هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

حضور واحد ينوب عن العواصف جميع=ولا اشتدت المعركه نجي لها كلنا
نخاف لو كلنا جيناك زبدك يميع=وضيم الفريد الوحيد ماهو بطبعٍ لنا
استهد بهداية الرب البصير السميع=وانشق عن حزبك الهالك وميِّل لنا
ان كان لك حظ يارجال يمكن تطيع=وان كان ما طعت ماحظك بحظٍ لنا

ماعليك زود ياناصر وصح بدنك
وصح لسانك

ناصر الهواوي معجب بهذا

اقتباس:

المشاركة الأصلية كتبت بواسطة هزاع العاصمي

رد سريع على أبوعبيد ومشكورين جميعاً على مشاركاتكم هنا من خلال سجن
القوافي بالتوفيق للجميع أن شاء الله

مثلك تعلم على القانون ويهمه = ياشاعرٍ جادلي بعذب معانيها
خلك بحالك مدامك راعي الهمه = وعطنا الخبرولمعاني لاتداريها
حنا هل العرف والمعروف والقمه=وكل المعاني عليك الله بنسريها
وإن قاله الله بنشرب صافي الجمه=من غيرنا ياولد يجذب سوانيها
ان حاول انجنب المشروه والغمه =ياربعنا مثلكم عيبٍ إن عاديها

وسلامتكم

وانت سالم وصح لسانك ياهزاع على المجاراة

ناصر الهواوي معجب بهذا

اقتباس:

المشاركة الأصلية كتبت بواسطة شاعرة نجد

تسليه للمساجين

مرحبا مرحبا مليون حزب القمه
أبشروا بالكرم والكيف والتسالي

أبشروا بالحضور وبالشّعر واللمه
وكل ماتشتهونه من رخيص وغالي

خلوا الحزب يالقمه خفيفٍ دمه
واطربونا بشيٍ مايجي عـ البالي

عاصفتنا من احوال الرَّبع مهتمه
تطرب لكل من يطرب وذوقه عالي

بريَ حال الرعد في ذمتي ذمه
لو يغيّر بْحاله مايدوم الحالي

كل مازان بدعه يقْصره ماتمه
واكتفى واختفى كنّه عليه ضْلالي

صح لسانك يالشاعره
بريَ حال الرعد في ذمتي ذمه
الشطر هذا في رجه يبا ترصيص هههه
لو قلتي بريَ حال الرعد في ذمتي بالذمه
يضبط الوزن ومعناه الله اعلم به
لاتحطين في الذمه شيء ههه

ناصر الهواوي معجب بهذا

اقتباس:

المشاركة الأصلية كتبت بواسطة لقيت روحي

هو ليه تجحدني يا صالح وانا اللي
من البيت الابيض لموسكو يعرفوني

ابو ايــــــــــفنكا لا راني يـــــــــــــهلي
والكنقرس لا سوو عشا يعزموني

وبوتين وان تكيت عنده محلي
اقط شماغي وارتكي يسمعوني

من المنامه لين اقادير ظلي
واهل زلامسي بشوفتي يفرحوني

يالقرم سيفي بالمعاني يسلي
مافيه حـــــــــــــزبا بالعرب يجهلوني

ان جيت ما جيتك من اقصاي كلي
قلت ابا اعطي لك نظرتن من عيوني

حزب الرعد من دون غيثا يبلي
يرعد على الفاضي بليا مزوني

والعاصفه لا قرشعتكم تخلي
بيبانكم من ريحها يصفقوني

وحتى الدرايش تهتري يامل اللي
صفق وصفيرا صوتها تسمعوني

والعاصمي هزاع جاء فزعتلي
اهل القمه بالوفا بنزلوني

نصيحتي كانك لحزبي تدلي
واسمع كلامي ناصحا لك واموني

خل الرعد والبرق عنك يولي
واعزف مع صقور العواصف لحوني

صح لسانك يالرويلي
ماجحدتك يالحصان لكن والله ماادري حزبك وشهو
قريت لك تقول خلوني سنه هههه
أنت في اي حزب؟
وترى عندك بويتات انتبه لوزنها

ناصر الهواوي ,لقيت روحي معجبون بهذا

الي اصطفاقه مثل الموج عليكم مدري متى ههههه

ناصر الهواوي معجب بهذا

الصيف ودّع شـمـسـه وعوّد البرد
‏وعادت صباحات المطر و النسايم

‏قم يا صباح الخير و النور و الورد
‏شف وش كثر نشتاق لك وأنت نايم



صبآح الخير والنور والورد للجمييع
وصحت الالسن والأذوآق
ودآم حضوركم وابدآعكم
ومبروك الحريه ريووم والهوآوي
ما أسرع طلعتو من السجن ههههه
ومبرووك انضمام حزب القمه للأحزاب
ومهما كثرت الاحزاب يبقى الرعد في الصداره هههههه
هزآع ، النجلاء
منورين السجن وابشرو بالتسآلي

محمد الـفراج ,ناصر الهواوي ,ريم الفلا و 1 آخرون معجبون بهذا

لقيت روحي

اقتباس:

المشاركة الأصلية كتبت بواسطة صالح العازمي

صح لسانك يالرويلي
ماجحدتك يالحصان لكن والله ماادري حزبك وشهو
قريت لك تقول خلوني سنه هههه
أنت في اي حزب؟
وترى عندك بويتات انتبه لوزنها

لا تدقق ترى ماهو قران

لو نبغي ندقق علي الوزنيات بعمق ما نخلص ولا نشارك باي قسم
يا كثر مالاحضنا وسكتنا

الهدف وانا اخوك التسليه والوناسه وهاللمه الطيبه

واختلاف اللهجات احيان تشعر ان الوزن يرقل بينما هو بلهجتنا يجي مناسب

الشي الاخير اللي ابغي اوصله للجميع هو اني اكتب كيبوردي ولا انتظر يوم او يومين انقح واعدل
بل اجي بالليل من الاستراحه وارد على المشاركات مباشره
ويكون التركيز علي الفكره قبل كل شي

تقديري لك وشكري للاهتمام يا ابو صلوح

شاعرة نجد ,محمد الـفراج ,ناصر الهواوي معجبون بهذا

قل صباح الخير أو صح بدنك ههههه
كلامك صحيح يالحصان وعلى العين والراس وحنا هنا نتعلم من بعض
وأي ملاحضه من محبه وليس تصيد أخطاء وأنا ماأعرف نظامكم تونا مستجدين
لكن غنوا على كيفكم أجل هههه

محمد الـفراج ,ناصر الهواوي ,لقيت روحي معجبون بهذا