هنا .. سجن القوافي !!

ياطير شلوى خذ نصيحت صحيبك

تقريب خمس ابيات جله وترتيب

يا شايب الرحمن ياكثر شيبك

قلبك شباب ورأسك أبيض من الشيب

قام إيتبين للمزايين عيبك

لو أنت طلق حجاج مابك عذاريب

عيبك كبر سنك معرقل نصيبك

ما يقبلنك لو نصبت الرعابيب

اللي صغير سنها وش تبي بك

تبغى ولد مزيون وانته تقل ذيب

الله يخلي لك رضيعة نسيبك

اللي ترحب بك الياجيت ترحيب

طع شورها وأحفظ افلوسك بجيبك

مالك بناسٍ تمنحك بالمطاليب

يفرض عليك أشروط من غير طيبك

ويعذبونك بالطلابات تعذيب

وأليا انتهيت وسلّموا لك حبيبك

وتم الفرح واستقبلوك المعازيب

يومين والثالث يسرب سريبك

وتقوم كرعانك تطق العراقيب

عوّد على الملك القديم وقليبك

عساك تقنع عقب فتل الأشانيب

عبدالله الصقري ,ناصر الهواوي ,الجووهره معجبون بهذا

يا شيخ أنا أول لاعتزيت أعتزيبك

واليوم ابأجنب نصايحك تجنيب

اللي مضى في كل عام اقتدي بك

وعقب الكلام اللي حصل صابني ريب

حطمتني وأنا امدحك لا حكي بك

وتضحك عليّ يوم انا رحت خطيب

ولو شفت ما شفنا شقيت جيبك

يا شيخ صوّبني عطيب الأصاويب

أصابني رمحٍ عسى ما يصيبك

خج الضلوع وذوّب القلب تذويب

شفت أدمي لو شفت زوله أغدي بك

وخلاك تلعى في طوال المراقيب

وخلاني اسمع يا المطوع نحيبك

تحلج وتفتح للقريحة هناديب

سرح الجوازي ما يلايم عزيبك

جسمك نحيف ولك متونٍ محاديب

عبدالله الصقري ,ناصر الهواوي ,الجووهره معجبون بهذا

كان الاستدلال بثورة العشق والهيام يدفع بعض شعراء نجد لإقحام "المطوع" في قصائدهم وأشعارهم وعشقهم وغرامهم، بل أنهم كانوا يستدلون بجمال هذه الفتاة أو تلك ويزعمون أن من يراها لا يستطيع الصمود أمام جمالها الباهر حتى ولو كان مطوع القرية، ولذا كان "المطوع" يُقحم في قصص الغرام كمثال يعتدى به وبزهده وورعه عن ويلات الغرام ومصارع العشق والهيام.ويُذكر أنه قبل قرن من الزمان أراد الشاعر الكفيف "محمد بن فهّاد" أن يسعى لتزويج ابنة أحد أصحابه، حيث خشي والدها أن يطول بها العمر دون أن تتزوج، وكان اسمها "سارة" ولم تكن ذات جمال، وهو ما دعى هذا الشاعر أن يراهن صاحبه على تزويج ابنته، مقابل أن يعطيه والدها نخلتين من نخيله، فوافق الأب على الرهان وانطلق الشاعر يتغزل ب"ساره" وهو يقول:



