هنا .. سجن القوافي !!

تسليه كيبورديه

الليل طرف والكرى عانق الموق=والبعد كبدي يالهواوي حرقها
القلب من حب اريش العين مفتوق=بنت بدويٍ تذبح اللي عشقها
عيونها النعاس والرمش من فوق=لاسلهمت سبحان ربٍ خلقها
هزت عروش القلب من كل معلوق=واستاقته سوق الجمل ثم سبقها
اسمع مثال ان كل مطرود ملحوق=لاكن هذي مابه اللي لحقها
عاهدتها وانا على العهد مابوق=وهي على الميثاق لاخر رمقها

اقتباس:

المشاركة الأصلية كتبت بواسطة ناصر الهواوي

صح لسانك يالغنامي

طاب القصيد وقلت والصوت مبحوح=يانار في العوج المحاديب شبي
قل ماتبي ياهاجسي وابعد الشوح=وعطني وجه من شان القيك لبي
دام العطاوي له مراويح وسروح=وبملعب الخفرات ماله يدبي
فانا بمزحي جد وبجدي امزوح=وما بينهن غرقت في حب كبي
يروح واجي له وياتين واروح=ولعب بذيك وذيك فاره بعبي
ولو بالطلاسم غيري يشبه البوح=انا وهو له فهمنا مستتبي

الهوااووي
صح لسانك
لاهنت يالجزل

اقتباس:

المشاركة الأصلية كتبت بواسطة ناصر الهواوي

كفاله للنجلاء وامر اعتقال للشاعر العلم مساعد الجليدي مع التحيه

ياذا الخفير اللي مرابط على طول=ياقو صبرك لو رجولك حديدي
زولك دبل كبدي كما زول ابا الهول=ابقيظ والا وقت بردٍ جليدي
بغير ربي لاش قوه ولا حول=والحمد له ونريد منه المزيدي
اسمع وانا ماودي علومك اتطول=لكن مني دوك علمٍ وكيدي
فك اسر نجلاء رغم رغبتك يالزول=وخذ جيبك وحبلك وهات الجليدي
الشاعر اللي منطقه غير مملول=يجلى عن الكبد العيوف الصديدي
لمنطقه معنى ومغزى ومدلول=تسمع وتطرب وان سكت تستزيدي

الهواوي
صح لسانك
على الكفاله الرائعه
تحياتي لك

الغنامي
صح لسانك
على الكيبورديه الفخمه
تقديري لك

ابو عبيد
صح الله لسانك على الكفاله الكايفه وبيض الله وجهك
واخترت سجين من الوزن الثقيل وياهلا بالجليدي في سجن الابداع
وحيااااك الله شاعرنا

اقتباس:

المشاركة الأصلية كتبت بواسطة محمد الغنامي

تسليه كيبورديه

الليل طرف والكرى عانق الموق=والبعد كبدي يالهواوي حرقها
القلب من حب اريش العين مفتوق=بنت بدويٍ تذبح اللي عشقها
عيونها النعاس والرمش من فوق=لاسلهمت سبحان ربٍ خلقها
هزت عروش القلب من كل معلوق=واستاقته سوق الجمل ثم سبقها
اسمع مثال ان كل مطرود ملحوق=لاكن هذي مابه اللي لحقها
عاهدتها وانا على العهد مابوق=وهي على الميثاق لاخر رمقها

الله الله
ياسلام عليك يالغنامي
وصح الله لسانك على هالدره الفاخره ولاهنت على التواجد المميز

الله يـبـيحـك ياخـطيـب الجـماعه

وشلون تسجني على غير تبرير

::::

حرمتني هرج الغظي واستماعه

ونا اتخيّل صورته صبح وعصير

::::

كـلٍ بروض الـبر يبني اشراعه

والجو ممطر والهوا نفحته غير

::::

يامطوّع الحاره درست اللّكاعه

مع شرفة المسجـد تقز الغنادير

::::

عندي سجلّك لوطلبت الشفاعه

مطلوب سجنك ماتفيد المعاذير

::::

خلّك محلّي وانـتـبه للبضاعه

واقبل تحياتي معزه وتقـدير

::::

واسمحلي والله جاني الدوام ماكملت

وبعد الدوام ابي اروح للذّود

لك مني اجمل التحايا والتقدير

الغنامي مبدع ما شاء الله عليك ولي عوده للاخيره ان شاء الله
النجلاء هلابك ولايشكر الله من لا يشكر الناس والله يحفظك
المهره الاصيله صح بدنك ودمتي وسلمتي وحضورك رائع تشكرين عليه
الجليدي رح لذودك ومرسك فيك وارجع بالسلامه لو بعد حين ولي عوده هههههههههههههههههه
وخذ هالتسليه على شقة النور
ــــــــــــــــــــــــــــــــــــ

وين انت ياللي لمنطوقك يروق المزاج= وفي حال صمتك تصب اقلامنا زاجها
احلا من الشهد للكبد العليله علاج=والنفس ترتاح له وايهون خلاجها
ريح العرق لاتهيا للزرار انبلاج=وشرَّع ادروب الوصال وفك مزلاجها
ريح الخزامى ليا مره هبيب وفاج=في روضةٍ من مطرها السرح ماداجها
سبب رئيسي لحبٍ بالمعاليق لاج=والعين من لوجته ياقل سوهاجها
ياما وياما من اسبابه حصل لي احراج=واضيق واتعاود اشواقي له ادراجها