هنا .. سجن القوافي !!

ما شاء الله عليكم
لا هنتم

اقتباس:

المشاركة الأصلية كتبت بواسطة ولد روق

مساء الخير وصح السنتكم جميع ولاهنتو
والسجين موجود ي الهواوي ههههههه

انته تطيع ابليس وابليس غاوي// واشغلتنا الله يشغلك يالهواوي// مدري على ويش انت يالعود ناوي// ان كان جايك شي بالله قلّي

تسجن لنا من دون ذنب وخطيه// وانته تدّوج في شوارع ضريه// ويش السبب يالعود ويش القضيه//مافيه مشكلة ً تجي دون حلي

شايب كبر جدي عسا الله يبيحه// ذبحته عيب ً وان تركته فضيحه//ابنصحه يمكن تفيد النصيحه// وحنا نقدر للعويد ونجلي

مدري على ويش المحبه ياناصر// والظهر كنه قوس والشوف قاصر//بحرب الرغامه يمكن انك معاصر//قدام عصر الصاعقه والمظلي

عودن وصل عمرك لخمسه وسبعين// مالك ومال المترفات المزايين//احفظ جزء عٌم وتبارك وياسين// المقبره في كل ليله تهلي

طعني وخايل يالهواوي المخايل// وان جاك علم ان الشفا منه سايل// مغير حظ معبسات الشمايل//من وين ماحلت معاها تحلي

البنت تبغا مثل سامي وغنوم// ولا مثل بندر وخالد وخشوم// وليدن اتيكيت مزّه ونعوم// مهوب عودن يالهواوي مولي

ون كان تبغا يالهواوي الحقيقه//الحب محدن سالم ً من طريقه// بين الضلوع الحدب ولع حريقه// وين انت عني يابعد كل من لي

حنا ضحية خصر وعيون وارداف// وخدن كما البراق ونهود وقاف//لو شافها اللي داخل البيت يطاف// من صدمة الموقف نسا لايصلي

صح الله لسانك ياولد روق
وكلش عاد ولا شايبنا لحد يزعله ترى مانرضى عليه

اقتباس:

المشاركة الأصلية كتبت بواسطة ناصر الهواوي

السلام عليكم
اهلا بالجميع
مبروكه الحريه ياولد روق
وارحب يالعبيريد وابشر بالتسالي وننتظر تساليك
واهلا لسانك يالمهره كفالة رائعه

مرحبا ياللي تلغثم بالعمامه=مالعا قمري وماناحت حمامه
تنطلق بك من ضريه للمنامه=والمسار لحضرتك مفروش زلي
من غلاك وحشمتك جيت وسجنتك=مارميت بسهم فيك ولاطعنتك
ولا عليك ادعي ولاوالله لعنتك=ليش ضايق ليش نزعل يالهلالي
بالسجن ما جاك يالروقي كلافه=الذبايح والحلاوي والكنافه
والسوالف بالبريد وبالمشافه=وكلما ترمي هدفك اقول هلي
يالسنافي لا يجي جوك ضبابي=لاتهتل بي وجعل بليس هابي
ولا يغرك لو تلطفت بجواب=يافداك النذل انا ما جيت كلي

صح الله لسانك على الرد الكايف يابو عبيد
مبدع الله لا يضرك

صح لسانك يالهواوي ابيات رائعه ~
مبدع ماشاء الله عليك ~
ودي وتقديري ~

ابو عبيد
صح لسانك يالجزل
هلابك وبحضورك الجميل

صح لسانك ولاهنت مبدع يابو عبيد
صح لسانك غزلان

ي النجلاء ابو عبيد شايبنا ونكن له كل تقدير واحترام ولاوصلت الامور للزعل كلها مزوح عاديه والهواوي علم من اعلام الشعر وزميل لنا سابق في منتديات عفيف وماشفنا منه الا كل خير ومدام فيها توصيه مال ابو عبيد الا حبة خشم وراس وبلاش من المزح كله

سلام عليكم ،،

صح الله السنتكم جميعاً ههههههه ليه سجنتوني ،،

كيف الطريقه والحل يعني وش اسوي عشان اطلع ��