هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

الا يالهجوس الراحله خافقي منزاع=مع الروح يوم اقفت معك راح قافيها
كنتي له مقيض وكان لك بالدهر مرباع=فياضه بوقتٍ راح ياما رعيتها
حاولته على النسيان لكن لي ما طاع=ما زال ايتجرر ذكرياتٍ نسيتيها

على الله على الله ياسفينه بدون شراع=ضربتي بغبات البحور وقطعتيها
سلكتي طريقٍ صعب لو الفجوج وساع=وروح الشقاوي في رحيلك رهنتيها
انا صار شبري دون والباع ماهو باع=علومي معك بالذات ضاعت هقاويها
زمانٍ مضالي ما اعرف الموت ولا ارتاع=اسوق القدم ماهمني وش تواليها
وهلحين من طاري رحيلك وانا فالقاع=ابا اسوق رجلي مير حارت خطاويها
شرايين قلبي راحت من الرحيل مزاع=وذي علةٍ ماني بلاقي مداويها

http://www.r111n.com/t30736-2.html
بعض التعليقات لبو عبيد وأبو مشعل على موضوع الهيل ههه

المشاركة الأصلية كتبت بواسطة ناصر الهواوي
تحول مفاجيء من الشعر للطب === حببتنا يالقرم في حبة الهيل
]جزاك الله خيرا يالامير على هالمعلومه الجديده والمفيده جدا لاهنت وبيض الله وجهك

الشعر يابو عبيد مافيه مكسب=جربت حظي فيه مهوب بلحيل
قلنا نحولها على الطب نجرّب= يمكن توافق فالليال المقابيل
منها نعالج فالعرب وانتطبب=ومنها على ما قيل مايخدم بخيل
وفالهيل مثلك مايباله محبب= خابرك ما ترويك منه الفناجيل

أبو مشعل يقول

حبة الهيل نبتت في مضارب عتيبه = والمطبّب عصيمي والمراجع هواوي
حظها من مصيبه حطّها في مصيبه = ان شربها المراجع وان طحنها المداوي

ههههههههههه

لا نبت في ديرنا الهيل ماهي غريبه=نابتٍ في ديار مزبنين الجلاوي
ولولا طحنه وشربه ما عنينا نجيبه=ماله الا النجور اللي تعاوى تعاوي

أبو عبيد
محمد الغنامي
صحت السنتكم جميعاً
مبدعين الله يعطيكم العافيه

الله الله صحت السنتكم جميعاً ~
الهواوي ~ الصآرم ~ الغنامي~ عايض~
مبدعين وجزلين الله لا يضركم ~

هلابكم منورين ياأهل الروآسي ~
من الصآرم لمحمد لعائض والهواوي ..

أسدلتم على مسمعي جزل القوآفي ~
ومهره ونجوله تسآليكم ونس وغنآوي ..

وجودكم بأعمآق روحي فرح وعوآفي ~
علني مانحرم جزل القصيدالمدآوي ..

بقلمي ~
ودي وتقديري للجميع ~

الغنامي
الهواوي
عايض العتيبي
صح السنتكم جميعا
ياشعرائنا المبدعين
تقديري لكم

تسليه بسيطه
قالت تشوف طرفي قلت انا وش بلاه
قالت وش رائك بحسنه تحسه مثير
قلت بعيونك الثنتين موت وحياه ..
تقتل العاشقين وتحيي المستجير!!
قالت اصلا انا اجمل واعظم فتاه
قلت هذا اللي الغرور مخليش غير

مسافة الشوق .. لـ المشتاق تختصرك
وتوزعك في حشاي .. وفي شرايني

غطت ثلوجك طبوعك واختفى جمرك
ما عادك اللي ليا من غبت .. يدعيني

افكر اختبرك .. واخاف لـ اختبرك
اخاف باقي غلاك .. يطيح من عيني

تعال بين الضلوع العوج .. شف قدرك
قصر من الحب .. يبنى لك ويبنيني

ما ودي اقول في بعدك .. غريب امرك
ودي لو اسمع صدا ( يا من يراعيني )

الهواوي
عايض
ناصر
محمدغزلان
المهره
صحت السنتكم
والسنت الجميع