هنا .. سجن القوافي !!

عبدالله الصقري ,الجووهره معجبون بهذا

خيالوه انا في خاطري شي ما ادري ويش=استدعيه بالذكرى القويه وينحاشي
تهاجم معه فكري طواريه مثل الجيش=اقاوم لكن اتخونني صملة الجاشي
ابا اروح اتعشا عند جاري بالمزرعه الثانيه واعود ان شاء الله

عبدالله الصقري ,الجووهره ,خيال مطير معجبون بهذا

خيالوه انا في خاطري شي ما ادري ويش=استدعيه بالذكرى القويه وينحاشي
تهاجم معه فكري طواريه مثل الجيش= اقاوم لكن اتخونني صملة الجاشي
اسأل نفسي بنفسي وش اسباب هالتهميش=وارا ان السبب فيما جرى كلمة الواشي
ما ادري وش مراده من مساعيه والا ليش=ينكد على من لا معه عاش لا عاشي

عبدالله الصقري ,خيال مطير ,الجووهره معجبون بهذا

صح لسآنك شآعرنااا
وبالعاافيه العشااا

ناصر الهواوي ,عبدالله الصقري ,خيال مطير معجبون بهذا

يانمر ما في صكة الباب مصلوح
ولا هيب إلنا يا مضنة فؤادي
تصلح لمخلوق يبي يستر الروح
ناشي عليها معتمدها اعتمادي
يا نمر لو المرجله سدو مسدوح
كل نقزها حر والا برادي
لكنا من دونها المر مطروح
وأرض تبي من بذر فعلك سمادي


شعر - محمد بن شلاح المطيري الله يرحمه

ناصر الهواوي ,الجووهره ,عبدالله الصقري معجبون بهذا

يا محمد روحت في الزمل ملحاق
وأبعدت عنا يا ضنينة فؤادي
من أول نرجي تجينا من رواق
واحسب الأيام عدٍ.. عدادي
لولا الحيا صبيت صوتي بالأسواق
أكالمك واصيح ثم أنادي
طلبت أنا المعبود سماك الأطباق
حيثه ولي وفوق كل العبادي
يلطف بحال اللي ضعيف ومفتاق
ويطير من قلبه سواة الجرادي
يقر عيني بك ولا أبيك تنعاق
عساي أشوفك لافي بالبلادي
:::::::::::::::::::::::::::::::::::::::::::::::


شعر: حصة بنت محمد الفوزان

عبدالله الصقري ,ناصر الهواوي ,الجووهره معجبون بهذا

يا سعد دوك الليالي غربلني
كن ضو بقيق شعل في فؤادي
يا سعد يا بعد من همه شحني
دونه الصمان مع حمر الدباوي
يا رجاي ادموع عيني غرقتني
مثل سيل حادر له وسط وادي
إن وصلت السجن شوفه ما حصلي
دونه الشباك ما يوحي المنادي

شعر: عمشاء الدغيلبي

عبدالله الصقري ,الجووهره معجبون بهذا

يا محيز أنا بكرتي غضه
والهجن جا فيه خفخاف
جا للرَّبع فوقهن.. جضه
وأقفن مع الحزم.. زلافي
ترى الذي جيّد حظه
ممساه منبوز الأردافي
أبو جديل إلى.. قضّه
ساف تعلى على ساف
نبنوبة توّها غضّه
غصن من الموز غرياف

............................................
شعر - عبدالرحمن البواردي

عبدالله الصقري ,ناصر الهواوي ,الجووهره معجبون بهذا