هنا .. سجن القوافي !!

اهلا يالنجلاء وصح بدنك

كن الهواء من يم دار الغلا نس=ونسنس بصدري من غلاهم هبوبه
وله فز قلبي فز من لامسه مس=من رجته بغى يكسر جنوبه
نكنا لكن اليوم ماعاد به دس=من طول صبري شقق الصبر ثوبه
ان كان باقي للوفا مستوى هس=لاوالله الا هد طوبه وطوبه
وليله غطى صبح الاماني وعسعس=ولا ظنتي يشرق على القلب نوبه
واليوم ياقاف الغزل بعدهم طس=صرت لعنى قلبي وهمي ركوبه

كفالتي وامر اعتقال لهواي القصيد حتى يمارس هوايته وينميها هنا ههههههههههههههههههه

ياخفير السجن حرك وجب هاوي قصيد=كلبش ايدينه وزجه مكاني واحبسه
كان طاعك زين والا لعله ما يريد=تله بقوه وفي وسط حبسك كرفسه
وقل لسامي واهني راعي القلب البليد=زود ضغطه ما يخافه على كتم نفسه
ما اشتقت عينه بخدرة عيون وزين جيد=ولامن الضيقه تمنى وليف ايونسه
وقل لمن يبي القصيد ايتولم للقصيد=جرب الخلوه بسجن الرواسي ما احسنه
بيت والا اثنين والا ثلاثه لا تزيد=لايصيبه نوم وانعاس واهدان وسِنَه

واليـوم يـاقـاف الـغـزل بعـدهـم طــس

صــرت لعـنـى قـلـبـي وهـمــي ركـوبــه

هههههههه لا يابو عبيد الا قاف الغزل مانبيه يطس من غير شر عليك ان شاء الله
لاهنت وصح الله لسانك ع الكفاله وكان ودنا انك باقي بالسجن بعد
وهاوي قصيد عساه يحضر ان ماجا اليوم ولا اسمح لي بجيب لكم سجين جديد على السجن

ياخفير السجن حرك وجب هاوي القصيد=كلبش ايدينه وزجه مكاني واحبسه
كان طاعك زين ولا لعله مايريد=تله بقوه وفي وسط حبسك كرفسه
وقل لسامي واهني راعي القلب البليد=زود ضغطه مايخافه على كتم نفسه
مااشتقت عينه بخدرة عيون وزين جيد=ولامن الضيقه تهنى وليف ابونسه
بيت ولا اثنين والا ثلاثه لاتذيد=لامس اشغاف الخفوق المعنى لامسه
قل لمن يبي القصيد ايتولم للقصيد=مالك وماللمعاند وضيقه وعمسه

النجلاء مساء الخير ولا عليك امر حاولي تعدلين البيتين الاخيرين في الاوله مثل التاليه قبل يشغلني الغنامي
ترا المزاج ماهو علا مايرام ههههههههههههههههههههههههههه

ذاب العسل في وجنتك من حلاياك
و هذا العطر والمسك يجري بدمك

ريقك حلا وطعم العسل في شفاياك
و الورد بخدودك يسوق النحل يمك

صح الله لسانك يابو عبيد
والله اني حاولت انسقها وعيت تتنسق
لكن ننتضر ابو بندر يجي ينسقها انت منحاش عنه والظاهر انه مالك منه مفر هههههههه
مهوره صح ذوقك يالغلا

عجزت النجلاء فيها ابي انسقها ماضبطت معاي والله ههههههههههههه