي الصمت ما جاء و دكه

ياليل سامرني على ثورة الشك
و حاول تبرر ما ينافي ل/ شكّه

في الصمت قدمه كني موقّع الصك
و في كل كلمة قال الإثبات صكّه

شاعرة نجد ,الجووهره ,ناصر الهواوي معجبون بهذا

بوح القصيد ومسرح الفكر في جو
ما كدّره عاذل ولا حاف جوّه

وبنات فكري تنهمر كنها النو
في أول نجوم الوسم لا هل نوّه

ياليل شد القاف في ليل يحلو
و درب التفاهم معك ياليل سوّه

شاعرة نجد ,الجووهره ,ناصر الهواوي معجبون بهذا

تل قلبي تل جمسٌ يوم تلاّ
سايقه هارب من السجن ءمحدود

باع نفسه بيع ما يرضى بذلاّ
دون عرضه قاتلٌ سبعة جنود

طالت الأيام في سجنه و ملاّ
و انتظاره طال وادمته القيود

وهربوه بليل من سجن المُكلاّ
وسلموه الجمس والعالم رقود

ما يبي صاحب ولا دوّر لخلاّ
مايبي ياكود دار آل السعود

واقتفوه اهل الطلب من عقب فلاّ
وكل ما ارخى للقدم عزمه يزود


وبس ( على قولة ابو عبيد هههه)

شاعرة نجد ,الجووهره ,ناصر الهواوي معجبون بهذا

يسعد صبآحكم ومسآكم وكل أوقآتكم
ودآم حضوركم وابدآعكم يامبدعيين

شاعرة نجد معجب بهذا

السلام عليكم ورحمة الله
ليلتكم سعيده وخواطركم ممطره بالابداع
صحت السنتكم ودام حضوركم
وهاي تسليه بدون مزاج هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
من اول ليا سمعت الصوت منه الضيقه اتروح
وهلحين لااوحيت صوته زادت الضيقه بصدري

وانا اعرف اسباب ذلك بس ماودي بها ابوح
وهو يعرف اللي يصير ولو نشدني قلت ما ادري

اكاظم العبره اللي سببتها بنيت الدوح
حسبي عليها وراها تزعج الونات بدري

كم عكرت لي مزاجي وانبشت بالخافق جروح
ما عند هالراعبيه يابشر للجار قدري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

شاعرة نجد ,الجووهره معجبون بهذا

واول التسالي لجميلتنا وشآعرتنا المبدعه

‏ابتسم في وجه الايام والكون الوسيع
‏القدر ما انت بـ مغيّره لو تحبي حبي
،،،،

‏تدور الليالي والعرب بين حال وحال
‏وتبقى النفوس الطاهره نهجها بيّن .

،،،

‏لا ضاق فيك الدرب لا ترجع ورى
‏إصبر وغامر والعمر حظ ونصيب

‏أحدن لقى في مقبل أيامه ذرى
‏و أحدن رمى لكن عيا لا يصيب

،،،

‏ابلغ من التعبير يشــرح لك الصمت
‏شــوقٍ عــن عيـون الخـلايق كتمته

‏عين العواذل تحتـري فرصة الشمت
‏وانا عــذولي في غموضي هــزمتــه

...

‏لا يابعد لندن وباريس وجنيف
‏ ماهيب تسوى ذرة من ترابك

‏حنا نحبك حب في كنة الصيف
‏ وشلون لا حوًل علينا سحابك


الله يجيب الخير والمطر

شاعرة نجد معجب بهذا