هنا .. سجن القوافي !!

صباح الورد

صح لسانك يالخالدي و سلمت روحك
صوت و صدى ولا أروع منه سوى اهله
أبيات من اجمل و أقوى و أعذب ما قرأت
و مسك الختام اميرنا الخفير المشرق على كل قمه و غايص البحور ال سبعه
الله لا يضركم و لله دركم
و الله يسعد صباحكم جميعا
تو خرجت من العمل بـ افطر و انام و لي عوده باذن الله
و جهزي قشك يالنجلا والظاهر ما غير جهير بتنحبس
مدمنة حبس هههههههههههههههههههههه
لها اجمل و أرق تحيه

الجووهره معجب بهذا

مساكم الله بالخير جميع
وصح الله لسانك يا ابو عبيد نبطي ونعود وتبقى أستاذنا
وخابرك ما تتعدى هالزنزانه وبيدك المفاتيح تلعب بها خخخخ
مير قلت أمر اخذ لي بيالة معكم
.
.
يا أبو عبيد النمر ما يجهل النمر
حتى لو إنه غاب ماهوب ساهي

والنعم بك والأمر ما ادري وش الأمر
مير إتجاهك صار غير إتجاهي

لا زلت بين التِرف والسِمر والضِمر
شاعر غزل عفريت بالسجن لاهي

أبيات شعرك تدمر قلوبنا دمر
منها المصيبه كلها والدوا هي

فالسجن جالس تاصف خدودها الحمر
وأقل ما ينقال بالوصف ناهي

الله حسيبك فالملوَّح وفي عمرو
حتى الدواهي منك ماهي دواهي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
صح الله لسانك يالخالدي وجمل الله حالك مجاراة اروع وابدع واجمل من ابياتي
لاهنت وطول الله عمر ويسر امرك وعودا حميدا ولا تقاطعنا بالحيل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
ابيات يجهل قدرها الجاهل الغمر=والا اللبيب الفطن فيها يباهي
صدى حمد صوتي باثرها انطمر طمر=يامرحبا به يوم صار اتجاهي
هجسه نحتها من صميم الصخر بامر=فكر لبيت انصاع لامرٍ ايلاهي
الذ من هملول وبل انهمر همر=واحلى مذاقه من رحيق الشفاهي
يالخالدي واللي رفع قيمة القُمْر=طوال الرقاب المكرمات الدواهي
هرجي تسالي جعلك لطولة العمر=تعويض مني عن دخول الملاهي
وصرايب علوم دمرها الزمن دمر=يالخالدي واستغفر الله ياهي
تامر علي ارجع ورا وامرها زمر=لو كنت عن ما قد مضى غير لاهي

عبدالله الصقري ,الجووهره معجبون بهذا

الله يجمل من بقافه نعشنا=واشفا الكبود المصديه من صداها
كنا بحالة ياس مطبق وعشنا=وموشرات الذوق عدت مداها
بسهاد واونسنا الحيا واخترشنا=عقب الذوايق ماتعشت غداها

عبدالله الصقري ,الجووهره معجبون بهذا

مساكم الله بالخير
ياهلا ويامرحبا يالخالدي نورت السجن وصح الله لسانك على هالكايفه
ابو عبيد صح الله لسانك شاعرنا
خيال يسلم ذوقك وحضورك

تسليه
ليتك تحس بدافع الحبّ مرّه .. !
وإلّا يا ليت يتوب عنك انشغالي

تغيب .. ما خلّيْت مثقال ذرّه
تقدر تهــدّي حيرتي وانفعالي

ادميت قلب ٍ من عروقة تجرّه
تفرض عليه الغطرسه والتعالي !

لولاي احبّك ما جنيت المضرّه
وش ينفعك لا اوجعتني وانت غالي ؟!

عبدالله الصقري ,الجووهره ,ناصر الهواوي معجبون بهذا

البقا يا ابو عبيد صح الله لسانك وبنك وبارك بك وفيك وعليك ولك شهادة فخر والعن ما تعلى على حاجب ولو خيو..وابشر باللي قدرني الله عليه

خيال صح بدنك وذوقك وكلك وتراي لا مزحت وكودت اعرف إني أحبك

الصقري صح الله بدنك وقواك ننتظر إبداعاتك

البقا يا النجلاء وصح الله بدنك وشوشتك

عبدالله الصقري ,الجووهره معجبون بهذا

اواه من قلب عجزت افهمه وش هو يبي=وعينٍ يهل ليا طرا ما تبي همالها
حتى العزيمه من بعد درهمت جات اتحبي=ونفسٍ تكسر بالصدر من جزع عزالها
ياروح واللي عالمٍ فيك انا ماني غبي=لكن مطافيق الطواري يزيد اهبالها
ياذي الهبوب اللي شمالي تهبين اجنبي=لو تنفضين ليا طرقتي بلدهم شالها

عبدالله الصقري ,النجلاء ,الجووهره معجبون بهذا

هلا بك يالخالدي بس انا مافمت قصدك من قولك انت بعكس اتجاهي هههههههههه

عبدالله الصقري ,الجووهره معجبون بهذا

اقتباس:

المشاركة الأصلية كتبت بواسطة ناصر الهواوي

الله يجمل من بقافه نعشنا=واشفا الكبود المصديه من صداها
كنا بحالة ياس مطبق وعشنا=وموشرات الذوق عدت مداها
بسهاد واونسنا الحيا واخترشنا=عقب الذوايق ماتعشت غداها

الله يجازي من بوصفه دهشنا
حرك قلوبٍ ساكنات وحداها

والمشكله سولف وحنا بلشنا
لين النفوس أستسلمت عن شداها

ولا يجينا لوم لا من نحشنا
نخاف نصبح كل ابونا فداها

عبدالله الصقري ,النجلاء ,الجووهره معجبون بهذا