هنا .. سجن القوافي !!

اصبري بالله دقايق ياغمام=القريحه تو شبت نارها
قبل لا اصبح ولا ارد السلام=وقبل اشوف الناس ويش اخبارها
كل ماغنا على الغصن الحمام= اعزف اوتاري سوات اوتارها
والسبايب كلها ضبي العدام=خلت عيوني تهل عبارها
المحبه تحرم العين المنام=ترسل الاشواق مع مضامرها
وكل مايقسى على القلب الغرام=حتت الشجره جميع ثمارها

رحيل ,ريم الفلا ,شاعرة نجد و 3 آخرون معجبون بهذا

ناصر الهواوي ,حمد الحربي ,الجووهره

السلام عليكم والرحمه
صبحكم الله بالرضى والعافيه ،


ابوعبيد
شاعرة نجد
محمد الغنامي
ريم الفلا
ابدعتم صحت الالسن ولاهنتم ..

وصحت اذواق اصحاب التسالي الجميله

رحيل ,شاعرة نجد ,ريم الفلا و 3 آخرون معجبون بهذا

ناصر الهواوي ,محمد الغنامي ,الجووهره

بويتات
‏

اثر من قام حظه شال عنه الهموم =واثر حظي تثولث مانوى للمقام
ارتجيه وتصدد يم بيت مهدوم =قال :"هذاك حظك ياكثير الكلام
عن كثير العلوم يدل قل العلوم =والفهيم يتعبر كان ماله دوام"
حكمةٍ للتواني دامره للعزوم=قالها حظٍ اقشر هاويٍ للمنام
‏

وسلامتكم

رحيل ,شاعرة نجد ,ريم الفلا و 3 آخرون معجبون بهذا

ناصر الهواوي ,محمد الغنامي ,الجووهره

مساء الخير لا هنتم جميع
عطر الله مسامعكم بذكر الله

رحيل ,شاعرة نجد ,محمد الغنامي معجبون بهذا

صح الله ألســــــــــــــنتكم . حضور راقي ومشرف

ناصر الهواوي معجب بهذا

يازين سجنكم , زيناااهـ . بس ناقصه الوجه . الحسن ,

شطحه


ريان هات البن وادن المعاميل
اخوك رساوي وراعي قهاوي
جب زعفران وعود واخلطهن بهيل
وتلقى بذاك الكيس تمرٍحساوي
واغسل قبل تقعد كبار الفناجيل
تراي انا ياخوك مُتعب وثاوي
وقم صب لي بس هاه لايمتلي حيل
ابغاه شف وللصوابر يداوي
نبغى نمضّي الليل شعر ومواويل
ماهي مواويل الطبل والغناوي
شعرٍجزل ماهو قصيد المهابيل
الغامض اللي تشعر انه خباوي
شعرٍجزل يجرف مثل جرفة السيل
ماهوخرابيط الهنوف ومضاوي
اللي يحسْبنّ الشعر (روج تجميل)
والاّ(غسل) والاّ(حميسة كلاوي )
شعر النسا مرفوض جملة وتفصيل
الاّ القصيد اللي تحسّه حياوي
أمّاتجي تكتب عن الحب والليل
(وماني على فرقاك ياشوق ناوي)
عيب وخزي ياام القرون المشاويل
البنت عيب يْقال عنها تهاوي
شعرك كذا لاجيت آمََثّلْه تمثيل
مثل قصيد (تريترة) بالحجاوي
احب شعراللي تطامرعلى الخيل
شعرالرجال اهل الكرم والنخاوي
شعرٍجزل لفظه وفكره تهاويل
عليه يشفق كل عاقل وغاوي
شعرٍ لك الله طب لاهل التعاليل
من شعري تبغى والاّ شعرالخلاوي
هوعاش في جيلٍ وانا عشت في جيل
ولْكل شعرجزل ياخوك راوي
شعري وشعره في صدور الحلاحيل
قبل ؟؟؟؟؟ وقبل موقع نداوي
لكن تراي افرق عَنَه بالتماثيل
هوشاعرحكِم وانا شاعر هواوي
جربت عشت وشفت كل البهاذيل
مصايبٍ تتعب بعاد
من العدو شاهدت مايطْفح الكيل
لكن من الصاحب زرطت البلاوي
ريان انا بوصيك وانت اقضب القيل
وصيّةٍ تشرى بمال العلاوي
احذر تقضّب لحيتك للرجاجيل
لوان سيماهم من اهل الفتاوي

ريم الفلا ,ناصر الهواوي معجبون بهذا

الله يمسيكم بالخير جميعا
ريم والغنامي وحمد جازت لي اطروحاتكم بس وش رايكم
الليله العرس لسفر العريض
والمكان عفيف
من يخليه ههههههههههههههههههههههههه
لي ان شاء الله عوده

رحيل ,ريم الفلا معجبون بهذا

محمد الغنامي معجب بهذا