هيض ابن فهّاد في تالي نهاره

ألف قافٍ من ضميره مدرجاتي

يا وجودي وجد مكسور الجبارة

ساهرن تسعين ليلة ما يباتي

عقب ما هو تاجرٍ راعي عماره

صار فلاحٍ أموره هيناتي

كن في عينه من الفرقا شراره

أو مخاليب الوحوش الكاسراتي

صاحبي بالوقف مدهاله وداره

ما سكن في ثرمدا والا مراتي

ولعتني بالهوى والحب ساره

دلّهتني عن غنادير البناتي

المطوع لو يشوف خديد ساره

..... ... وعجّل بالصلاتي

عبدالله الصقري ,ناصر الهواوي ,الجووهره معجبون بهذا

بـخيل الـمشاعر فـي بـحر عـلتّه طـاحي
غـرق فـي الـهوى حـتى تـلاشت تعابيره

ولا هـــو اذا شـفـته بـمـجنونٍ أو صـاحـي
وصـعبن عـلى راعي القناعات .. تطويره

ولــه فــي قـنـاعاته مـخـاسير واربـاحـي
يـسافربدون احـساس مـن ديـره الـديره

مـع الـخيل يـاشقرا..فيذا الـكون طواحي
رفــيـق الــرّدى يــردي خـويـه بـتـسييره

تـقـشّع ظــلام الـلّـيل والـصبح وضّـاحي
وروحـي طـواها الـهم والـضيق والحيره

عـلـى فراااق خـلـي قـلبي الـيوم نـوّاحي
تـصـدّع جــدار الـوصـل يـاكيف تـجبيره

الا يـالليالي الـلّي مـضت.. وين لفراحي!
ووين الحنين اللي رحل! صعب تدويره!

أغـمـض عـيـوني واتـرك الـفكر سـواحي
واعـانق حـروف الـشعر واقـصد اغاديره

أحـاول آسـلّي الـنّفس وآضـمد إجـراحي
حبيبي... عسى الله لي يعجل بتسخيره
؛
ريوف القوافي

عبدالله الصقري ,شاعرة نجد ,ناصر الهواوي و 1 آخرون معجبون بهذا

الجووهره

اقتباس:

المشاركة الأصلية كتبت بواسطة خيال مطير

جهيروووووووووووه انتي ليش ماتعقلين انتي ورحيلوووووووووووه ,, ولا لازم خيالوووووووه يعلمكم الكلام

ههههههههههه
اذا عقلت عقلنااا
هههههه
الله يسعدك خيالووه

رحيل ,عبدالله الصقري ,ناصر الهواوي معجبون بهذا

ويعطيك العآفيه على التسالي الجميله
والله يذكر الشاعره ريوف بالخير
ويردهاا والجمييع بالسلاامه

رحيل ,عبدالله الصقري ,شاعرة نجد و 1 آخرون معجبون بهذا

ناصر الهواوي

اشهد انه لو تميلح مثل ما قال اقشر=ورغم ما به من مثالب كلنا باغينه
لاتهبينا وحنا ما نويناك الشر=ما كتبته قبل يمحى يالذكي قارينه
لاانت لامشمش ولا احد قال لوز مقشر=من نوامي مضغةٍ مخلوقةٍ من طينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
مساكم الله بالخير جميعا سيداتي وسادتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
ترضي وتزعل ليه واتروح واترد=علاقةٍ تشبه لدلوة ذباذب
افرد رشاها يوم وردو على عد=لا الجال راحت له ولا كف جاذب
بين الصدق والكذب والمزح والجد=جا للحقايق بين الاربع تجاذب
النفس ماهي تلعه وللصبر حد=ومنك اليقين اصبح كما الظن كاذب
يوم ان حبل الوصل يالترف ممتد=وخيل الغلا مني لساحك تهاذب
ارخي ليا شديت وليا ارتخى اشد=واهمومجت من هالتغلي معاذب

رحيل ,عبدالله الصقري ,شاعرة نجد و 1 آخرون معجبون بهذا

الجووهره

صوموا عاشوراء غدا يكفر السنه اللي قبله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
ياخفير السجن تكفى فك من به وادخل
مكيفاته بارده والصبح اظنك صايم

ما بخلنا بالتسالي وانتبه لاتبخل
بالتسالي والادب مطلوب مثلك دايم

قالو الغربال ما يصلح يعير منخل
لاتغيب مثل من غابو وحظك قايم

رحيل ,عبدالله الصقري ,شاعرة نجد و 1 آخرون معجبون بهذا

الجووهره