هنا .. سجن القوافي !!

مشاركه في منتجعنا الشعري الممتع
ومع ضيفنا المبدع

لا يـ المشاعر لاتجورين بالحيل
تدرين أنا من غير دايم حزينه

وانتي غزيتيني على الهجن والخيل
مدري وش اللي يـ المشاعر تبينه

تكفين قولي ياعسى الحسّ تمثيل
حقي عليك القلب لاتحرقينه

بشويش أنا مانيب قد البهاذيل
لا اغلقت باب الشوق لاتفتحينه

هزاع العاصمي ,عبدالله الصقري ,الجووهره و 1 آخرون معجبون بهذا

عبدالله الدّنّيش

احسن الله عزاك ورحمة الله وجعل مثواه الجنة وأموات المسلمين هكذا الدنيا نزولٍ ورتحال
ومعذور اخي الكريم الأمر عادي ولا في خاطري إلا الزين دمت والجميع بخير اقول

الوقت جاير والعيون الحزينه=سالت مدامعها على خد مشتاق
وقلبٍ فقد غاليه ربي يعينه = في داخله نارٍ توقد وحراق
يسري مع الونات زايد ونينه=ونين ساطي في محانيه دفاق
تفرق الخلان وبيح كنينه = خطير قلبي ياعرب صار منعاق
يذكر زمانٍ له تعدت سنينه= أيام حلوه مابها بعد وفراق
تكفون يالخلان موجع حنينه= من عقبكم دنياي ماعاد تنطاق
الليل ينبشلي جروحٍ دفينه= والهم طاولني إلى حد الاشراق
جرحي عميق وبعضكم عارفينه= واللي فقد غاليه للحين مافاق
والموت حق وكلنا ذايقينه = مؤمن ولكن ويش اسوي بخفاق
طبع الليالي بالمفارق عوينه= الله حسيب الوقت ياكثر ماباق
يالله ياللي كلنا مرتجينه= تلطف بعبدٍ من عناء الوقت ماراق
ورحماك ربي كل وقتٍ تزينه= وتلطف بدمعة من عنا الوقت تراق
ورفق بقلبٍ هيضه دمع عينه= في داخله جفت غصونه والاوراق

تسالي حزينه معليش الليلة متهيض

عبدالله الصقري ,الجووهره ,عبدالله الدّنّيش معجبون بهذا

من دفتر الذكريات الجميلة ...
^^

يا أجمل إحساس يا هاجس بيوت القصيد =أنت القصيدة وأنا السبّاح في بحرها
أبحر على صدرها وأفلّ حِبر الوريد = وأعانق الحرف حتى يرتوي ثغرها
أوقّف القاف حتى يستقيم النشيد =وأروّض العجز حتى ينشرح صدرها
وأسج فكري لها وأشرح على ما تريد = وأداعب الهجس حتى يستوي شِعرها
أشيلها وأرفع الحاني وصوتي يعيد = وأركّب القاف ع القيفان في سطرها
وأنشد هجوسي تولفها لمعنى فريد = وأغوص في عمق معناها إلى قعرها
وأضمها في ضميري وأحتويها بقيد = وألمّها وأحتوي معناي في سرها
ون راق جوّ القصيدة كان هيضي يزيد = وأحيان أركّز هيوض الشعر في خصرها
قصيدتي تأخذ الهاجس ويبقى وحيد = إلاّ معاها على المَدة وفي جزرها
قصيدتي غنوتي لو صرت عنها بعيد = أنشي لها حقل وردي وأنتشي عطرها
^-^

عبدالله الصقري ,هزاع العاصمي ,الجووهره و 1 آخرون معجبون بهذا

شاعرة نجد

الله يصح لسانك شاعرنا
ويرحم موتاكم والمسلمين اجمعين

يالله ياللي كلنا مزاجيته =

نص فاخر والشطر فيه خطأ مطبعي,
لجزالة النص حرصت ع التنبيه للتعديل
مبدع شاعرنا,’’

عبدالله الصقري ,الجووهره ,هزاع العاصمي معجبون بهذا

لا ماطلعت القمر,ولاوصلت النجوم
عاديه وُفي مكاني ماتعدّيته

لايحرقك لاهب الكنّه وحر السموم
بغيت ترقا الرفاع وشكلك أخطيته

طالع طريقك متاهات وضباب وهموم
سماك مقتم وحالك ماتمنيته

وأنا ازرع الورد واسقي تربته كل يوم
وأطرب لحس القصيد العذب لـ اوحيته

عبدالله الصقري ,الجووهره ,هزاع العاصمي و 1 آخرون معجبون بهذا

عبدالله الدّنّيش

اقتباس:

المشاركة الأصلية كتبت بواسطة شاعرة نجد

الله يصح لسانك شاعرنا
ويرحم موتاكم والمسلمين اجمعين

يالله ياللي كلنا مزاجيته =

نص فاخر والشطر فيه خطأ مطبعي,
لجزالة النص حرصت ع التنبيه للتعديل
مبدع شاعرنا,’’

لاهنتي اخيتي تم التعديل وحزن معاد فيه فرايحي فقط
وهذي ضحكة لعيونكم هههههههه

شاعرة نجد ,عبدالله الصقري ,الجووهره و 1 آخرون معجبون بهذا

عبدالله الدّنّيش

من ذكريات المجاريات بنادي السلاطين
الصوت لشاعرة نجد
غردت ماورّدت في تالي الليل = في سجني الهادي كتبت الجدادي
لاصرت يامشكاي مشتاقه بْحيل = ايوالله ان الشوق حطم فوادي
ماحيلَتي الا جديد التماثيل = ليا حداني لـ اعذب الشعر حادي
جريت من وهج المشاعر مواويل = يصوغها فكري بسجن انفرادي
يسري بي الهاجس ودمعي هماليل = لاعدّت ماحققت غاية مرادي
^^
صداي
يا ليل شوّقت الهواجيس للشّيل = خذني على شيلتْك والصوت شادي
هات الدلال الصفر والبن والهيل = وأحمس هواجيسي لبنّك قنادي
وصب قافي في صدور الفناجيل = ومدها ل. اللي بقافيه جادي
خله على المركى يبث التعاليل = يا عل يوصف ما كتب له مدادي
سليت سيف الحرف وأسرجت له خيل = وليا تعثر قلت كبوة جوادي
يا ليل تشعرني بسود المظاليل =والبدر مثل الخد والنور بادي
أسهر وأبات الليل واحط وأشيل = واقوم أهوجس في بطون النوادي
^-^

عبدالله الصقري ,الجووهره ,هزاع العاصمي معجبون بهذا

اقتباس:

المشاركة الأصلية كتبت بواسطة هزاع العاصمي

لاهنتي اخيتي تم التعديل وحزن معاد فيه فرايحي فقط
وهذي ضحكة لعيونكم هههههههه

^^
ضحكة وإبتسامة دايمة أخوي هزاع .. وفالك السعادة

عبدالله الصقري ,الجووهره ,هزاع العاصمي معجبون بهذا