مرسى ( هاجوس فكري ) الرواسي

غن يالليل الطويل وعانق النجم السماوي =
و اشرب الفنجال من يمنى نزيهه ما تمنه

والقدوع اللي مع الدله من خلاصٍ حساوي =
ما يجيه السم من ناب الهوايش لو تخنه

كل ما قلت ارجهن القلب جاه الهجس ضاوي =
ومتوزع هاجسه ما بين فرض وبين سنه

و آه يالقلب الجريح اللي عجز عنه المداوي =
مبطيٌ به جرحه اللي ثومته صارت مغنِه

ما استرحت من الشقا والشيب للعارض كساوي =
مخفيٌ برداي داي وكل شخص يظن ظنه

رحيل ,الجووهره معجبون بهذا

لا توقد الجمر في جفنٍ من اجلك سهير
و لاتنبش الجرح تدمي جرح باقي طري

رحيل ,الجووهره معجبون بهذا

رواسي نجد لو جريت صوتي على المسحوب والا بالهجيني =
صدى صوتي يزلزل كل قمة و ثاروا ضده الروس الرواسي

تعود الذاكره بي و اتذكر وش اللي صار في ماضِ السنيني =
سهارى اغلب احيان الليالي بسكون الليل ما نسمع حساسي

ترى متعة سهرها في عنادي، واذا عاندتها لابد اليني =
اداريها وهي درّة مصونه ولو في طبعها ذو قلب قاسي

عهود الولف تبقى ما حيينا ولو حال النيا بينه وبيني =
وانا باقي على عهدي و وعدي لو الفرقا تسبب لي مآسي

رحيل ,الجووهره معجبون بهذا

انا و هاجوس فكري كل ليل وصباح
نقطف من الورد والمشتل يغيض ويفيض

و نخاوي الطير لو ما كان معنا جناح
ونعانق السحب ونلامس رذاذ النفيض

يا طاير الشوق غرد بالكلام المباح
في الصمت حكمة وكتب الشعر عنِّه يعيض

الجووهره ,رحيل معجبون بهذا

صح لسانك شاعرنا
مريت من هنا وماحبيت اطلع بدون تعليق (:

الجووهره معجب بهذا

اقتباس:

المشاركة الأصلية كتبت بواسطة رحيل

صح لسانك شاعرنا
مريت من هنا وماحبيت اطلع بدون تعليق (:

حياك وبياك
وعودا حميدا ( بعد الهروب من السجن )😀
صح كلك ولا هنتي
شرفتي و نورتي الركن بمرورك العطر

الجووهره ,رحيل معجبون بهذا

،
،،
،
لي مع غروب الشمس وقفات انتظار
ادري بعدها الليل يا طوله عليّ

لكن هذا مكتوب واللي صار صار
مجبر على غوص البحر بالمحمليّ

لو ما القوافي متعه لفك الحصار
ناديت بأعلى الصوت بالمعنى جليّ

،
،،
،[

الجووهره معجب بهذا

،
،،
،

تعال فضفض تحتويك المعاليق
اطيق لاجلك كل مالا تطيقه

صدري ملاذٌ لك عن الهم و الضيق
و يصير لك بستان في كل ضيقه

و ضلوع صدري لك قصورٌ شواهيق
و عندك على عهدٍ قطعته و ثيقة

،
،،
،

الجووهره معجب بهذا