هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

قلت كم باقي على العيد قيل اربع ليال=قلت هل يمديني اكتب بهن معايده؟
قال هجسي هلل وكبر الرب وتعال=لو تبيها معلقه بعد ماهي كايده
يقبل اللي لك تيسر بعشرك ذا الجلال=رحمته في هالعشر للموحد زايده
عاد عيد احبابنا من بنات ومن عيال=ياعسى اعياده سنينٍ مديده عايده
بأمن وايمان وعوافي ولابه خبث فال=الوطن يرفل رخا والمحبه سايده

^^
صح لسانك أبو عبيد وجعلك والرواسي من العايدين

^^
مرحبا يا شيخنا عد ما هلّ الهلال = وعدد عدّ الأمم حيّها والبايده
الله أكرمنا بعشر الأواخر والأوال = بخت منهو حازعفوه ونال الفايده
والله أكبر عد ما طاف بالكعبة رجال = وعدّ خطوات النسأ قربهم والنايده
والله أكبر ، من لساني كما قولة بلال = تلبيتنا ثم تكبيرنا هي رايده
عيدنا الثاني والأكبر ولله الكمال = والتهاني لك ولأهل الرواسي شايده

^^

عبدالله الصقري ,الجووهره ,رحيل و 1 آخرون معجبون بهذا

ناصر الهواوي

اقتباس:

المشاركة الأصلية كتبت بواسطة ناصر الهواوي

ايه يالخيال
ـــــــــــــــــــــــــــــــــــ
خيال ماباقي هنا غير انا وانت
والعالم الله من يجي ثالث العيد

لاهان راسي وانت خيال لاهنت
اقولها من عزةٍ بي تراديد

لي مبدأٍ ما عنه اجنب ولا سنت
واخلاق عنها دب الايام ما احيد

خيال قسوات الليالي لها لنت
وقد لينت قبلي زحولٍ صناديد

شان الزمان وشانو اصحابي وشنت
ما ابدي بعد ما فارقوني ولا اعيد

توقيع حضور فقط هههههههههههههه

^^
توقيع إنصراف ههههههه
&
سلامتك يا عاشق الشعر والبنت = كل العرب حولك ولا راحوا بْعيد
ظروف بعض الناس تجبر ولو ظنت = والظن بعض أحيان تدري ، ولا ازيد
والحق لك لو قلت فينك ولا بنت = يبان من تسأل عنه ليلة العيد
يا صاحبي تشكي وأنا مثلك أدمنت = يا ما شكينا والأماني لها بيد
وخيال نقرأ له ولا قال آمنت = يتوّهك في بحر فيه التراجيد

عبدالله الصقري ,الجووهره ,رحيل و 1 آخرون معجبون بهذا

ناصر الهواوي

صح الله لسانك يا اباعامر مبدع بدون منازع
مع مجاراتك الرائعه للتهنئيه جات مجاراة ابو منصور كديميس السيحاني يقول
هاجسي جاوب صدى الصوت للجزل الجزال
يوم من صيد الجوازي تروم القايده

ان وصلني بالتسالي نضمتك بارتجال
وصل رحم ووصل الاصحاب كله فايده

كل عيد وكل ما هل للشهر الهلال
دعوتي توصل ولو فالديار النايده

ياعساكم في نعيمٍ مقيمبلا زوال
وفي ملذات النعم من بنين ومايده

والوطن والشعب بايمان وامن بكل حال
والعدو كيده بنحره عزومه بايده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
وهنا رد ابو صلاح عبدالله بن علي السيحاني

مانقول الا هلا ياكريمين السبال
واحدٍ وصل الاقاريب من عوايده

بالعلوم الغانمه ما يخلي لي مجال
مع ظرف الوقت لينه وفي شدايده

انت كامل يالهواوي ولله الكمال
صاحبٍ تستمتع الناس من فرايده

من حلاها صافيه كنها الشهد الزلال
ينشرح بالي ليا جاتني جدايده

استدل ابها طريقي وتمشي بي عدال
كل حاجه من وسيع البنايد فايده

عبدالله الصقري ,الجووهره ,رحيل معجبون بهذا

احذر يروح العيد ما اوميت بالإيد=لمعايدي والا على الواتس صوتي
هالعلم مني دز لك يا اتلع الجيد=منها انتعش ذي فرصتي لا تفوتي
ما رحت عني يابيض اللبه ابعيد=شت التغلي عنك يالترف شوتي
لكل عبدٍ سيد واحسبك لي سيد=غرسٍ غرسته بالحشا لا يموتي
بهمال مزن الوصل رشه تراديد=جود السحاب بماه يحيي النبوتي

عبدالله الصقري ,الجووهره ,رحيل معجبون بهذا

اهم شي صوم غدا عرفه لا تفوتونه على انفسكم
يكفر السنه الفايته والسنه الاتيه كما صح ذلك عن الصادق المصدوق صلى الله عليه وسلم

عبدالله الصقري ,الجووهره ,رحيل معجبون بهذا

السلام عليكم ورحمة الله
صباح الخير عليكم (:


كل عام والفرح يعم حياتكم
كل عام وانتم بخير وصحة وسلامة وعافية
تقبل الله منا ومنكم صالح الأعمال

وعاد عيدكم (:



وصحت السنتكم جميعا

عبدالله الصقري ,الجووهره ,ناصر الهواوي معجبون بهذا

السلام عليكم ورحمة الله
عيدكم مبارك وعملكم متقبل ان شاء الله وذنبكم مغفور من لطف الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مضى العيد واليوم الذي له يلي مضى=ولي لازمٍ كنت انتظر له على لاظي
اثر المنتظر يضيق به واسع الفضى=اوقاتٍ يضيع من نهاره على الفاضي
تقول بقرار كبيدته جمرة الغضا=وان قلتوا تبالغ؟! قلت اجل/ ماتبي قاضي
سبب من لها تقدير بالقلب وتحظا=بدمح الخطا من خاطرٍ سامح وراضي
بالقلبين لاحل الزعل غادر الرضا=وان حل الرضا غيم الوصل بارقه ناضي

عبدالله الصقري ,رحيل ,الجووهره معجبون بهذا

السلام عليكم
كيف حالكم
وعيدكم مبارك بعد الزحمه واللحمه
هههههههه
وكل عآم وانتم بخير
وعسآكم من عوآده

عبدالله الصقري ,رحيل ,ناصر الهواوي معجبون بهذا