هنا .. سجن القوافي !!

هلا بك زعيمنااا. الفرآج
عودا حميدا
وكل عآم وانت بخير وصحه وسلامه
ويانتظار ابدآعك

رحيل ,محمد الـفراج ,ناصر الهواوي و 1 آخرون معجبون بهذا

عبدالله الصقري

‏ان مارقيت بكف يمناك السحاب
‏محدٍ على متنه يشيلك للسما
،،،،

حاول تميـز فـي طبوعك و تختار
أحلى الطبوع اللي لها قدر وثمن

ثلاث تجعل لك مع الناس مقدار
اسلوبك / وطيبك / والخلق الحسن

،،،،

ما كل غالي بالقصايد نوفيه
بعض الغلا في داخل القلب ذكراه

دايم لكل انسان ميزه تحليه
وانت بعيوني شي مالحق على اقصاه

الله يطول عمر قلبك ويحييه
لشخص يشوفك انت اجمل هداياه

رحيل ,ناصر الهواوي ,عبدالله الصقري معجبون بهذا

صبحكم الله بالخير يالرواسي وعساكم ان شاء الله بخير واحسن حال
ابو فيصل ياهلا ومرحبا بك وكل عام وأنت بخير
ابو عبيد وانت سالم وغانم وصح الله لسانك وخذ راحتك غن في اي وقت تبي تطربنا غناويك وابداعك
خيال انتقاء رائع ومميز كعادتك
الصقري صح لسانك ودام حضورك وابداعك شاعرنا
جوجو منوره يالغاليه وكل عام وانتي بخير وصحه وسلامه وصح ذوقك ياذوق

شاعرة نجد ,رحيل ,محمد الـفراج و 2 آخرون معجبون بهذا

ناصر الهواوي ,عبدالله الصقري

صباح الورد والياسمين على الناس الحلوين
و والله ياجدي نفسي تجي جـدَّه و باذن الله تجي
و صح لسآنك مدد بلا عدد و صحّ لسآن الجميع و دآم هـ التواجد الجميل
و اخترت لكم اليوم نص لقيته بـ الصدفه يوافق تاريخ اليوم
لكن من سنين يعني في مثل هذا اليوم
و شاركت بها في قطوف فهد عآفت
اتمنى تحوز رضآكم و ترقى الى ذآئقتكم الجميله

___ ___ ___


قوم يـ المنجرح و اسمع وَلَه قلب ٍ شدى
و انتظر . علّ يبرأ سآري الشوق مْهَدي

يا جنـآح ٍ حملني لـ آخــر حــدود المـدى
نبرتك جت على جرحي أنا منين ابتــدي

لآح بـرق ٍ عتيـم الليـل يسبيـه ان بـدى
يرجم الموق و ما طفَّت سعـآيـره بردي

طآل صمتي و نـوره للـديآجيـر اهتـدى
و انطفى بي وانا توِّي أبـ اجمعه بيدي

خآن مطلع صبآح امسي ولا عندي جدا
ما حكم بـ الفـرآق و كلما جيت يغــدي

جيت اضمَّه واصونه عن متآهآت العدا
و اثرني تآيـهٍ واصبح عليَّ المعتــدي

حطّني له مثل يرميه من حين اقتـدى
بسهم يطلقه من قوس العذآب السرمدي

أسأله كيف خليت الـشـرآييـن فـردى
تنزف بـ خآفق ٍ لمّ احتضآري و مولدي

و اسأله كيف لو شوق المحبّين افتدى
و اصطفى صرخة الكتمآن عن همس رعدي

كيف اعوِّض غصني من الدمع عن قطرة ندى
لا اقتلعني من جذور الأمل يأسُ ردي

و كيف مبهم غرآمه يلمع بـ عمر ٍ سدا
لو بلحظه خسرت من الأبو قول ولدي

ليتني طعته وليتك يالحمآم اللي شدى
ترسم الحـآل مرسـآل ٍ يبي رد وعَدي

و سلامتكم

17 ذوالحجَّه 1419 هجري

رحيل ,خيال مطير ,ناصر الهواوي معجبون بهذا

‏

ودي اغط شوي ولهاجسي قول=الله يهداه بصيف هالعام ثرثار
اذكر (مصرقع)(والاصيله)وارى(مول)= وترجع بي الذكرى الى الخلف واندار
لصيحة منادي قال انا منه مرسول=وانصت لمن من سيدي جاب الاخبار
امثل اني منتبه له ومذهول=بوضع انهزاميه به الفكر محتار
امرٍ محال ونوب ارى العلم معقول=لو حفت ادروب الحقيقه بالاخطار

