آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
25-12-2020, 02:32 AM
|
#33257 | |
 
|
اقتباس:
المشاركة الأصلية كتبت بواسطة ناصر الهواوي
يالله مساء خير لا شر فيه ع الجميع
رحيل هالبيتين قويات بالحيل صح ذوقتس صح لسانك يالحفيد ع المجاراه الكايفه والمعلقه الرائعه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ ـيالفكر لاتسهر عيوني بمابك يدور كثرة طواريك لعيوني تسبب سهر من غيبة الشمس لين يبين للصبح نور وانا احسب كل ساعه بي تمر بشهر والهجس بالشعر يشرح خافيات الشعور ما بين ضيقه وسواس وذهول وقهر يسمومر الحزن ويسود بياض السرور وكل الرجا يجعله للياس الامحق مَهَر وكل السبايب تغلي وادعمه بالغرور وسلك الوصل شب به نار الجفا وانصهرر ^^^
زي ما يقول المستمع هات م الأخير .. وفي كلٍ خير وصح لسانك ابو عبيد على هالمسليات والمشوقات وأهوجس وأقوووول :- ^-^ ياليلة السعد هلي وشعشعي بالبدور = وهات باقات ورد الفل وأحلى زهر وهات شاهي على الجمرة ودلة تفور = ولمّي الربع في جلسة بضفّ النهر ما هو بنهرٍ كما دجلة ونهرٍ يغور = نهرٍ يجاري مشاعرنا بشعرٍ ظهر وأستمتعوا باللحون اللي تهيض الصدور = وإليا طرقها الهواوي بالقصايد جهر كنه على مركب الدقلين وسط البحور = وهذي سلوم الهواوي هيك طول الدهر ^^ وطال عمره وأعماركم |
|
|
|
25-12-2020, 10:14 PM
|
#33258 | |
حزب العاصفه
|
هلا يا ابا عامر وصح لسانك على المجاراه اللي شكلها على الطاير ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــ الغامدي منشغل بالمزرعه والنخيل=وخلف الكواليس يمكن شي ما نعلمه ما كان من عادته لاغاب عنا يطيل=ومن اولٍ نفهم وهالحين ما نفهمه هذا خذا ميل شرق وذا خذا غرب ميل=وحيل الله اقوى ما نملك حاجةٍ ملزمه فقط هالابيات مبدا للكلام الجميل=يانايم الليل ما فكرت فيه إحلمه دله وجمر وشتا ياليل ما اطولك ليل=قاف الغزل ياهجوسي ليش ما ترقمه على جبينٍ بياضه عن ورقهم بديل=بدهن ورد المصيف امل القلم وارسمه بضمير لي دونه من فوق ذاك الاسيل=مبني على جر اضافه واصح لا تجزمه |
|
|
|
26-12-2020, 09:45 AM
|
#33259 | |
|
 واقلبي اللّي علَي كثرت طواريه هاضت وفاضت عَلَي والروح مشتاقة ياحلو سج القِدم بالديرة الحيّه ومْخايل المزن لامن لاح بّراقه الله محلاك ياجو النعيريّه عليك سِحب من الخلاّق منساقه يمطر مطرها على الدار الربيعيّه تسحَر وتسرق قلوب العالم سْراقه من كل ديرة تجي ناس سياحيّه تسلى وتنسى جميع الْهَم ورّهاقه شوف الفياض الخضر في كل عصريّه غابت منى عالمٍ للبر عشّاقه وريح النقل منوَة النفس الشقاويّه ومن حلو ريح الخزامى نقطف إعناقه شعر: نعير بن محمد بن شلوان |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
26-12-2020, 09:48 AM
|
#33260 | |
|
 حيّ البراد وحي هبة هبوبه وحي الله اللي للشتاء شب ناره وياحي من ناره توالى شبوبه في بر والا مجلس ٍ وسط داره ضو الشتاء تنعش قلوب معطوبه وبيت الشعر في البيت محلى وجاره البر سحر وكل عارف دروبه وبعض البراري لابد تبغى دوارة ياما حلى عصيّر بحزة غروبه ورش المطر بالهون زيّن نهاره البرد محري بالمطر قد حكوبه والخير لا أقبل يستحق البشارة نار الشتاء تجمع قلوب محبوبة وريح الحطب عطر يزيدك وقارة عثمان إبراهيم الرشيد - الرياض |
