سجل حضورك ببيت شعر على ذوقك

اغويتني بالحب والحب سلطان
وسرقت قلبي والعواقب وخيمه

‏لا تنشدوني يا عرب وين باروح
بسري مع الهاجوس وأتبع ضنوني
الضيقه اللي تاتي شوي وتروح
أحيان تقعد لين تبكي عيوني ✋

يموت القصيد وفرحتي يومها لقياك
احث الركايب واتعب الرجل ياخلي

انا اشهد شهادة حق مافي العرب حلياك
حسين الدلال وكامل الزين ياكلي

ليا من خلقت انسـان مايمنـع تمـوت انسـان
على اقل اعتبار يكون لك ميزه عـن الباقييـن

تجد في داخلك زود تغطي به علـى النقصـان
ترا لو زان وجه الادمي ماهـوب كلـه زيـن

‏يارب نحنّ عبادك يالعظيم الحليم
نـوّر علينا الدروب ونـوّر قلوبنا

نطلبك عطفك ولطفك يالعزيز الكريم
هوّن علينا الـشدايد وإغـفر ذنوبنا

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثأر
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره

عذب

حمام يالي سربكم لي وضوحي
بلغ سلامي للمعذب وحاكيه

بلغ سلامي للغضي دام يوحي
مادام صاغ الشعر باحلى معانيه

عطر المويهيه علينا يفوحي
تنثر سناها يم داره وتطريه

لا لا تصير اليوم طيب سموحي
شرع الهوى يابنت مكثر بلاويه

خلك بدون إحساس خله يروحي
ترى غراب البين ينعاف طاريه

ليل سرى مافيه برق يلوحي
اقفى وبراقه على الغير مهديه

مرزوق شيدلك جميع الصروحي
وبين لك الخافي من الي عرفتيه

اقتباس:

المشاركة الأصلية كتبت بواسطة عذب

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثأر
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره

عذب

الله الله
ياسلام عليك ياعذب
جزل ومبدع وعذب يالعذب
تقديري لك
النجلاء