‏

شاعرة نجد ,رحيل ,عبدالله الصقري و 1 آخرون معجبون بهذا

خيال مطير

السلام عليكم جميعا ورحمة الله
وصحت السنتكم على هذه المشاركات الرائعة

^^
من حكاوي الهواوي
صوت الهواوي



‏

مسيت بالخير ياسجن الرواسي وين اهاليك=شفني من الصبح في فيّْ الجداراللي قبالك
من تكت الخلق في ظله واغني لك واراعيك=وارثي لحالي من الضيقه واعود ارثي لحالك
جتنا صلاة الظهر ما شفت احد دوج حواليك=ودعتك الله ابا اغادرك انا مالي ومالك

^^
صداي


‏

هنيّ ذاك الجدار اللي تسلىّ من تساليك = كني بذاك الجدار يْقول دعنى في ظِلالك
ويقول لا لا تقوم وهات سيرة من حكاويك = إذني شنفها الطرب يا شيخ من راهي جِزالك
إلا الرثاء لا تسمّعني طواريقه.. طواريك = أخاف ينهدّ حيلي وآتبعثر في رمالك
إجلس ومني صدى للصوت بالخافي يجاريك = وليا تغنيّت للصدة فحالي مثل حالك
دع عنك لوم المقفي طالما الحاضر يناجيك = وأطلق عنان القصيد لْصاحبٍ ينشد وصالك
هي هكذا دنية المشتاق والعاشق دواليك = مرّة تشوفه على يمناك وأُخرى في شمالك
ومرة يسلّي بقيفانه ومراتٍ يصاليك = حتى على الجمر يتسلّى ولا يخطر ببالك
ياكم شكينا وملّ الصبر وإحنا في حراويك = أقولها له ، ويتندّر يقلي وش جرى لك
وأقول يا ذا الهواوي في الهوى منهو يواسيك = ترى جمال الجمايل يقتبس منها جمالك
وأسمح لي أرفع شكاياتي إلى حضرة معاليك = يمكن تطيب الظروف وتستحي من طيب فالك

وسلامتكم وطاب فألكم

شاعرة نجد ,رحيل ,عبدالله الصقري و 1 آخرون معجبون بهذا

خيال مطير

تسليه

ثم امطرت طهر المشاعر في دلال
تغسل هموم الظن من كف الطعون
تروي ظما العطشان بحدود الشمال
وتغرق حدود الشرق من ديم المصون
حتى الغروب اشرق ونوره ما يزال
يعطي جنوبه ضي من نور العيون
المغرمه تمسك عصا سحر الوصال
فارس غلاها لا ابتعد لا ما يخون
عهد ومواثيق ووفا حط الرحال
في قلبها يسكن وغيره يطلعون
تعاهدوا بالصدق في صدق وحلال
حتى آمنوا ان الغلا فن وجنون
قصة غرام اثنين أغرب من خيال
شمس وقمر فوق البشر ما ينزلون
تعودوا ما يعشقون الا المحال
والناس لهم اذواق فيما يعشقون

رحيل ,عبدالله الصقري معجبون بهذا

اقتباس:

المشاركة الأصلية كتبت بواسطة عبدالله الدّنّيش

السلام عليكم جميعا ورحمة الله
وصحت السنتكم على هذه المشاركات الرائعة

^^
من حكاوي الهواوي
صوت الهواوي
مسيت بالخير ياسجن الرواسي وين اهاليك=شفني من الصبح في فيّْ الجداراللي قبالك
من تكت الخلق في ظله واغني لك واراعيك=وارثي لحالي من الضيقه واعود ارثي لحالك
جتنا صلاة الظهر ما شفت احد دوج حواليك=ودعتك الله ابا اغادرك انا مالي ومالك
^^
صداي

هنيّ ذاك الجدار اللي تسلىّ من تساليك = كني بذاك الجدار يْقول دعنى في ظِلالك
ويقول لا لا تقوم وهات سيرة من حكاويك = إذني شنفها الطرب يا شيخ من راهي جِزالك
إلا الرثاء لا تسمّعني طواريقه.. طواريك = أخاف ينهدّ حيلي وآتبعثر في رمالك
إجلس ومني صدى للصوت بالخافي يجاريك = وليا تغنيّت للصدة فحالي مثل حالك
دع عنك لوم المقفي طالما الحاضر يناجيك = وأطلق عنان القصيد لْصاحبٍ ينشد وصالك
هي هكذا دنية المشتاق والعاشق دواليك = مرّة تشوفه على يمناك وأُخرى في شمالك
ومرة يسلّي بقيفانه ومراتٍ يصاليك = حتى على الجمر يتسلّى ولا يخطر ببالك
ياكم شكينا وملّ الصبر وإحنا في حراويك = أقولها له ، ويتندّر يقلي وش جرى لك
وأقول يا ذا الهواوي في الهوى منهو يواسيك = ترى جمال الجمايل يقتبس منها جمالك
وأسمح لي أرفع شكاياتي إلى حضرة معاليك = يمكن تطيب الظروف وتستحي من طيب فالك

وسلامتكم وطاب فألكم

وانت سالم وغانــــم
صح لسانك

شاعرة نجد ,الجووهره ,عبدالله الصقري معجبون بهذا