|
|
|
|
26-12-2020, 10:00 AM
|
#33261 | |
|
 ماهيب هي ياحبيبي هقوتك فيني انا ترى اكبر من افكارك لو تفكر مبسوط والله على النيه بيعطيني لكن لا مر طيفك صرت متعكر أرجوك يا خل تكفى لا تخليني واجيك كلي وفاء والقاك متنكر ياحلمي اللي قصر به واعد سنيني ابتقهواك وصــــــل ولاني امشكر ولو اني اشوف حبك حيل باليني متحمد الله على حبك ومتشكر |
|
|
|
|
26-12-2020, 11:38 AM
|
#33262 | |
|
حزب العاصفه
|
جميل هالانتقاء يالخيال وهلابك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ خيال هو ما باقي الا انا وانت؟!=كلٍ عطانا سبت رجليه واقفا اره التسالي باجزل القاف لاهنت=وخلك حوالي بيت عبطا ووطفا مسارنا لا تحيد عنِّه ولا سنت=اشجا لهجس الشعر وارق واضفا بمقطوعةٍ تشدي لهيفا حشا بنت=تسفر عن محيا كما الشاش واصفا اكملها الليله ان شاء الله بالعاصمه ههههههه |
|
|
|
|
26-12-2020, 01:38 PM
|
#33263 | |
|
صح لسانك ابو عبيد
يا عبيد هذا واعرف اللي تبقّى حق الجوار وضيفكم لا تخلّيه هذا كلام ابوك قولٍ منقّى قولٍ قليل وزبدة الهرج تكفيه |
|
|
|
|
26-12-2020, 01:42 PM
|
#33264 | |
|
لا شِفْت دلوٍ فيه فَتْقٍ وشقّا
اعرف ترى الما ما يجي وافياً فيه ولا شفت حبل السانية فيه دقّا خذ الحذر من قبل تقطع مثانيه ولا اوحيت جرح بالمعاليق لقا اعرف ترى ما عاد ينفع تداويه .................................................. ............. والجرح لاما انه بسمٍّ تسقَّى حَمّ الحديد الصلب بالنار واكويه والظلم لاما انه لبس ثوب حقّا لابد ما تخلع ثياباً تغطيه ومن طق باب الناس بابه يطقّا بخير والا بشر ربه يجازيه وما صابكم ما اخطاك مهما توقّى وما اخطاك ما صابك ولو صاب راميه ................................................. روم المعاني يا عبَيْد وترقّى بالعلم والإيمان تاصل لعاليه والصالحات اخير يا عبيد وابقى أدِّي حقوق الله ولبِّي مناديه وعن لازم يلزمك حرصك تتقّى لا خير في رَجْل يخلِّي عوانيه وفي عشرة الانذال حرصك تَهَقّى كم واحد بالنذل ضاعت هقاويه وحرصك ورا المقفي تصيح وتنقّى من باعكم بالرخص بيعه بغاليه ................................ وسط المجالس لا تَهَرْج وتلقّا اصمت ترى ان الصمت ميزة لراعيه وليا هرجت اهرج بلطفٍ ورقا وافصح لسانك لا تجي لكنة فيه إن انكر الاصوات صوت النهقَّا وفم الرجل واحد وثنتين اذانيه .......................................... بعض العرب بالوزن ما يوزن اقّا لكن فعل الطيب تندى أياديه وبعض العرب مثل الذهب له تشقَّى اتعب على الطيب إلى ما تلاقيه .................................................. يا عبيد هذا واعرف اللي تبقّى حق الجوار وضيفكم لا تخلّيه هذا كلام ابوك قولٍ منقّى قولٍ قليل وزبدة الهرج تكفيه |
|
|
|
|
«
الموضوع السابق
|
الموضوع التالي
»
العرض العادي
|
|
